1 यहून्‍ना 2:17 - बुक्सा

¹⁷ दुनिया और बाकी बुरी इच्‍छा दौनौ खतम करी जा रईं हैं, पर जो परमेसर की इच्‍छा मै चलै है, बौ अमर हो जावै है।

1 यहून्‍ना 2:17 Mawu Ofanana

मत्‍ती 21:31

“बताऔ इन दौनौ मै सै किसनै अपने अब्बा की इच्‍छा पूरी करी?” उनौनै कैई, “बड़े नै।” ईसु नै उनसै कैई, “मैं तुमसै सच कैरओ हौं कै चुंगी लैनै बारे और रन्डी परमेसर के राज मै तुमसै पैले जांगे।

मत्‍ती 24:35

चाँए आसमान और धरती मिट जाँय, पर मेरो कहो भओ बचन कबी ना मिटैगो।

मत्‍ती 7:21

“जो मैंसै, हे परभु, हे परभु कैबै है, उनमै सै सबके सब सुरग के राज मै परबेस ना करंगे, पर बौई जो मेरे सुरग के अब्बा की इच्‍छा मै चलै है।

मरकुस 3:35

जो कोई परमेसर की मरजी मै चलै है, बौई मेरो भईया, बहन और अईया है।”

यहून्‍ना 4:14

पर जो कोई उस जल मै सै पियैगो जो मैं बाकै देंगो, बौ फिर जिन्‍दगी भर कबी पियासो ना होगो, पर जो जल मैं बाकै देंगो, बौ बामै एक सोता बन जागो, जो हमेसा की जिन्‍दगी के ताँई उमड़तो रैहगो।”

यहून्‍ना 6:58

जौई बौ रोटी है जो सुरग सै आई है। जौ बैसी ना है जैसी हमरे बापदादौं नै खाई और बाद मै मर गए, जो इस रोटी कै खावै है बौ हमेसा जिन्‍दो रैहगो।”

यहून्‍ना 7:17

अगर आदमी बौ कन्‍नो चाँहै, जो परमेसर की इच्‍छा है तौ बौ जौ जान जागो कै जो उपदेस मैं देवौ हौं बौ परमेसर को है, या मैं अपनी ओर सै देरओ हौं।

रोमियो 12:2

अब इस दुनिया के हिसाब सै मत चलौ बलकन अपने मनौ कै नओ करकै अपने आपकै बदलौ ताकि तुमकै पतो चल जाऐ कै परमेसर तुमरे ताँई का चाँहबै है। यानी जो भौत अच्‍छो है, जो उसकै परसन्‍द है और जो परिपूरन है।

1 कुरन्‍थियों 7:31

और जो जा दुनिया की चीजौ के लेन-देन मै डूबै हैं, बे ऐंसे रैह, मानौ इन चीज को उनसै कोई मतलब ना हैं, कैसेकै जो दुनिया हम देख रए हैं बौ जादा बखत तक टिकी ना रैहगी।

कुलुसिऔं 1:9

और जिस दिन सै हमनै जौ बात सुनी है, तब सै रोज हम तुमरे ताँई पिराथना और बिनती करै हैं कै, परमेसर तुमकै आत्मा के दुआरा सिगरी समज और बुद्‍धि दे, जिस्सै कै तुम बाकी इच्‍छा कै पूरे तरीका सै जान सकौ।

कुलुसिऔं 4:12

इपफरास जो तुमरे हिंया को है, बौ मसी ईसु को सेवक है, तुमकै नमस्कार कैबै है। बौ तुमरे ताँई हमेसा जौ पिराथना करतो रैहबै है कै तुम परमेसर की सिगरी मरजी के बारे मै पूरे तरीका सै समजकै और पक्‍के होकै टिके रौह।

1 थिसलुनीकियौ 4:3

परमेसर की इच्‍छा जौ है कै तुम पबित्‍तर बने रौह और बैबिचार सै बचे रौह।

1 थिसलुनीकियौ 5:18

और हर एक बात मै परमेसर कै धन्‍नबाद देओ कैसेकै तुमरे ताँई मसी ईसु मै परमेसर की इच्‍छा जौई है।

इबरानिओ 10:36

तुमकै सबर रखनै की जरूरत है जिस्सै कै तुम परमेसर की इच्‍छा कै पूरो कर सकौ और बा बादे कै तुम पा सकौ जो परमेसर नै करर खाओ है।

याकूब 4:14

मगर तुम जौ ना जानौ हौ कै कल तुमरी जिन्‍दगी मै का होगो; सुनौ, तुम तौ बा कौहौल के हाँई हौ जो थोड़ी देर ताँई आवै है और फिर खतम हो जावै है।

1 पतरस 1:5

बे तुमरे ताँई हैं, और तुमरे बिसवास की बजै सै परमेसर नै अपनी सकति सै बा मुक्‍ति के ताँई तुमकै समार कै रक्‍खो है, जो बखत के आखरी मै परकट होनै बारी है।

1 पतरस 4:2

ताकि अग्गे की जो जिन्‍दगी बची है बाकै लालच और पापी आदमी के हाँई ना पर जैसो परमेसर चाँहै है, बैसेई जीऐं।