1 कुरन्‍थियों 4:17 - बुक्सा

¹⁷ इसताँई मैंनै तीमुथियुस कै जो परभु मै मेरो पियारो और बिसवासजोग लौंड़ा है, तुमरे धौंरे भेजो है। बौ तुमकै बा जिन्‍दगी के बारे मै याद दिब्बागो जो मैंनै मसी ईसु के संग बिताई ही, ठीक बैसेई जैसी मैंनै जघै-जघै मै जाकै बिसवासिऔ की मंडली के लोगौ कै सिकाओ हो।

1 कुरन्‍थियों 4:17 Mawu Ofanana

मत्‍ती 24:45

“ऐंसो ईमानदार और समजदार नौकर कौन है, जिसके मालिक नै नौकरौ के ऊपर बौ अधकारी बनाओ, जिस्सै बौ ठीक टैम मै उनकै रोटी दे?

मत्‍ती 25:21

“बाके मालिक नै बासै कैई, ‘साबास, भले और ईमानदार नौकर! तू थोड़े मै ईमानदार रैहओ, मैं तेकै और जादा को अधकार दंगो। अपने मालिक की खुसी मै सामिल हो जा।’”

मत्‍ती 25:23

“बाके मालिक नै बासै कैई, ‘साबास, भले और ईमानदार नौकर! तू थोड़े मै ईमानदार रैहओ, मैं तेकै और जादा को अधकार दंगो। अपने मालिक की खुसी मै सामिल हो जा।’

चेलौ के काम 16:1

पौलुस दिरबे सै लुस्तरा सैहर मै बी गओ, और बाकै बहाँ तीमुथियुस नाम को एक चेला मिलो। बाकी अईया यहूदी बिसवासी ही, पर बाको अब्बा यूनानी हो।

1 कुरन्‍थियों 11:16

अगर कोई बैहैस कन्‍नी चाँहै है तौ बौ जौ जान ले कै ना तौ हमरे हिंया जाके अलाबा ऐंसो कोई रिबाज है और नाई परमेसर के बिसवासिऔ की मंडलिऔ मै।

1 कुरन्‍थियों 11:2

मैं तुमरी बड़ाई इसताँई बतकावौं हौं, कैसेकै तुम सिगरी बातौं मै मैंकै याद करौ हौ, और जिन मसी सिक्‍छाऔ कै मैंनै तुमकै सिकाओ हो उनके ऊपर तुम अच्‍छे सै चलौ हौ।

1 कुरन्‍थियों 11:34

अगर किसी कै भूँक लगै है, तौ बौ अपने घर सै खाकै आय। जिस्सै कै तुम सबई को इखट्‍टो होनो तुमरे ताँई सजा की बजै ना बनै। बाकी की बातौं कै मैं आकै ठीक करंगो।

1 कुरन्‍थियों 14:33

कैसेकै परमेसर गड़बड़ी कन्‍नै बारो ना पर सान्‍ति दैनै बारो परमेसर है, जैसो कै परमेसर के लोगौ की सब बिसवासिऔ की मंडलिऔ मै होवै है।

1 कुरन्‍थियों 16:1

ऐरूसलेम मै परमेसर के लोगौ के ताँई दान इखट्‍टो कन्‍नै के बारे मै मैंनै गलातिया के बिसवासिऔ की मंडलिऔ कै जैसी आगियाँ दई बैसेई तुम बी करौ।

1 कुरन्‍थियों 16:10

और अगर तीमुथियुस आय, तौ बाको धियान रखिओ कै बाकै तुमरे हिंया कोई दिक्‍कत ना होए, कैसेकै बौ मेरे हाँई परभु को काम करै है।

1 कुरन्‍थियों 4:14

मैं जौ बात तुमरी बेजती कन्‍नै के ताँई ना लिख रओ हौं, पर अपने पियारे बालक समजकै तुमकै चौकस कर रओ हौं।

1 कुरन्‍थियों 4:15

अगर तुमकै मसी मै देखभाल कन्‍नै बारे दस हजार बी होते, तौबी तुमरो अब्बा एकई है। कैसेकै जब मैंनै मसी ईसु की अच्‍छी खबर के बारे मै तुमकै सिकाओ है तौ तुम मेरे बालक बन गए हौ।

1 कुरन्‍थियों 4:2

अब जिसकै जौ काम सौंपो गओ है बाके ताँई जौ जरूरी है कै बौ बा काम मै ईमानदार होए।

1 कुरन्‍थियों 7:17

पर परभु नै जिसकै जैसो दओ है और जो जिस रूप मै परमेसर नै बुलाओ है, बाकै बैसेई जीनो चँईऐ। मैं सबई बिसवासिऔ की मंडलिऔ के ताँई इनई नियम को हुकम देवौ हौं।

1 कुरन्‍थियों 7:25

कुँआरी लौंड़िऔ और राँड़ौ के बारे मै परभु की ओर सै मैंकै कोई आगियाँ ना मिली है, पर परभु की दया सै बिसवास के जोग होनै के नाते मैं अपनी सला देरओ हौं।

2 कुरन्‍थियों 8:18

और तीतुस के संग हमनै एक भईया कै बी भेजो है जिसको नाम अच्‍छी खबर के संग सिगरे बिसवासिऔ की मंडलिऔ मै फैलो है।

इफिसिऔ 6:21

तुखिकुस जो परभु मै मेरो पियारो भईया और एक ईमानदार सेवक है, बौ तुमकै मेरी सिगरी बातौं कै बता देगो जिस्सै कै तुमकै पतो चल जाऐ कै, मैं कैसो हो और का कर रओ हौं।

फिलिप्‍पीऔ 2:19

परभु ईसु मै मैंकै उमीद है कै मैं तीमुथियुस कै तुमरे धौंरे जल्दीई भेजौ, ताकि तुमरी खबर सुनकै मेरो बी हौसला बढ़ सकै।

फिलिप्‍पीऔ 2:22

पर तीमुथियुस नै तुमरे सामने अपनी काबिलियत कै साबित करो है जौ तौ तुम जानौई हौ जैसो लौंड़ा अपने अब्बा के संग काम करै है, बैसेई बानै अच्‍छी खबर के परचार मै मेरे संग मैहनत करी है।

कुलुसिऔं 1:7

और हमरे संग काम कन्‍नै बारो पियारो भईया इपफरास जो हमरी ओर सै मसी को बिसवासी सेवक है, और तुमकै बाई सै जा अच्‍छी खबर को गियान मिलो है।

कुलुसिऔं 4:9

और बाके संग भरोसेमंद और पियारे भईया उनेसिमुस कै भेज रओ हौं जो तुमरे हिंयई सै है, बे तुमकै हिंया की सिगरी बात बता दंगे।

1 तीमुथियुस 1:18

ओ मेरे लौंड़ा तीमुथियुस, मैं तेकै जौ हुकम देवौ हौं कै बौ भबिसबानी कै याद कर जैसी तेरे बारे मै पैलेई सै करर खाई ही, कै तू बा बुराई के खिलाप अच्‍छे तरीका सै लड़तो रैह।

2 तीमुथियुस 1:2

पियारे बेटा तीमुथियुस, तेकै हमरे अब्बा परमेसर और परभु ईसु मसी की ओर सै किरपा, दया और सान्‍ति मिलती रैह।

2 तीमुथियुस 2:2

और जिन बातौं कै तैनै भौस्से गभाऔ के सामने मैंसै सुनो है, उनकै ऐंसे लोगौ कै सौंपीए जो बिसवास बारे हौं और दूसरौं कै सिकानै बारे बी हौं।

2 तीमुथियुस 3:10

तीमुथियुस तू जानै है कै, मैंनै का सिकाओ और मैं कैसे जी रओ हौं और मेरे जीनै को मकसद का है। तैनै मेरो बिसवास, पियार, सबर और सबर रखनै की तागत देखर खाई है।

तीतुस 1:5

मैं इसताँई तेकै करेत सैहर मै छोड़ आओ हो, कै तू बाकी बची भई बातौं कै सुदारै और मेरी आगियाँ के अनुसार हर सैहर मै बिसवासिऔ की मंडली के ताँई मुखियौं कै चुनकै खड़ो करै।

परकासन 2:10

जो दुख तेकै झेलने पड़ंगे, उनसै मत डर, कैसेकै देखौ, सैतान तुम्मै सै, कुछ कै जेलखाने मै डान्‍नै बारो है कै तुम परखे जाऔगे और तुमकै दस दिन तक सताओ जागो। तू मौत को सामनो करते बखत बी बिसवास मै ईमानदार रैह और मैं तेकै जिन्‍दगी को मुकट दंगो।

परकासन 2:13

“मैं जौ जानौ हौं कै तू बहाँ रैहबै है जहाँ सैतान को राज है। तू मेरे नाम मै खड़ो रैहबै है, और मेरे ऊपर बिसवास कन्‍नै सै उन दिनौ मै बी पीछे ना हटो जब मेरो ईमानदार गभा अन्‍तिपास, तुमरे बीच उस जघै मै मारो गओ जहाँ सैतान को अड्‍डा है।