1 यहून्‍ना 1:10 - बुक्सा

¹⁰ अगर हम कैंऐ कै, हमनै कोई पाप ना करो है तौ हम परमेसर कै झूँटो साबित करै हैं, और बाको बचन हम्मै ना है।

1 यहून्‍ना 1:10 Mawu Ofanana

यहून्‍ना 3:33

जिसनै बाकी गभाई मान लई बानै इस बात मै मौहर लगा दई कै परमेसर सच्‍चो है।

कुलुसिऔं 3:16

मसी के बचनौ कै अपने दिल मै पूरी तरै सै बसालो; और पूरे गियान सै एक दूसरे कै सिकाऔ और चितौनी दो, और अपने अपने मन मै धन्‍नबाद के संग परमेसर के ताँई किरतन करौ और भजन और आत्‍मिक गीत गाय करौ।

1 यहून्‍ना 1:8

अगर हम कैबै हैं कै, हमनै कोई पाप ना करो है, तौ हम अपने आपकै धोको देवै हैं और हम्मै कोई सच्‍चाई ना है।

1 यहून्‍ना 2:14

पियारे बालकौ मैंनै तुमकै इसताँई लिखो हो, कै तुम पिता परमेसर कै जान गए हौ। हे अब्बाऔं, मैंनै तुमकै इसताँई लिखो हो, कैसेकै तुम ईसु मसी कै जान गए हौ, जो सुरू सैई है। हे जमानौ, मैंनै तुमकै इसताँई लिखो हो, कैसेकै तुम सकतिसाली हौ, और तुम्मै परमेसर को बचन बनो रैहबै है, और तुमनै बा दुसट के ऊपर जीत पा लई है।

1 यहून्‍ना 2:4

जो कोई आदमी कैबै है कै, “मैं परमेसर कै जानौ हौं,” पर बाकी आगियाँऔ कै ना मानै है, तौ बौ झूँटो है, और बामै सच्‍चाई ना है।

1 यहून्‍ना 4:4

हे पियारे बालकौ, तुम परमेसर के हौ। इसताँई तुमनै मसी के दुसमनौ के ऊपर जीत पा लई है। कैसेकै बौ परमेसर जो तुम्मै है, इस दुनिया मै रैहनै बारे सैतान सै महान है।

1 यहून्‍ना 5:10

जो परमेसर के लौंड़ा के ऊपर बिसवास करै है, बौ अपने भीतर बा गभाई कै रक्‍खै है। अगर कोई परमेसर मै बिसवास ना करै है, तौ बौ परमेसर कै झूँटो ठैराबै है। कैसेकै बानै बा गभाई को बिसवास ना करो, जो परमेसर नै अपने लौंड़ा के बारे मै दई ही।

2 यहून्‍ना 1:2

और जाई सच्‍चाई की बजै सै बौ हम्मै बनो रैहबै है, और जो हमेसा हमरे संग रैहगो।