1 कुरन्‍थियों 6:11 - बुक्सा

¹¹ और तुम्मै सै बी कुछ लोग ऐंसेई हे, पर अब परभु ईसु मसी के नाम सै और हमरे परमेसर की आत्‍मा सै धोकै, पबित्‍तर और धरमी ठैरे हौ।

1 कुरन्‍थियों 6:11 Mawu Ofanana

मत्‍ती 20:4

तब उसनै उनसै कैई, ‘तुम बी मेरे अंगूर के बगीचा मै जाऔ, मैं तुमकै ठीक ठाक डिहाड़ी दे दंगो’ और बे बहाँ काम कन्‍नै चले गए।

लूका 18:14

फिर ईसु नै उनसै कैई, “जौई आदमी परमेसर की नजर मै धरमी होकै अपने घर लौहटो। ना कै बौ फरीसी कैसेकै जो कोई आदमी अपने आपकै बड़ो बनागो, बौ छोटो करो जागो; और जो अपने आपकै छोटो बनागो, बौ बड़ो करो जागो।”

यहून्‍ना 13:10

ईसु नै बासै कैई, “जो नहालओ है बाकै तौ बस अपने पाँऐ कैई धोनै की जरूरत है, कैसेकै बौ बाहार सै सुद्‍द है और तुम सुद्‍द हौ, पर तुम्मै सबके सब ना।”

यहून्‍ना 13:8

पतरस नै बासै कैई, “तू मेरे पाँऐ कबी ना धोनै पागो।” ईसु नै बाकै जबाब दओ, “अगर मैं तेकै ना धोऔं तौ मेरे संग तेरो कुछ बी रिस्ता ना है।”

यहून्‍ना 5:4

जे पानी को हलनै को पैंड़ो देखै हे, कैसेकै परभु को एक सुरगदूत एक टैम मै आकै तलाब के पानी कै हलाबै है। पानी के हलतेई जो आदमी बामै पैले बर जावै हो, बाकी कोई बी बेमारी काए ना होए, बौ ठीक हो जावै ही।

चेलौ के काम 22:16

अब देर काए करै है? उठ, और जल संस्कार ले और परभु के नाम सै पिराथना करकै अपने पापौं कै धो दे।’

चेलौ के काम 26:18

कै तू उनकी आँखौ कै खोलै जिस्सै कै बे लोग इन्धेरे सै उज्‍जेरे की ओर आँय और जो सैतान के फंदा मै फसे पड़े हैं, उनकै तू परमेसर के राज मै लेकै आय जिस्सै कै उनके पाप माफ हौं, और परमेसर के छाँटे भए बिसवासी लोगौ मै बे अपनी जघै बनाऐ।’

रोमियो 3:24

ईसु मसी मै जो छुटकारो है उस छुटकारे की बजै सै परमेसर हमकै अपनी किरपा सै मुफत मै धरमी बना रओ है।

रोमियो 4:5

अगर कोई आदमी नियम के कामौ कै कन्‍नै के बजाए उस परमेसर मै बिसवास करै है, जो लोगौ के पापौं कै मिटा देवै है, तौ उसको बिसवासई उसकै धरमी ठैरागो।

रोमियो 5:1

परमेसर नै हमरे बिसवास के कारन हमकै धरमी मानो है। परभु ईसु मसी के दुआरा हमरो परमेसर सै मेल हो गओ है।

रोमियो 5:9

कैसेकै अब जब हम ईसु के खून के दुआरा धरमी हो गए हैं तौ अब उसके दुआरा परमेसर की घुस्सा सै हम जरूरई बचाए जांगे।

रोमियो 8:30

फिर जिनकै उसनै पैलेई सै ठैराओ है, उनकै बुलाओ बी और जिनकै बुलाओ, उनकै धरमी बी ठैराओ और जिनकै धरमी ठैराओ, उनकै महिमा बी दई है।

रोमियो 8:33

अगर परमेसर अपने चुने भए लोगौ कै धरमी ठैराबै है, तौ कौन है जो उनके ऊपर दोस लगागो?

1 कुरन्‍थियों 1:2

परमेसर के उन बिसवासिऔ की मंडली के लोगौ के ताँई जो कुरन्‍थी सैहर मै हैं। इन लोगौ कै ईसु मसी के संग साजे होनै के ताँई परमेसर नै अगल करर खाओ हो, और इनई कै पबित्‍तर जिन्‍दगी जीनै के ताँई बुलाओ, और उन सबई बिसवासी लोगौ के ताँई बी जो हर जघै मै हमरे और मेरे परभु ईसु मसी के नाम की बड़ाई करै हैं।

1 कुरन्‍थियों 1:30

परमेसर की बजै सै तुम लोग ईसु मसी के अंग बन गए हौ, और परमेसर की ओर सै ईसु मसी हमरे ताँई बुद्‍धि ठैरो। मसी की बजै सै हम परमेसर मै सई ठैराए गए और बाके पबित्‍तर लोग बन गए और हमकै पाप सै छुटकारो मिलो।

1 कुरन्‍थियों 12:2

का तुमकै जौ बात पतो है कै जब तुम मूरती पूजा करै हे, तौ उन गूँगी मूरतिऔं के पिच्‍छे तुमकै जैसो चलाओ जातो तुम बैसेई चलै हे।

गलातिऔ 2:16

पर हम जौ बात जानै हैं कै आदमी नियम के काम सैई धरमी ना ठैरै है, पर ईसु मसी मै बिसवास कन्‍नै के दुआराई धरमी ठैरै है। इसताँई हम मसी ईसु मै बिसवास करै हैं, और बिसवास कन्‍नै की बजै सै मसी हमकै धरमी ठैरागो, ना कै नियम के काम की बजै सै। कैसेकै कोई बी आदमी नियम के काम कन्‍नै की बजै सै धरमी ना ठैराओ जा सकै है।

गलातिऔ 3:11

पर जौ बात साप है कै कोई बी आदमी नियम के दुआरा परमेसर के सामने धरमी ना ठैर सकै है, कैसेकै पबित्‍तर सास्तर मै ऐंसो लिखो है कै, “धरमी आदमी बिसवास सै जिन्‍दो रैहगो।”

गलातिऔ 3:24

इस तरै मसी के आनै तक नियम हमरी देखरेख कन्‍नै बारो हो, जिस्सै कै हम बिसवास के दुआरा धरमी ठैरैं।

गलातिऔ 3:8

पबित्‍तर सास्तर मै जौ बात पैलेई सै लिखी भई है कै, “परमेसर सिगरी जाति के लोगौ कै बिसवास के दुआरा धरमी ठैरागो।” इसताँई पैले परमेसर नै इब्राहिम कै अच्‍छी खबर सुनाई, और कैई कै तेरे दुआरा दुनिया की सैरी जातिऔं कै आसीस मिलैगी।

इफिसिऔ 5:26

जिस्सै कै बौ बचन के दुआरा पानी से नभा धुबा कै बाकै सुद्‍द करकै पबित्‍तर बनाऐ।

इफिसिऔ 5:8

कैसेकै पैले एक बखत हो जब तुम इन्धेरे मै हे। पर अब परभु के चेला बन्‍नै सै तुम जोती मै हौ, इसताँई अब तुम जोती की औलाद के हाँई जिन्‍दगी जिऔ।

2 थिसलुनीकियौ 2:13

ओ भईयौ और बहनौ, और परभु के पियारे लोगौ हम हमेसा तुमरे बारे मै परमेसर कै धन्‍नबाद देवै हैं, कैसेकै परमेसर नै सुरू सैई तुमकै चुन लओ हो कै तुम परमेसर की आत्‍मा की सकति के दुआरा पबित्‍तर बनकै और सच्‍चाई मै बिसवास करकै मुक्‍ति पाऔ।

इबरानिओ 10:22

तौ आऔ, बिसवास के पूरे भरोसे के संग और अपने दिल कै बुरे मन सै सुद्‍द करकै और अपने सरीर कै साप जल सै धोकै सच्‍चे दिल सै परमेसर के धौंरे जांऐ।

इबरानिओ 10:29

तौ तुम जौ सोचौ कै बा आदमी कै कितनी बड़ी सजा मिलैगी जिसनै परमेसर के लौंड़ा कै पाँऐ सै किचलो और जिस खून नै परमेसर के संग एक करारनामो करबाओ और उनकै पबित्‍तर बनाओ और बा खून कैई अपबित्‍तर ठैराओ और जो किरपा की आत्‍मा है बाकी बेजती करी।

इबरानिओ 2:11

परमेसर के ताँई पाप के सौभाब सै अगल कन्‍नै बारे और पाप के सौभाब सै अगल होनै बारे एकई अब्बा के हैं, इसताँई ईसु उनकै अपनो भईया कैनै सै मुकरैगो ना।

1 पतरस 1:2

तुमकै परम पिता परमेसर पैलेई सै जानै हो और बानै तुमकै दूसरे लोगौ सै अगल छाँटो और पबित्‍तर आत्‍मा दुआरा पबित्‍तर करो गओ, ताकि तुम बाकी बात मानै और ईसु मसी के खून सै तुम साप हो जांऐ। तुमकै परमेसर की भौस्सी किरपा और सान्‍ति मिलती रैह।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।

1 पतरस 3:21

जौ पानी बा जल संस्कार के हाँई है जिस्सै अब तुमकै मुक्‍ति मिलै है; जल संस्कार को मतलब सरीर को मैल धोनो ना हैं बलकन सच्‍चे मन सै परमेसर के संग बादो कन्‍नो है। जौ जल संस्कार ईसु मसी के फिर सै जिन्‍दे होनै के दुआरा हमरी मुक्‍ति करै है।

1 यहून्‍ना 2:12

पियारे बालकौ, मैं तुमकै इसताँई लिख रओ हौं, कैसेकै तुमरे पाप ईसु मसी के नाम की बजै सै माफ भए हैं।

परकासन 1:5

ईसु मसी की ओर सै जो बिसवासजोग गभाई, मरे भएऔं मै सै पैलो जी उठनै बारो और धरती के राजाऔं को राजा है, तुमकै किरपा और सान्‍ति मिलती रैह। बौ जो हम सै पियार रक्‍खै है, और बानै अपने खून के दुआरा हमरे पापौं सै हमकै छुड़ाओ है।

परकासन 7:14

मैंनै उस्सै कैई, “हे परभु, तूई जानै है।” उसनै मैंसै कैई, “जे बे हैं, जो उस बड़ी मुसीबत मै सै लिकरकै आँए हैं, इनौनै अपने अपने लत्‍ता मैमना के खून मै धोकै सपेद करे हैं।