1 यहून्‍ना 2:15 - बुक्सा

¹⁵ तुम ना तौ दुनिया सै और ना दुनिया की चीजौ सै पियार करौ, अगर कोई दुनिया सै पियार करै है, तौ बामै पिता परमेसर को पियार ना है।

1 यहून्‍ना 2:15 Mawu Ofanana

मत्‍ती 4:8

तब सैतान उसकै भौत ऊँचे पहाड़ मै ले गओ और पलभरमैई दुनिया के सैरे देस और उनकी सान दिखा दई।

मत्‍ती 6:24

“कोई बी एक संग दो मालिकौं की सेवा ना कर सकै है, बौ या तौ एक सै बैर और दूसरे सै पियार करैगो, या एक को आदर और दूसरे की बेजती करैगो, तुम परमेसर और धन दौनौ की सेवा एक संग ना कर सकौ हौ।

लूका 16:13

“कोई नौकर दो मालिकौं की सेवा ना कर सकै है; कैसेकै बौ तौ एक सै बैर और दूसरे सै पियार रखैगो; या एक सै मिलो रैहगो और दूसरे की बेजती करैगो; बैसेई तुम परमेसर और धन दौनौ की सेवा एक संग ना कर सकौ हौ।”

यहून्‍ना 15:19

अगर तुम दुनिया के होते, तौ तुमकै दुनिया अपनौ के जैसे पियार करती, पर इसताँई कै तुम दुनिया के ना हौ और मैंनै तुमकै दुनिया मै सै चुनकै लिकार लओ है इसताँई दुनिया तुमसै नफरत करै है।

रोमियो 12:2

अब इस दुनिया के हिसाब सै मत चलौ बलकन अपने मनौ कै नओ करकै अपने आपकै बदलौ ताकि तुमकै पतो चल जाऐ कै परमेसर तुमरे ताँई का चाँहबै है। यानी जो भौत अच्‍छो है, जो उसकै परसन्‍द है और जो परिपूरन है।

गलातिऔ 1:10

का मैं आदमी की ओर सै अपनी बड़ाई चाँहौ हौं या परमेसर की? का मैं आदमिऔ कै खुस कन्‍नै के ताँई लगो रैहबौं हौं? अगर मैं अब तक लोगौ कै खुस करतो रैहतो तौ मैं मसी को सेवक ना होतो।

इफिसिऔ 2:2

जिसमै पैले तुम जा दुनिया के बुरी रस्ता मै चलते भए बा आसमान के दुसट सकतिऔं के अधकारी को नाम जपते भए जीवै हे। जौ बौई आत्‍मा है जो अब उन लोगौ के भीतर काम कर रई है, जो लोग परमेसर की आगियाँ कै ना मानै हैं।

1 तीमुथियुस 6:10

कैसेकै पैसा को लालच हर तरै की बुराई की जड़ है, और कुछ लोग सेट बन्‍नै के लालच मै आकै बिसवास सै भटक गए और बे भौत दुख झेलै हैं।

याकूब 1:27

हमरे परम पिता परमेसर की नजरौ मै सुद्‍द और बिना दोस की भक्‍ति जौ है, कै मुसीबतौं मै पड़े अनाथौं और राँड़ौ की सायता करौ, और दुनिया के कलंक सै खुद कै बचाए रक्‍खौ।

याकूब 4:4

बैबिचार कन्‍नै बारौ का तुम जौ ना जानौ हौ, कै दुनिया सै दोस्ती कन्‍नी परमेसर सै दुसमनी कन्‍नै के बराबर है? इसताँई जो कोई दुनिया सै दोस्ती कन्‍नो चाँहै है बौ परमेसर को दुसमन बन जावै है।

1 यहून्‍ना 3:17

अगर किसी आदमी के धौंरे दुनिया की दौलत है और बौ अपने भईया की जरूरत कै देक्‍कै बाके ऊपर तरस ना खावै है, तौ बामै परमेसर को पियार कैसे बनो रैह सकै है?

1 यहून्‍ना 4:5

बे मसी बिरोदी लोग दुनिया के हैं, इस बजै सै बे दुनिया की ओर सै बोलै हैं, और दुनिया उनकी सुनै है।

1 यहून्‍ना 5:10

जो परमेसर के लौंड़ा के ऊपर बिसवास करै है, बौ अपने भीतर बा गभाई कै रक्‍खै है। अगर कोई परमेसर मै बिसवास ना करै है, तौ बौ परमेसर कै झूँटो ठैराबै है। कैसेकै बानै बा गभाई को बिसवास ना करो, जो परमेसर नै अपने लौंड़ा के बारे मै दई ही।