1 कुरन्‍थियों 5:8 - बुक्सा

⁸ इसताँई बुराई और धोके के बासी खट्‍टे चून सै ना पर सीदाई और सच्‍चाई के नए चून की रोटी सै खुसी के संग जौ तौहार मनाऔ।

1 कुरन्‍थियों 5:8 Mawu Ofanana

मत्‍ती 16:12

तब चेला समज गए कै बानै रोटी के खमीर सै ना, पर बाको मतलब फरीसिऔं और सदूकिऔं की सिक्‍छा सै चौकस रैहनै कै कैई ही।

मत्‍ती 16:6

इसताँई जब ईसु नै उनसै कैई, “चौकन्‍ने रैहऔ! और फरीसिऔं और सदूकिऔं के खमीर सै बचे रैहऔ।”

मरकुस 8:15

और ईसु नै उनकै आगाह करो, “कै देखौ फरीसिऔं के खमीर और हेरोदेस के खमीर सै चौकस रैहऔ।”

लूका 12:1

इतने मै जब हजारौं की भीड़ लग गई, हिंया तक कै एक दूसरे के ऊपर गिर पड़ल लगे, तौ ईसु सबसै पैले अपने चेलौ सै कैललगो, “फरीसिऔं के कपटरूपी खमीर सै चौकस रैहईओ।

यहून्‍ना 1:47

ईसु नै नतनैल कै अपनी ओर आते भए देखो और बाके बारे मै कैई, “देखौ, जौ है एक सच्‍चो ईसराइली जिसमै कोई कपट ना है।”

1 कुरन्‍थियों 3:3

कैसेकै तुम अबी बी दुनिया के लोगौ के हाँई हौ, और तुमरे बीच मै लड़ाई और जरन दिखाई देवै है। इस्सै जौ पतो लगै है कै तुम दुनिया के लोगौ के हाँई चाल चलौ हौ।

1 कुरन्‍थियों 5:1

तुमरे बारे मै मैंनै जौ तक सुनो है कै, तुमरे बीच मै कुकरम होवै हैं, पर ऐंसो जो गैर यहूदी लोगौ मै बी ना पाओ जावै है, कै एक लौंड़ा अपने अब्बा की बईयर कै रख लै।

1 कुरन्‍थियों 5:6

तुमरो घमंड कन्‍नो ठीक ना है। का तुम जौ ना जानौ हौ, कै थोड़ो सो बासी चून सिगरे नए माड़े भए चून कै खट्‍टो बना देवै है।

2 कुरन्‍थियों 1:12

हमकै घमंड है, कै हम जौ बात कै साप मन सै बोल सकै हैं, हमनै जा दुनिया के संग और खास करकै जैसो परमेसर नै चाँहो बैसोई हमनै तुम लोगौ के संग ईमानदारी और सच्‍चाई के संग बरताब करो है। जे बात परमेसर की किरपा सै मिलै हैं ना कै दुनिया की मन की समज सै।

2 कुरन्‍थियों 2:17

हम उन भौस्से लोगौ के हाँई ना हैं, जो परमेसर के बचनौ कै खुद के फाएदा के ताँई मिलाबट करै हैं। पर हम तौ परमेसर के बचनौ को परचार सच्‍चाई और ईसु मसी के हक सै और परमेसर की नजरौ के सामने करै हैं।

2 कुरन्‍थियों 8:8

मैं तुमकै हुकम ना देरओ हौं, पर जैसे दूसरे लोग खुसी सै दान देवै हैं बाके बारे मै बता कै तुमरे पियार की सच्‍चाई कै परखनो चाँहौ हौं।

इफिसिऔ 6:24

जो हमरे परभु ईसु मसी सै हमेसा पियार रक्‍खै हैं, उन सबई के ऊपर किरपा होवै है।

1 पतरस 4:2

ताकि अग्गे की जो जिन्‍दगी बची है बाकै लालच और पापी आदमी के हाँई ना पर जैसो परमेसर चाँहै है, बैसेई जीऐं।