1 यहून्‍ना 2:28 - बुक्सा

²⁸ इसताँई बालकौ, अब तुम मसी मै बने रौह, जिस्सै कै जब बौ दुबारा आगो, तौ हम्मै हिम्मत होए और जब बौ आगो तौ बाके सामने हमरी बेजती ना होए।

1 यहून्‍ना 2:28 Mawu Ofanana

मत्‍ती 16:27

कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो।

मत्‍ती 16:28

मैं तुमसै सच कैरओ हौं, हिंया कुछ ऐंसे खड़े हैं जो तब तक ना मरंगे जब तक बे आदमी के लौंड़ा कै उसके राज मै आते ना देख लै।”

मरकुस 8:38

अगर कोई मैंकै और मेरी बातौं कै, बैबिचारी और पापी लोगौ के डर सै मेरो इनकार करैगो, तौ ‘मैं’ आदमी को लौंड़ा बी जब पबित्‍तर सुरगदूतौं के संग अपने अब्बा की महिमा मै आंगो, तब मैं बी उसको इनकार कर दंगो।”

लूका 17:30

उस दिन बी जब ‘मैं’ आदमी को लौंड़ा परकट हौंगो, ठीक ऐंसोई होगो।

रोमियो 9:33

जैसो पबित्‍तर सास्तर मै लिखो है, “देखौ मैं सिओन मै एक पत्‍थर रख रओ हौं, जो लोगौ कै ठेस लगाबै है, और एक चट्‍टान जो ठोकर लगाबै है। मगर जो कोई उसके ऊपर बिसवास करैगो उसकी कबी बेजती ना होगी।”

1 कुरन्‍थियों 1:7

और तुम्मै पबित्‍तर आत्‍मा के किसी बी बरदान की कमी ना है और तुम हमरे परभु ईसु मसी के बापस आनै को पैंड़ो देखते रैहए।

1 कुरन्‍थियों 15:23

पर सिगरे लोग बारी बारी सै जिन्‍दे करे जांगे, सबसै पैले मसी कै जिन्दो करो, और जब मसी फिर सै आगो तौ बे जिन्‍दे हो जांगे जो बाके हैं।

इफिसिऔ 3:12

मसी मै और उसके ऊपर बिसवास कन्‍नै के दुआरा, हम पूरे भरोसे के संग परमेसर के धौंरे जानै के ताँई पूरी हिम्मत रक्‍खै हैं।

कुलुसिऔं 3:4

मसी तुमरी जिन्‍दगी है और जब बौ परकट होगो, तौ तुम बी बाके संग महिमा मै परकट हो जाऔगे।

1 थिसलुनीकियौ 2:19

हमरे परभु ईसु के आनै के बखत मै बाके सामने हमरी आस, खुसी, या बड़ाई को मुकट का है? का तुम ना हौ?

1 थिसलुनीकियौ 3:13

हम जौ पिराथना करै हैं कै तुमरे दिल मजबूत हौंऐ। जब हमरो परभु ईसु अपने पबित्‍तर लोगौ के संग आय, तौ बा बखत मै बी तुम परमेसर के सामने पबित्‍तर और निरदोस ठैर सकौ।

1 थिसलुनीकियौ 5:23

सान्‍ति दैनै बारो परमेसर खुदई तुमकै पूरी तरै पबित्‍तर करै; और तुमरी आत्‍मा, पिरान और सरीर कै हमरे परभु ईसु मसी के आनै तक निरदोस रखैगो।

1 तीमुथियुस 6:14

तू हमरे परभु ईसु मसी के दुबारा आनै तक जौ हुकम बगैर कलंक और बगैर गलती के माने करौ।

2 तीमुथियुस 4:8

अब सुरग मै मेरे ताँई धारमिकता को मुकट तईयार करकै रखर खाओ है और परभु जो सच्‍चो नियाय कन्‍नै बारो है। मैंकै बा दिन देगो और मैंकैई ना पर उन सबई लोगौ कै बी देगो जो पियार के संग बाको फिर सै आनै को पैंड़ो देख रए हैं।

तीतुस 2:13

और उस धन्‍न उमीद की मतलब अपने महान परमेसर और मुक्‍तिदाता ईसु मसी की महिमा के परकट होनै को पैंड़ो देखते रैंह।

इबरानिओ 9:28

बैसेई मसी नै बी भौस्से लोगौ के पापौं के ताँई एकई दफै अपनी बलि चढ़ाई। अब बौ दूसरी दफै पाप की बलि चढ़नै के ताँई ना आगो पर जो लोग बाको पैंड़ो देख रए हैं उनकै बचानै के ताँई आगो।

1 पतरस 1:7

जौ इसताँई होवै है कै तुमरो परखो भओ बिसवास, जो आग सै ताए भए नास होनै बारे सौने सै बी जादा कीमती है, जब ईसु मसी परकट होगो तौ तुम लोगौ कै बड़ाई, इज्‍जत और महिमा मिलैगी।

1 पतरस 5:4

और जब रखबारी कन्‍नै बारो बड़ो गड़रिया परकट होगो तौ तबई तुमकै महिमा को मुकट देओ जागो। जिसकी चमक कबी कम ना होवै है।

1 यहून्‍ना 2:1

हे मेरे बालकौ, जे बात मैं तुमकै इसताँई लिख रओ हौं कै तुम पाप ना करौ। पर अगर कोई पाप करै है, तौ परमेसर के धौंरे हमरी ओर सै एक बोलनै बारो है, और बौ है धरमी ईसु मसी।

1 यहून्‍ना 3:2

मेरे पियारे भईयौ, अब हम परमेसर की औलाद हैं, मगर जौ अबी तक परकट ना भओ है कै हम का बनंगे। हम इतनो जानै हैं कै जब परमेसर को लौंड़ा परकट होगो, तौ हम बाके जैसेई हो जांगे, कैसेकै हम बाकै बैसेई देखंगे जैसो बौ है।

1 यहून्‍ना 3:21

मेरे पियारे बालकौ, अगर हमरो मन हमकै दोस ना देए, तौ हमकै परमेसर के सामने खड़े होनै की हिम्मत मिलै है।

1 यहून्‍ना 4:17

इसई सै हम्मै पियार पक्‍को हो गओ है ताकि नियाय के दिन हम्मै हिम्मत बनी रैह। कैसेकै जो जिन्‍दगी हम जा दुनिया मै जी रए हैं, बौ मसी की जिन्‍दगी के हाँई है।

1 यहून्‍ना 5:14

परमेसर के ऊपर हमरो जौ बिसवास है कै अगर हम बाकी मरजी के हिसाब सै कुछ बी माँगै हैं, तौ बौ हमरी सुनै है।

परकासन 1:7

देखौ, बौ बादरौं के संग आनै बारो है, और हर एक आँख बाकै देखैगी पर जिनौनै बाके सरीर मै भालो घौंपो हो, बे बी बाकै देखंगे और धरती के सिगरे गोत बाके बजै सै छाती पीटंगे। हाँ! ऐंसोई होए।