1 कुरन्‍थियों 7:10 - बुक्सा

¹⁰ जिनको बिहा हो गओ है, उनकै मैं ना, पर परभु आगियाँ देवै है कै बईयर अपने लोग सै अगल ना होए।

1 कुरन्‍थियों 7:10 Mawu Ofanana

मत्‍ती 5:32

पर मैं तुमसै जौ कैरओ हौं कै जो कोई अपनी बईयर कै बैबिचार के अलाबा किसी और कारन सै छोड़ दे, तौ बौ उस्सै बैबिचार करबाबै है और जो कोई उस छोड़ी भई बईयर सै बिहा करै बौ बैबिचार करै है।

मरकुस 10:2

फिर कुछ फरीसी उसके धौंरे आए और उस्सै पूँछी, “का किसी आदमी के ताँई जौ सई है कै बौ अपनी बईयर कै तलाक दे?” उनौनै बाकै परखनै के ताँई उस्सै जौ सबाल पूँछो हो।

लूका 16:18

“जो कोई अपनी बईयर कै छोड़कै दूसरी सै बिहा करै है, तौ बौ उसके संग गलत काम करै है और जो कोई ऐंसी छोड़ी भई बईयर सै बिहा करै है, तौ बौ बी गलत काम करै है।

1 कुरन्‍थियों 7:11

और अगर बौ बईयर छोड़कै चली जाय, तौ बौ दूसरो बिहा ना करै, या अपने लोग सै फिर सै मेलजोल करकै संग रैह। ना लोग अपनी बईयर कै छोड़ै।

1 कुरन्‍थियों 7:12

पर दूसरे लोगौ सै परभु को ना पर मेरो कैनो जौ है, अगर किसी बिसवासी भईया की बईयर मसी मै बिसवास ना करै है, और बौ बाके संग रैहनो चाँहै है तौ बौ बाकै ना छोड़ै।

1 कुरन्‍थियों 7:15

अगर अबिसवासी छोड़कै जानो चाँहै है तौ बौ चलो जाऐ। ऐंसी घड़ी किसी बिसवासी भईया या बहन के सामने आवै है तौ बे बिहा के रिस्ता मै बंधे ना रैहंगे। परमेसर नै तौ तुमकै सान्‍ति की जिन्‍दगी जीनै के ताँई बुलाओ है।

1 कुरन्‍थियों 7:25

कुँआरी लौंड़िऔ और राँड़ौ के बारे मै परभु की ओर सै मैंकै कोई आगियाँ ना मिली है, पर परभु की दया सै बिसवास के जोग होनै के नाते मैं अपनी सला देरओ हौं।

1 कुरन्‍थियों 7:40

पर जैसी है अगर बौ बैसीई रैह, तौ मेरी सोच सै और बी जादा अच्‍छो है। कैसेकै मैंनै जौ बात इसताँई कैई कै, मैं ऐंसो बिसवास करौ हौं कै परमेसर को आत्‍मा मेरे भीतर बी है।

1 कुरन्‍थियों 7:6

मैं जौ बात आगियाँ के रूप मै ना कैरओ हौं, पर मंजूरी देरओ हौं।