1 कुरन्‍थियों 6:3 - बुक्सा

³ का तुम जौ ना जानौ हौ कै, हम सुरगदूतौं को बी फैसला करंगे? तौ का हम जा दुनिया की बातौं को फैसला कन्‍नै के लायक ना हैं?

1 कुरन्‍थियों 6:3 Mawu Ofanana

मत्‍ती 25:41

“फिर बौ राजा अपनी बाँई ओर बारौ सै कैगो, ‘अरे अभागौ! मेरे सामने सै उस हमेसा की आग मै चले जाऔ, जो सैतान और बाके दूतौ के ताँई तईयार करी गई है।

लूका 21:34

“इसताँई चौकस रैहऔ, कहीं ऐंसो ना होए कै तुमरो मन भोग-विलास, नसा और जा जिन्‍दगी की चिन्‍ताऔं के बोज सै दब जाय और बौ दिन फंदा के हाँई अचानक तुमरे ऊपर आ पड़ै।

लूका 8:14

“कटीली झाँड़िऔं मै गिरे भए बे लोग हैं, जो बचन सुनै हैं, पर अग्गे चलकै बे चिन्‍ता और धन और जिन्‍दगी के सुख विलास मै फसकै दब जावै हैं और पकनै के ताँई कोई अच्‍छे फल ना लाबैं हैं।

रोमियो 6:16

का तुम जौ ना जानौ हौ कै जब तुम किसी की आगियाँ माननै के ताँई अपने आपकै दासौं के हाँई सौंप देवौ हौ। तौ तुम उसई के दास हौ। फिर चाँहे तुम पाप के दास बनौ, जो तुमकै मौत की ओर ले जागो। चाँहे परमेसर की आगियाँ माननै बारे दास बनौ, जो तुमकै धारमिकता की ओर ले जागी।

1 कुरन्‍थियों 6:15

का तुम जौ ना जानौ हौ कै तुमरो सरीर मसी के सरीर को हिस्सा है? तौ का मैं मसी के सरीर के हिस्सा कै लेकै रंडिऔ के सरीर के हिस्सा मै मिला दौं? कबी ना।

1 कुरन्‍थियों 6:16

का तुम ना जानौ हौ कै जिसको मिलन रंडिऔ सै होवै है, बौ बाके संग एक सरीर हो जावै है। कैसेकै पबित्‍तर सास्तर कैबै है कै, “बे दौनौ एक सरीर हौंगे।”

1 कुरन्‍थियों 6:19

का तुम जौ ना जानौ हौ कै तुमरो सरीर पबित्‍तर आत्‍मा को मन्‍दर है? जो तुम्मै रैहबै है, और तुमकै परमेसर की ओर सै मिलो है, और अब तुम खुद के ना हौ।

1 कुरन्‍थियों 6:4

अगर तुमरे बीच मै छोटी मोटी लड़ाई होवै बी हैं, तौ तुम ऐंसे आदमी कै फैसला कन्‍नै के ताँई काए बुलाबौ हौ जिसकै बिसवासिऔ की मंडली कुछ बी ना समजै है।

2 तीमुथियुस 2:4

जो सिपाई को काम करै है, बौ आम लोगौ की जिन्‍दगी मै दखल ना देवै है कैसेकै बौ अपने अधकारी कै खुस कन्‍नै के ताँई तईयार रैहबै है।

2 तीमुथियुस 4:10

कैसेकै देमास नै मैंकै छोड़कै जा दुनिया की बातौं सै पियार करो और थिसलुनीके देस मै चलो गओ। करेसकेन्स तौ गलातिया कै चलो गओ और तीतुस दलमतिया कै चलो गओ।

2 पतरस 2:4

कैसेकै परमेसर नै उन सुरगदूतौं कै बी ना छोड़ो जिनौनै पाप करो हो, बलकन उनकै साँकर सै बांधकै नरक के इन्धेरे कुन्ड मै फैंक दओ ताकि नियाय के दिन तक कैद मै रैंह।

यहूदा 1:6

और जिन सुरगदूतौं नै अपनी रैहनै की जघै और पद कै छोड़ दओ हो उनकै परमेसर नै हमेसा के ताँई कुप्‍प इन्धेरे मै बांधकै नियाय के आखरी दिनौ मै सजा के ताँई रखर खाओ है।