1 कुरन्‍थियों 4:12 - बुक्सा

¹² हम अपनेई हातौ सै बेसानी काम करे करैं हैं। और जो लोग हमकै सराप देवै हैं, उनकै हम आसीरबाद देवै हैं। जब लोग हमकै सताबैं हैं, हम सैहन करै हैं।

1 कुरन्‍थियों 4:12 Mawu Ofanana

मत्‍ती 5:11

“धन्‍न हौ तुम, जब लोग मेरे कारन तुमरो अपमान करैं और सताँऐ और झूँट बोल बोलकै तुमरे बिरोद मै सब तरै की बुरी-बुरी बात करैं।

मत्‍ती 5:44

पर मैं तुमसै जौ कैरओ हौं, कै अपने दुसमनौ सै पियार रक्‍खौ और अपने सतानै बारौ के ताँई पिराथना करौ।

लूका 23:34

तब ईसु नै कैई, “हे पिता, इनकै माफ कर, कैसेकै जे ना जानै हैं कै, का कर रए हैं।” तब उनौनै परची डारकै ईसु के लत्‍ता आपस मै बाँट लए

लूका 6:28

जो तुमकै सराप देवै, उनकै आसीरबाद दो, जो तुमरी बेजती करैं, उनके ताँई पिराथना करौ।

यहून्‍ना 15:20

“बौ बचन जो मैंनै तुमसै कैओ है, याद रक्‍खौ ‘नौकर अपने मालिक सै बड़ो ना है।’ अगर उनौनै मैं सताओ तौ बे तुमकै बी सतांगे। अगर उनौनै मेरी बात मानी तौ बे तुमरी बात बी मानंगे।

चेलौ के काम 18:3

पौलुस और बे तम्बू बनानै को काम करै हे, इसताँई बौ उनके संग रुको और काम करल लगो।

चेलौ के काम 20:34

तुम खुद बी जौ जानौ हौ कै मैंनै अपने हात सै अपनी और अपने सातिऔं की जरूरतौं कै पूरो करो।

चेलौ के काम 7:60

फिर बानै घूंटे के बल टिक कै जोर सै कैई कै, “हे परभु, जौ पाप उनके ऊपर मत लगईए।” और जौ कैह कै बानै अपने पिरान छोड़ दए। सितेफनुस कै मारनै के ताँई साऊल को बी हात हो।

रोमियो 12:14

जो तुमकै सताबैं हैं उनकै आसीस दो पर सराप मत दो, सिरप आसीस दो।

रोमियो 12:20

पर, “अगर तेरो दुसमन भूँको है तौ उसकै रोटी खबा। और अगर बौ पियासो है तौ उसकै पीनै के ताँई पानी दे। कैसेकै ऐंसो कन्‍नै सै तू उसकी खोपड़ी के ऊपर आग के अंगरौ को ढेर लगागो।”

रोमियो 8:35

कौन है जो हमकै मसी के पियार सै अगल करैगो? का दुख, मुसीबत, सताब, अकाल, नंगोपन, खतरा, तरवार

1 कुरन्‍थियों 9:6

का मैंकै और बरनबास कै जौ हक ना है कै जीनै के ताँई काम छोड़ दैं?

2 कुरन्‍थियों 11:8

कुछ लोग कैबै हैं कै, मैंनै दूसरे बिसवासिऔ की मंडली के लोगौ सै अपनी मजदूरी माँगी, जौ मेरे ताँई एक लूटनै के काम के हाँई हो, जिस्सै कै तुमरी सेवा करौं।

इफिसिऔ 4:28

जो आदमी चोरी करै है बौ अब चोरी ना करै। पर मैहनत करकै बौ अपने हातौ सै करे भए भले कामौ के दुआरा गरीब लोगौ की सायता बी कर सकै।

1 थिसलुनीकियौ 2:9

ओ भईयौ और बहनौ, तुम याद रक्‍खौ कै हमनै तुमरे बीच मै रात-दिन मैहनत को काम इसताँई करो है, जिस्सै कै हम परमेसर की अच्‍छी खबर कै सुनाते भए किसी के ऊपर बोज ना बनै।

2 थिसलुनीकियौ 3:8

और नाई हमनै किसी के हिंया मुफत मै रोटी खाई। पर हमनै रात-दिन मैहनत करकै और दुख झेल कै काम करो है जिस्सै कै तुम्मै सै किसी के ऊपर बोज ना पड़ै।

1 तीमुथियुस 4:10

कैसेकै हम काम और मैहनत इसताँई करैं कै हमरो बिसवास बा जिन्‍दे परमेसर मै है, जो सबई लोगौ कै बचाबै है, और खास करकै उनकै जो बाके ऊपर बिसवास करै हैं।

1 पतरस 2:23

जब बाकै गारी देई, तौ बानै जबाब मै गारी ना देई और जब बानै दुख उठाए तौ किसी कै धमकी ना दई, बलकन बानै खुद कै उस सच्‍चे नियाय कन्‍नै बारे परमेसर के हात मै दे दओ।

1 पतरस 3:14

और अगर तुमकै धरम के काम करते भए दुख बी सैहनो पड़ै, तौ तुम धन्‍न हौ इसताँई नाई उनकी धमकिऔं सै घबराऔ और नाई डरौ।

1 पतरस 3:9

बुराई के बदले बुराई ना करौ और ना बेजती के बदले बेजती करौ; बलकन दूसरौं कै आसीरबाद देओ कैसेकै तुमकै परमेसर नै इसताँई बुलाओ है कै तुम आसीस पाऔ।

1 पतरस 4:19

इसताँई जो लोग परमेसर की इच्‍छा सै दुख झेलै हैं, बे भलाई करते भए अपनी जान कै बा परमेसर के हात मै दे दैं जो बिसवासजोग और सबकै बनानै बारो है।

यहूदा 1:9

पर जब परधान सुरगदूत मीकाईल मूसा की लाहस के बारे मै सैतान के संग बैहैस कर रओ हो तौ बानै बाके खिलाप बुरो ना बोलो और नाई बाके ऊपर दोस लगाओ पर जौ कैई कै, “परभु तेकै डाँटै।”