1 यहून्‍ना 1:6 - बुक्सा

⁶ अगर हम कैंऐ कै, हम बाके संगी साती हैं, पर इन्‍धेरे की रस्ता मै चलै हैं, तौ हम झूँटे हैं, और सच्‍चाई मै ना चलै हैं।

1 यहून्‍ना 1:6 Mawu Ofanana

मत्‍ती 7:22

उस दिन भौत से लोग मैंसै कैंगे, हे परभु, का हमनै तेरो नाम लेकै भबिसबानी ना करी, और तेरे नाम सै दुसट आत्‍माऔ कै ना लिकारो, और तेरो नाम लेकै भौत से चमत्कार ना दिखाए?

यहून्‍ना 11:10

पर अगर कोई रात मै चलै तौ बौ ठोकर खावै है, कैसेकै बाके धौंरे उज्‍जेरो ना होवै है।”

यहून्‍ना 12:35

इसताँई ईसु नै उनसै कैई, “जोती तुमरे धौंरे और थोड़ी देर के ताँई है। जब तक जोती तुमरे संग है, तब तक चलते चलौ, ऐंसो ना होए कै इन्धेरो तुमकै आ घेरै, कैसेकै जो इन्धेरे मै चलै है बौ ना जानै है कै बौ कितै जा रओ है।

यहून्‍ना 12:46

मैं दुनिया मै जोती के रूप मै आओ हौं कै जो कोई मेरे ऊपर बिसवास करै है, बौ इन्धेरे मै ना रैहगो।

यहून्‍ना 8:12

ईसु नै फिर आदमिऔ सै कैई, “दुनिया को उज्‍जेरो मैं हौं। जो मेरे पीछे हो लंगे, बे इन्धेरे मै ना चलंगे, पर जिन्‍दगी को उज्‍जेरो उनकै मिलैगो।”

यहून्‍ना 8:55

तुम तौ बाकै ना जानौ हौ, पर मैं बाकै जानौ हौं। अगर मैं कैंऔ कै मैं बाकै ना जानौ हौं, तौ मैं तुमरे जैसो झूँटो कैलांगो, पर मैं बाकै जानौ हौं और बाके बचनौ मै चलौ हौं।

1 तीमुथियुस 4:2

ऐंसो उन झूँटे धोको दैनै बारे लोगौ की बजै सै होगो, जिनकै अपनी किसी बी गलती को कोई अहसासई ना होवै है।

याकूब 2:14

हे मेरे भईयौ, अगर कोई कैए कै मैं बिसवास करौ हौं, मगर बौ काम ना करै है, तौ जासै बाकै का फाएदा? का ऐंसो बिसवास बाकै मुक्‍ति देगो?

याकूब 2:16

और तुम्मै सै कोई उनसै कैए कै, “सान्‍ति सै जाऔ, परमेसर तुमरी सायता करैगो; और तुम गरम लत्‍ता पैहरौ और पेट भरकै रोटी खाऔ,” मगर तुम उनके सरीर के ताँई जो जरूरी है बौ चीज ना दो तौ, फिर जा बात सै का फाएदा?

याकूब 2:18

पर कोई कैह सकै है कै, “तेरे धौंरे बिसवास है, तौ मेरे धौंरे करम है। अब तू बिना करम के अपनो बिसवास दिखा और मैं तेकै अपनो बिसवास करमौ के दुआरा दिखांगो।”

1 यहून्‍ना 1:10

अगर हम कैंऐ कै, हमनै कोई पाप ना करो है तौ हम परमेसर कै झूँटो साबित करै हैं, और बाको बचन हम्मै ना है।

1 यहून्‍ना 1:3

हमनै जो देखो और सुनो है, बौई हम तुमकै बताबै हैं, जिस्सै तुम हमरे संग अब्बा और बाके लौंड़ा ईसु मसी के साती बनौ।

1 यहून्‍ना 1:8

अगर हम कैबै हैं कै, हमनै कोई पाप ना करो है, तौ हम अपने आपकै धोको देवै हैं और हम्मै कोई सच्‍चाई ना है।

1 यहून्‍ना 2:4

जो कोई आदमी कैबै है कै, “मैं परमेसर कै जानौ हौं,” पर बाकी आगियाँऔ कै ना मानै है, तौ बौ झूँटो है, और बामै सच्‍चाई ना है।

1 यहून्‍ना 4:20

अगर कोई कैबै है कै, “मैं परमेसर सै पियार करौ हौं” और बौ अपने भईया सै नफरत करै, तौ बौ झूँटो है। कैसेकै जो अपने भईया सै पियार ना करै है, जिसकै बौ देखै है, तौ बा परमेसर कै जिसकै बानै कबी देखोई ना है, पियार कैसे कर सकै है?