1 कुरन्‍थियों 7:18 - बुक्सा

¹⁸ अगर परमेसर के दुआरा किसी कै बुलाओ गओ है, और बाको खतना हो गओ है, तौ बौ जा बात कै लुकानै की कोसिस ना करै और अगर किसी कै परमेसर दुआरा बिना खतना बारे कै बुलाओ गओ है, तौ बौ अपनो खतना ना कराऐ।

1 कुरन्‍थियों 7:18 Mawu Ofanana

चेलौ के काम 15:19

याकूब नै कैई कै, “मेरी जौ सला है कै गैर यहूदी लोग जो परमेसर कै मानै हैं उनकै हम परेसान ना करैं।

चेलौ के काम 15:24

हमनै जौ सुनो है कै हम्मै सै कुछ लोगौ नै हम सै बगैर पूँछे तुमरे बीच मै जाकै अपनी बातौं सै तुमकै दुख पौंचाओ है और तुमरो दिल कै बेचैन करो है।

चेलौ के काम 15:28

पबित्‍तर आत्‍मा और हमकै जौ अच्‍छो लगै है कै तुमरे ऊपर इन जरूरी बातौं के अलाबा कोई दूसरी बात को बोज ना डारैं।

चेलौ के काम 15:5

तबई जो फरीसी समू के बिसवासी लोग हे उनमै सै कुछ लोगौ नै खड़े होकै कैई कै, “गैर यहूदी लोगौ कै बी खतना कन्‍नो चँईऐ और उनकै मूसा के नियम कै माननै को बी हुकम दैनो चँईऐ।”

चेलौ के काम 21:21

तेरे बारे मै लोग जौ कैबै हैं कै तू गैर यहूदी लोगौ के बीच मै रैहकै यहूदी लोगौ कै जौ सिकाबै है कै, ‘ना तौ मूसा के नियम कै मानिओ और ना बालकौ को खतना करिओ और नाई रीति-रिबाज कै मानिओ।’

कुलुसिऔं 3:11

और अब किसी मै कोई फरक ना है, चाँहे यूनानी होए या यहूदी, चाँहे खतना बारो होए या बिना खतना बारो, चाँहे सैहर को होए या जंगल को, चाँहे गुलाम होए या आजाद। मसी सिगरी बातौं मै सबई सै बढ़कै है और बौ हम सबई मै रैहबै है।