1 कुरन्‍थियों 4:2 - बुक्सा

² अब जिसकै जौ काम सौंपो गओ है बाके ताँई जौ जरूरी है कै बौ बा काम मै ईमानदार होए।

1 कुरन्‍थियों 4:2 Mawu Ofanana

मत्‍ती 25:21

“बाके मालिक नै बासै कैई, ‘साबास, भले और ईमानदार नौकर! तू थोड़े मै ईमानदार रैहओ, मैं तेकै और जादा को अधकार दंगो। अपने मालिक की खुसी मै सामिल हो जा।’”

मत्‍ती 25:23

“बाके मालिक नै बासै कैई, ‘साबास, भले और ईमानदार नौकर! तू थोड़े मै ईमानदार रैहओ, मैं तेकै और जादा को अधकार दंगो। अपने मालिक की खुसी मै सामिल हो जा।’

लूका 12:42

परभु ईसु नै कैई, “बौ ईमानदार और अकलमंद भन्डारी कौन है? जिसको मालिक उसकै नौकरौ-चाकरौं के ऊपर अधकारी बनाऐ जिस्सै बौ सई टैम मै उनकै खानै के ताँई रासन पानी दे।

1 कुरन्‍थियों 4:1

लोगौ कै हमरे बारे मै ऐंसो सोचनो चँईऐ कै हम मसी के सेवक हैं, और परमेसर नै हमकै भेद की बातौं के बारे मै बोलनै को काम सौंपो है।

1 कुरन्‍थियों 4:17

इसताँई मैंनै तीमुथियुस कै जो परभु मै मेरो पियारो और बिसवासजोग लौंड़ा है, तुमरे धौंरे भेजो है। बौ तुमकै बा जिन्‍दगी के बारे मै याद दिब्बागो जो मैंनै मसी ईसु के संग बिताई ही, ठीक बैसेई जैसी मैंनै जघै-जघै मै जाकै बिसवासिऔ की मंडली के लोगौ कै सिकाओ हो।

1 कुरन्‍थियों 4:3

पर मेरी नजरौ मै जौ भौत छोटी बात है कै तुम या कोई बी अदालत मेरो नियाय करै। पर सच्‍ची बात तौ जौ है कै मैं अपनो नियाय अपने आप ना करौ हौं।

1 कुरन्‍थियों 7:25

कुँआरी लौंड़िऔ और राँड़ौ के बारे मै परभु की ओर सै मैंकै कोई आगियाँ ना मिली है, पर परभु की दया सै बिसवास के जोग होनै के नाते मैं अपनी सला देरओ हौं।

2 कुरन्‍थियों 2:17

हम उन भौस्से लोगौ के हाँई ना हैं, जो परमेसर के बचनौ कै खुद के फाएदा के ताँई मिलाबट करै हैं। पर हम तौ परमेसर के बचनौ को परचार सच्‍चाई और ईसु मसी के हक सै और परमेसर की नजरौ के सामने करै हैं।

2 कुरन्‍थियों 4:2

पर जो गलत काम हम चोरी चोरी करै हे उनकै हमनै छोड़ दओ है, और ना हम चालाँकी करै हैं और ना परमेसर के बचन मै मिलाबट करै हैं। पर हम सच्‍चाई कै परमेसर के सामने परकट करै हैं और सिगरे लोग अपने मनौ मै जौ जानै कै जौ बात सच्‍ची है।

कुलुसिऔं 1:7

और हमरे संग काम कन्‍नै बारो पियारो भईया इपफरास जो हमरी ओर सै मसी को बिसवासी सेवक है, और तुमकै बाई सै जा अच्‍छी खबर को गियान मिलो है।

कुलुसिऔं 4:17

और तुम अरखिपुस सै ऐंसे कैईयो कै, “जो सेवा परभु नै तेकै दई है बाकै पूरी कन्‍नै के ताँई होसिआर रैहईए।”

कुलुसिऔं 4:7

तुखिकुस जो परभु मै मेरो पियारो भईया और परभु को सच्‍चो सेवक और सेवा मै मेरो संगी साती है, बौ तुमकै मेरे बारे मै सिगरी बातौं कै बता देगो।