1 कुरन्‍थियों 8:13 - बुक्सा

¹³ इसताँई अगर मेरो खानो मेरे भईया के ताँई पाप की बजै बनै है, तौ मैं फिर कबी मांस ना खांगो, कहीं ऐंसो ना होए कै मैं अपने भईया के ताँई पाप की बजै बन जाऔ।

1 कुरन्‍थियों 8:13 Mawu Ofanana

मत्‍ती 17:27

फिर बी हम उन लोगौ कै गलत उदाहरन ना दैं, इसताँई तुम झील के किनार जाकै काँटो डारौ, जो मच्‍छी पैले फसैगी, बाकै पकड़ लेईओ, और बाको मौह खोलौगे तौ तुमकै एक सिक्‍का मिलैगो, उसई कै लेकै मेरे और अपने बदले उनकै दे देईओ।”

चेलौ के काम 15:20

पर उनकै जौ बात लिखकै भेज देईओ कै बे ना तौ बैबिचार करैं, और ना मूरती मै चढ़ाओ भओ चढ़ाबो खाँय, और ना साँस गोट कै मारे भए जनाबर के मांस कै, और ना खून कै खाँय।

रोमियो 14:13

हम आपस मै दोस लगानो बंद करैं और ठान लैं कै अपने भईया के रस्ता मै टांग ना अड़ांगे और नाई उसके पाप की बजै बनंगे।

रोमियो 14:21

भलो तौ जौ है कै तू ना तौ मीठ खाऐ, और ना दारू पिऐ और ना कोई ऐंसो काम करै जो तेरे भईया के ताँई पाप की बजै बन जाऐ।

1 कुरन्‍थियों 10:32

तुम लोग ना तौ यहूदिऔं के ताँई, ना गैर यहूदी लोगौ के ताँई और ना परमेसर के बिसवासिऔ की मंडली के ताँई ठोकर की बजै बनौ।

1 कुरन्‍थियों 10:33

जैसे मैं सबई बातौं मै सबई कै खुस रक्‍खौ हौं, और अपने फाएदा की ना पर औरौं के फाएदा की सोचौ हौं, जिस्सै कै बे मुक्‍ति पा सकैं।

1 कुरन्‍थियों 13:5

पियार किसी के संग बुरो बरताब ना करै है, और अपनी भलाई ना चाँहै है, ना जल्दी घुस्सा करै है और नाई बुरी बातौं को हिसाब रक्‍खै है।

1 कुरन्‍थियों 6:12

अगर कोई कैए कै, “मैंकै सबई कुछ कन्‍नै को हक दओ है” पर सबई कुछ मेरे फाएदा के ताँई ना है। “मैंकै सबई कुछ कन्‍नै को हक दओ है” पर मैं खुद कै किसी बी चीज को गुलाम ना बनन देवौ हौं।

1 कुरन्‍थियों 9:12

जब दूसरे लोग कुछ पानै को हक रक्‍खै हैं, तौ का हमरो हक उन लोगौ सै जादा ना है? फिर बी हमनै इस हक को फाएदा ना उठाओ। उल्टा, हम मसी की अच्‍छी खबर के परचार मै कोई रुकाबट ना डारै हैं। इसताँई हम हर तरै सै दुख सैहबैं हैं।

2 कुरन्‍थियों 11:29

अगर कोई कमजोर है, तौ मैं बी कमजोर हौं। जब कोई पाप मै पड़ै है, तौ मैंकै बेसानी दुख होवै है।

2 कुरन्‍थियों 6:3

हम हर एक बात मै धियान देवै हैं जिस्सै कै हमरे ऊपर उंगरिआ उठानै को मौको ना मिलै, और ना हमरी सेवा के काम मै कोई कलंक लगै।