1 कुरन्‍थियों 4:16 - बुक्सा

¹⁶ इसताँई मैं तुमसै बिनती करौं हौं, जैसी चाल मैं चलौ हौं बैसीई चाल तुम बी चलौ।

1 कुरन्‍थियों 4:16 Mawu Ofanana

1 कुरन्‍थियों 11:1

जैसो मैं मसी कै देक्‍कै करे करौ हौं तुम बी बैसेई मैंकै देक्‍कै करे करौ।

फिलिप्‍पीऔ 3:17

हे भईयौ तुम सबई मेरी हाँई जिन्‍दगी जिऔ, और धियान रक्‍खौ, जो ऐंसी जिन्‍दगी जीवै हैं, जिनको उदाहरन तुम हम्मै देखौ हौ।

फिलिप्‍पीऔ 4:9

जो बात तुमनै मैंसै सीकीं और पांई, और सुनीं और मैंकै करते देखो, उनई कै माने करौ। परमेसर जो सान्‍ति को सोता है तुमरे संग रैहगो।

1 थिसलुनीकियौ 1:6

तुम लोग बड़े दुख मै होनै के बाद बी पबित्‍तर आत्‍मा के खुसी के संग बचन की बातौं कै मानकै हमरे और परभु के हाँई जिन्‍दगी बिताई।

2 थिसलुनीकियौ 3:9

ऐंसी बात ना है कै हमरो तुमसै सायता लैनै को हक ना है। पर इसताँई करो कै तुम हमरे धौंरे सिकैं और हमरे हाँई जिन्‍दगी जीऐं।

इबरानिओ 13:7

जो तुमरे अगुबा हे, जिनौनै परमेसर को बचन तुमकै सुनाओ हो उनकै याद रक्‍खौ और धियान दो कै बे कैसे जीए और कैसे मरे और उनके बिसवास की नकल करौ।

1 पतरस 5:3

जिन लोगौ कै तुमरे हात मै देओ है उनके ऊपर हक ना जमाऔ, पर उनके ताँई एक मिसाल बनौ।