1 कुरन्‍थियों 5:11 - बुक्सा

¹¹ मेरो कैनै को मतलब जौ है कै अगर कोई बिसवासी भाई बईयरौं सै गलत काम कन्‍नै बारो, लालची, या मूरती पूजा कन्‍नै बारो, चुगली कन्‍नै बारो, सरापी या धोकेबाज है, तौ ऐंसे आदमी के संग मेल-जोल रखनो तौ दूर बाके संग रोटी बी ना खइओ।

1 कुरन्‍थियों 5:11 Mawu Ofanana

मत्‍ती 18:17

अगर बौ उनकी बी ना मानै, तौ बिसवासिऔ की मंडली कै बता दे, पर अगर बौ बिसवासिऔ की मंडली की बी ना मानै, तौ तू उसकै पराए लोगौं और चुंगी लैनै बारो जैसो जान।

मत्‍ती 23:25

“अरे कपटी सास्तरिऔं और फरीसिऔं! धिक्‍कार तुम लोगौ मै! तुम बिलिआ और थरिया कै बाहार सै तौ माँजौ हौ, पर भीतर बे लूट और छल-कपट सै भरे भए हैं।

लूका 18:11

बौ फरीसी अगल खड़ो होकै जौ पिराथना करल लगो, ‘हे परमेसर, मैं तेरो धन्‍नबाद करौं हौं कै मैं दूसरे लोगौं जैसो लालची, ठग और दूसरी बईयरौं सै गलत काम कन्‍नै बारो बी ना हौं, और ना इस लगान लैनै बारे के जैसो हौं।

लूका 21:34

“इसताँई चौकस रैहऔ, कहीं ऐंसो ना होए कै तुमरो मन भोग-विलास, नसा और जा जिन्‍दगी की चिन्‍ताऔं के बोज सै दब जाय और बौ दिन फंदा के हाँई अचानक तुमरे ऊपर आ पड़ै।

चेलौ के काम 1:15

बा दिन के बाद एक दिन जब कम सै कम एक सौ बीस बिसवासी लोग इखट्‍टे हे, तबई पतरस नै बीच मै खड़े होकै उनसै कैई ही कै,

चेलौ के काम 9:17

तबई हननियाह बा घर मै गओ और साऊल के ऊपर हात रक्‍कै कैई कै, “हे भईया साऊल, परभु ईसु तेकै बा रस्ता मै जिस्सै तू आ रओ हो दिखाई देओ हो, बानै मैंकै इसताँई भेजो है कै तू फिर सै देख सकै और पबित्‍तर आत्‍मा सै भर जाऐ।”

रोमियो 13:13

हम बैसेई रैहऐ जैसे दिन के टैम मै रैहबैं हैं। और दाबतौं मै खाकै पीकै धुत्‍त ना होओ, बईयरौं के संग गलत काम ना करौ, भोग-विलास मै ना पड़ौ, लड़ाई, और ना किसी सै जरन रक्‍खौ।

रोमियो 16:17

ओ भईयौ और बहनौ, मैं तुम लोगौ सै बिनती करौ हौं कै जो सिक्‍छा तुमकै मिली है उस सिक्‍छा के बिरोद मै जो फूट डारै हैं, और ठोकर खबानै को काम करै है उन लोगौ सै दूर रौह।

1 कुरन्‍थियों 10:14

इसताँई ओ मेरे पियारे दोस्तौ, मूरती पूजा सै बचे रौह।

1 कुरन्‍थियों 11:21

बलकन जब तुम परभु के नाम मै रोटी लेबौ हौ तौ तुम्मै सै हर कोई एक दूसरे को पैंड़ो देखे बिनाई बाकै खा लेबै है, पर कुछ आदमी भूँके और कुछ खा-पीकै टैट रैहबैं हैं।

1 कुरन्‍थियों 5:13

पर दूसरे लोगौ को नियाय परमेसर करैगो, इसताँई उस कुकरमी कै अपने बीच मै सै लिकार दो।

1 कुरन्‍थियों 6:10

चोर, लालची, सरापी, चुगली कन्‍नै बारे और धोकेबाज ऐंसे लोग परमेसर के राज के बारिस ना हौंगे।

1 कुरन्‍थियों 6:6

इसकी का जरूरत है कै एक बिसवासी दूसरे बिसवासी के ऊपर मुकदमा चलाऐ और बौ बी उन लोगौ के बीच मै जो परमेसर कै मानै ना हैं।

1 कुरन्‍थियों 6:9

का तुम जौ ना जानौ हौ कै बुरे काम कन्‍नै बारे परमेसर के राज के बारिस ना हौंगे? धोको ना खाऔ: कुकरम कन्‍नै बारे, मूरती पूजा कन्‍नै बारे, बईयरौं के संग गलत काम कन्‍नै बारे, आदमी आदमी के संग गलत काम कन्‍नै बारे,

1 कुरन्‍थियों 7:12

पर दूसरे लोगौ सै परभु को ना पर मेरो कैनो जौ है, अगर किसी बिसवासी भईया की बईयर मसी मै बिसवास ना करै है, और बौ बाके संग रैहनो चाँहै है तौ बौ बाकै ना छोड़ै।

1 कुरन्‍थियों 7:15

अगर अबिसवासी छोड़कै जानो चाँहै है तौ बौ चलो जाऐ। ऐंसी घड़ी किसी बिसवासी भईया या बहन के सामने आवै है तौ बे बिहा के रिस्ता मै बंधे ना रैहंगे। परमेसर नै तौ तुमकै सान्‍ति की जिन्‍दगी जीनै के ताँई बुलाओ है।

1 कुरन्‍थियों 8:11

इस तरै सै तेरे गियान की बजै सै बौ कमजोर भईया और बहन को नास हो जागो जिसके ताँई मसी मरो।

गलातिऔ 2:12

जब पतरस गैर यहूदी लोगौ के संग रोटी खा रओ हो, तौ याकूब के भेजे भए कुछ आदमी बहाँ आए, और पतरस उन खतना बारौ के डर सै गैर यहूदी लोगौ के धौंरे सै अलग होकै दूर रैहल लगो।

इफिसिऔ 5:18

और सराप पीकै नसेड़ी मत बनौ, कैसेकै इस्सै लुच्‍चे काम की इच्‍छा जगै है। बलकन तुम पबित्‍तर आत्‍मा सै भरते जाऔ।

इफिसिऔ 5:5

कैसेकै तुम जौ बात कै जानौ हौ कै बैबिचार कन्‍नै बारो और गन्‍दे काम कन्‍नै बारो और लालची आदमी एक मूरती पूजा कन्‍नै बारे आदमी के बराबर है और बौ मसी और परमेसर के राज मै कबी ना जा सकै है।

कुलुसिऔं 3:5

इसताँई तुम बी अपने सरीर की उन बातौं कै खतम कर दो, जो जा दुनिया की हैं, मतलब बैबिचार, गंदे काम, गंदी सोच, गंदी बात कन्‍नै की इच्‍छा, लालच जे सबई मूरती पूजा के बराबर हैं।

2 थिसलुनीकियौ 3:14

जो कोई हमरी जा चिट्‌ठी की बातौं कै ना मानै है, तौ बासै चौकस और दूरई रैहईओ जिस्सै कै बाकै सरम आय।

2 थिसलुनीकियौ 3:6

ओ भईयौ और बहनौ, मैं तुमकै परभु ईसु मसी के नाम सै हुकम देवौ हौं कै जो बिसवासी लोग आलस करै हैं, और हमरी देई भई सिक्‍छा के हिसाब सै ना चलै हैं, उनसै दूर रौह।

1 तीमुथियुस 3:3

बौ ना तौ दारू पीनै बारो और ना लड़ाई कन्‍नै बारो होए पर सरीप होनो चँईऐ, और बौ नाई बैहैस कन्‍नै बारो और ना लालच कन्‍नै बारो होए।

1 तीमुथियुस 6:5

और उन लोगौ के बीच मै बेकार की लड़ाई होवै हैं। उनकी बुद्‍धि बेकार हो गई है और सच्‍चाई सै दूर भाजै हैं। बे ऐंसो समजै हैं कै भक्‍ति कमाई को जरिया है।

2 यहून्‍ना 1:10

अगर कोई तुमरे धौंरे आय, और जौई सिक्‍छा ना देए, तौ बाकै ना तौ घर मै आन देईओ और ना बाकै नमस्ते करिओ।

परकासन 2:14

“पर मैंकै तेरे खिलाप कुछ कैनो है, कैसेकै तेरे हिंया कुछ ऐंसे आदमी हैं, जो बिलाम की सिक्‍छा कै मानै हैं, जो राजा बालाक कै सिकाबै हो कै ईसराइलिऔ कै ठोकर खवाय, कै बे मूरतिऔं मै चढ़ाई गई चीज खाँय और बईयरौं सै गलत काम करैं।

परकासन 2:20

पर मैंकै तेरे खिलाप जौ कैनो है, कै तू उस बईयर इजबेल की बातौं कै सैह रओ है, जो अपने आपकै परमेसर की नबी कैबै है, और मेरे सेवकौ कै दूसरी बईयरौं सै गलत काम कन्‍नै, और मूरतिऔं के अग्गे चढ़ाई भई चीज खानै के ताँई सिक्छा देकै बैहकाबै है।

परकासन 21:8

मगर डरपौकौ, अबिसवासिऔं, बुरे लोगौ, खूनी, बैबिचारिऔ, जादू कन्‍नै बारे और मूरती पूजा कन्‍नै बारे और सबई झूँट बोलनै बारौं को हिस्सा उस झील मै मिलैगो, जिसमै आग और गन्धक पजरती रैहबै है। जौ दूसरी मौत है।”

परकासन 22:15

पर कुत्‍ता, जादू-टोना कन्‍नै बारे, बैबिचारी लोग, खूनी लोग, मूरती पूजा कन्‍नै बारे, और हर एक झूँट बोलनै बारे और झूँट सै पियार कन्‍नै बारे, बाहारई रैहंगे।