1 कुरन्‍थियों 4:5 - बुक्सा

⁵ इसताँई ठैराए भए बखत सै पैलेई, परभु के आनै तक कोई किसी को नियाय ना करै, कैसेकै बौई तौ इन्‍धेरे मै छिपी भई बातौं कै सामने लागो, और जो बात आदमी के मन मै है। बाकै बी बौ परकट कर देगो। तब सिगरे लोगौ की बड़ाई परमेसर की ओर सै होगी।

1 कुरन्‍थियों 4:5 Mawu Ofanana

मत्‍ती 10:26

“इसताँई उनसै ना डरौ, ऐंसो कुछ बी गुप्‍त ना है, जो उज्‍जेरे मै ना लाओ जागो और ऐंसो कुछ बी छिपो भओ ना है, जो जानो ना जागो।

मत्‍ती 24:30

“तब आसमान मै आदमी के लौंड़ा को चिन्‍न दिखाई देगो, धरती की सैरी जाति के लोग छाती पीटंगे और बे आदमी के लौंड़ा कै सकति और महिमा के संग आसमान के बादरौं मै आते भए देखंगे।

मत्‍ती 24:46

धन्‍न है बौ नौकर, जिसको मालिक आकै उसकै ऐंसोई करते पाय।

मत्‍ती 25:21

“बाके मालिक नै बासै कैई, ‘साबास, भले और ईमानदार नौकर! तू थोड़े मै ईमानदार रैहओ, मैं तेकै और जादा को अधकार दंगो। अपने मालिक की खुसी मै सामिल हो जा।’”

मत्‍ती 25:23

“बाके मालिक नै बासै कैई, ‘साबास, भले और ईमानदार नौकर! तू थोड़े मै ईमानदार रैहओ, मैं तेकै और जादा को अधकार दंगो। अपने मालिक की खुसी मै सामिल हो जा।’

लूका 6:37

“किसी को बी नियाय कन्‍नै बारे ना बनौ, तौ परमेसर बी तुमरो नियाय ना करैगो। किसी कै दोसी ना बनाऔ, तौ तुमकै बी परमेसर दोसी ना बनागो, माफ करौगे तौ, तुमकै बी परमेसर माफ करैगो।

यहून्‍ना 21:22

ईसु नै बासै कैई, “अगर मैं चाँहौ कै बौ मेरे आनै तक जहीं रुको रैह, तौ तेकै इस्सै का? तू मेरे पीछे चलो आ।”

यहून्‍ना 21:23

इसताँई भईयौ मै जौ बात फैल गई कै बौ चेला ना मरैगो। पर ईसु नै बासै जौ ना कैई कै बौ ना मरैगो, बलकन जौ कैई ही, “अगर मैं चाँहौ कै बौ मेरे आनै तक जहीं रुको रैह, तौ तेकै इस्सै का?”

यहून्‍ना 5:44

तुम कैसे बिसवास कर सकौ हौ जबकि तुम एक दूसरे सै आदर पानो चाँहौ हौ, और बौ आदर जो एक मात्‍तर परमेसर की ओर सै आवै है पानो ना चाँहौ हौ?

रोमियो 14:4

तू दूसरौं के घर के दास के ऊपर दोस लगानै बारो कौन है? उसको पक्‍को बनो रैहनो या गिर जानो उसके मालिक केई ऊपर बात है। और बौ पक्‍को बनो रैहगो, कैसेकै परभु उसकै अपनी तागत सै खड़ो कर सकै है।

रोमियो 2:1

इसताँई दूसरे के ऊपर दोस लगानै बारे, तू चाँए कोई काए ना हो, तेरे धौंरे कोई बहानो ना है, कैसेकै जिस बात मै तू दूसरे के ऊपर दोस लगाबै है, उसई बात मै अपने आपकै बी दोसी ठैराबै है, कैसेकै तू जो दोस लगाबै है खुदई बौ काम करै है।

रोमियो 2:16

जौ सब उस दिन पूरो करो जागो, जब परमेसर मेरी अच्‍छी खबर के अनुसार ईसु मसी के दुआरा आदमिऔ के छिपी भंई बातौं को नियाय करैगो।

रोमियो 2:29

पर असली यहूदी बौई है जो मन सै है, और असली खतना लिखे भए नियम के जैसो ना है पर परमेसर की आत्‍मा के दुआरा मन को है, ऐंसे आदमी की बड़ाई आदमी की ओर सै ना, पर परमेसर की ओर सै होवै है।

रोमियो 2:7

जो लोग धीरज के संग भलाई करते भए महिमा और आदर और अमर जिन्‍दगी की खोज मै हैं, उनकै बौ हमेसा की जिन्‍दगी देगो।

1 कुरन्‍थियों 1:7

और तुम्मै पबित्‍तर आत्‍मा के किसी बी बरदान की कमी ना है और तुम हमरे परभु ईसु मसी के बापस आनै को पैंड़ो देखते रैहए।

1 कुरन्‍थियों 11:16

अगर कोई बैहैस कन्‍नी चाँहै है तौ बौ जौ जान ले कै ना तौ हमरे हिंया जाके अलाबा ऐंसो कोई रिबाज है और नाई परमेसर के बिसवासिऔ की मंडलिऔ मै।

1 कुरन्‍थियों 11:26

जब कबी तुम जा रोटी कै खावौ और जा कटोरा मै सै पिऔ हौ, तौ तुम परभु के आनै तक बाकी मौत को परचार करौ हौ।

1 कुरन्‍थियों 15:23

पर सिगरे लोग बारी बारी सै जिन्‍दे करे जांगे, सबसै पैले मसी कै जिन्दो करो, और जब मसी फिर सै आगो तौ बे जिन्‍दे हो जांगे जो बाके हैं।

1 कुरन्‍थियों 3:13

तौ हर एक को काम परकट करो जागो, परभु को दिन जो आग के संग आगो, बाकै परकट कर देगो और बा आग दुआरा हर एक के काम की परख करी जागी।

1 कुरन्‍थियों 3:14

और जिस किसी आदमी के काम जो बानै करे हैं टिके रैहबैं हैं, तौ बाकै ईनाम मिलै है।

1 कुरन्‍थियों 3:8

बोनै बारो और पानी लगानै बारो दौनौ को एकई मकसद है, पर हर एक आदमी अपनी मैहनत के हिसाब सै अपनी मजदूरी पागो।

2 कुरन्‍थियों 10:18

कैसेकै जो कोई खुद कै अच्‍छो समजै है। बौ अच्‍छो ना है पर जिसकै परभु अच्‍छो मानै है बौई अच्‍छो है।

2 कुरन्‍थियों 10:9

और मैं जौ ना चाँहौ हौं कै तुमकै ऐंसो लगै कै मैं तुमकै डरानै के मकसद सै जौ चिट्‌ठी लिख रओ हौं।

2 कुरन्‍थियों 4:2

पर जो गलत काम हम चोरी चोरी करै हे उनकै हमनै छोड़ दओ है, और ना हम चालाँकी करै हैं और ना परमेसर के बचन मै मिलाबट करै हैं। पर हम सच्‍चाई कै परमेसर के सामने परकट करै हैं और सिगरे लोग अपने मनौ मै जौ जानै कै जौ बात सच्‍ची है।

2 कुरन्‍थियों 5:10

हमनै जिन्‍दगी मै सरीर के हिसाब सै जित्‍ते बी अच्‍छे और बुरे काम करे हैं। उनको फल पानै के ताँई एक दिन मसी के नियाय सिंगासन के सामने खड़ो होनो पड़ैगो।

1 थिसलुनीकियौ 5:2

कैसेकै तुम खुदई अच्‍छी तरै सै जानौ हौ कै जैसे चोर रात कै अचानक सै आवै है बैसेई परभु को दिन बी आगो।

इबरानिओ 4:13

परमेसर की नजरौ सै कुछ बी छिप ना सकै है। जो कुछ बानै बनार खाओ है बौ सिगरो बाके सामने उघड़ो भओ और खुलो है और हम सबई जनी कै बाकै अपनो अपनो हिसाब दैनो है।

याकूब 4:11

हे भईयौ, एक दूसरे की बदनामी ना करौ, जो अपने भईया की बदनामी करै है, या भईया के ऊपर दोस लगाबै है, तौ बौ परमेसर के नियम के खिलाप बोलै है। अगर तुम नियम मै दोस लगाबौ हौ, तौ तुम नियम मै चलनै बारे ना हौ पर बाके ऊपर दोस लगानै बारे हौ।

याकूब 5:7

इसताँई मेरे भईयौ, परभु ईसु मसी के फिर सै आनै तक सबर रक्‍खौ, देखौ, किसान जो अपने खेत की फसल कै पकनै को पैंड़ो देखै है, तौ बा सुरू की बरखा सै लेकै बाद की बरखा के आनै तक सबर रक्‍खै है।

याकूब 5:9

हे भईयौ, एक दूसरे के खिलाप कुड़कुड़ाऔ ना, जिस्सै कै तुम दोसी ना बन जाऔ। देखौ, नियाय कन्‍नै बारो मौहड़े मैई खड़ो है।

1 पतरस 1:7

जौ इसताँई होवै है कै तुमरो परखो भओ बिसवास, जो आग सै ताए भए नास होनै बारे सौने सै बी जादा कीमती है, जब ईसु मसी परकट होगो तौ तुम लोगौ कै बड़ाई, इज्‍जत और महिमा मिलैगी।

1 पतरस 5:4

और जब रखबारी कन्‍नै बारो बड़ो गड़रिया परकट होगो तौ तबई तुमकै महिमा को मुकट देओ जागो। जिसकी चमक कबी कम ना होवै है।

2 पतरस 3:12

तुमकै परभु के बा दिन को बेसबरी सै पैंड़ो देखनो चँईऐ, बा दिन आसमान कै आग सै नास कर दओ जागो और बाकी लपट सै बाके भीतर की सबई चीज पिगल जांगी।

2 पतरस 3:4

और कैंगे, “परभु के आनै को बादे को का भओ? हमरे बापदादे मर गए, पर दुनिया की सुरूआत सै अब तक सब कुछ बैसोई को बैसो चल रओ है।”

यहूदा 1:14

आदम की सातमी पीढ़ी के हनोक नै बी, इनके बारे मै भबिसबानी करी ही, “देखौ, परभु अपने पबित्‍तर लोगौ के संग आगो जिनकी कोई गिनती ना कर सकै है,

परकासन 1:7

देखौ, बौ बादरौं के संग आनै बारो है, और हर एक आँख बाकै देखैगी पर जिनौनै बाके सरीर मै भालो घौंपो हो, बे बी बाकै देखंगे और धरती के सिगरे गोत बाके बजै सै छाती पीटंगे। हाँ! ऐंसोई होए।

परकासन 20:12

फिर मैंनै छोटे बड़े सब मरे भएऔं कै सिंगासन के सामने खड़े भए देखो। और किताबौ कै खोलो गओ, फिर एक और किताब खोली गई यानी जिन्‍दगी की किताब; और जैसो किताबौ मै लिखो हो, उनके कामौ केई अनुसार मरे भएऔं को नियाय करो गओ।