1 कुरन्‍थियों 3:5 - बुक्सा

⁵ तौ फिर बताऔ अपोलुस का है और पौलुस का है? सिरप हम तौ परमेसर के सेवक हैं। जिसके दुआरा तुमनै बिसवास करो, जैसो परभु नै हम सबई कै काम कन्‍नै को मौको दओ है।

1 कुरन्‍थियों 3:5 Mawu Ofanana

मत्‍ती 25:15

बानै हर एक की काबलियत कै धियान मै रखकै एक नौकर कै पाँच हजार, दूसरे कै दो हजार और तीसरे कै एक हजार असरपी दंई। इसके बाद बौ परदेस चलो गओ।

लूका 1:2

बेई बात हमकै उन लोगौं के दुआरा बताई गंई, जिनौनै सुरू सैई होते भए देखी हीं और जो अच्‍छी खबर के परचारक रैहए हे।

यहून्‍ना 3:27

यहून्‍ना नै जबाब दओ, “आदमी कै बौई मिलै है जो बाकै सुरग सै देओ जावै है।

चेलौ के काम 18:24

अपोलुस नाम को एक यहूदी आदमी हो, जिसको जलम सिकन्‍दरिया मै भओ हो और बौ इफिसुस मै आओ। जौ आदमी गियानी और पबित्‍तर सास्तर कै अच्‍छे सै जानै हो।

चेलौ के काम 19:1

जब अपोलुस कुरिन्‍थुस मै हो तौ पौलुस दूसरे मुलक सै घूम कै इफिसुस मै आओ और बाकै बहाँ कुछ चेला मिले।

रोमियो 15:16

यानी मैं गैर यहूदिऔं के ताँई ईसु मसी को सेवक बनकै परमेसर की अच्‍छी खबर के ताँई एक पुजारी के हाँई परचार करौं जिस्सै कै गैर यहूदी लोग पबित्‍तर आत्‍मा के दुआरा पबित्‍तर करे जाने के बाद, परमेसर के ताँई गिरैहन जोग भेंट बन सकंगे।

1 कुरन्‍थियों 12:28

परमेसर नै बिसवासिऔ की मंडली मै अगल अगल आदमिऔ कै ठैरार खाओ है, पैलो भेजे भए चेलौ कै, नबिऔ कै, फिर गियान दैनै बारौ कै, फिर सकति के काम कन्‍नै बारौ कै, बेमारौं कै ठीक कन्‍नै को बरदान मिलनै बारौ कै, और दूसरौं की सायता कन्‍नै बारौ कै, और चीजौ को बन्‍दोबस्त कन्‍नै बारौ और दूसरी दूसरी भासा बोलनै बारौ कै।

1 कुरन्‍थियों 16:12

अब हमरे भईया अपोलुस की बात जौ है कै दूसरे भईयौ के संग तुमरे धौंरे जानै के ताँई मैंनै बासै बिनती करी। पर बाकी जौ इच्‍छा ना ही कै बौ अबी तुमरे धौंरे आय, पर जब बी मौको मिलैगो तौ बौ तुमरे धौंरे जरूर आगो।

1 कुरन्‍थियों 3:10

परमेसर के बा किरपा सै, जो मैंकै देओ गओ है। मैंनै समजदार राजमिस्तरी के हाँई नीह डारी, और दूसरो बामै लद्‍धा रखै है, पर हर एक आदमी चौकस रैह, कै बौ बामै कैसो लद्‍धा रखै है।

1 कुरन्‍थियों 3:22

फिर चाँहे बौ पौलुस हो, या अपोलुस हो या पतरस हो, चाँहे बौ दुनिया हो, या जिन्‍दगी हो या मौत हो, चाँहे जे आज की बात हौं या कल की सबई कुछ तुमरोई है।

1 कुरन्‍थियों 3:7

इसताँई ना तौ बोनै बारो बड़ो है, और ना पानी लगानै बारो, पर परमेसर है जो बाकै बढ़ाबै है।

1 कुरन्‍थियों 9:17

अगर मैं जौ काम खुद की मरजी सै करौ हौं, तौ डिहाड़ी मैंकै मिलै है, पर अगर मैं खुद की मरजी सै ना करौ हौं। तौबी बौ काम तौ मैंकैई सौंपो गओ है।

2 कुरन्‍थियों 11:23

का बेई मसी के सेवक हैं? पर एक पागल आदमी के हाँई मैं जौ कैबौ हौं कै मैं तौ उनसै बी बड़ो मसी को सेवक हौं। मैंनै भौत मैहनत करी, और बेरमबेरा जेल मै बी गओ, और मैंकै बेरमबेरा बेसानी पीटो, और मेरो कई दफै मौत सै सामनो बी भओ है।

2 कुरन्‍थियों 3:3

तुम लोग खुद मसी की एक चिट्‌ठी के हाँई हौ, जिसकै हमनै सेवकौ के हाँई मैहनत सै लिखो है, और जिसकै सिआई सै ना, पर जिन्‍दे परमेसर की आत्‍मा सै लिखो है, और बाकै पत्‍थरौं की तकती मै ना पर आदमी के दिल मै लिखो है।

2 कुरन्‍थियों 3:6

बानै हमकै नए नियम को सेवक होनै के ताँई लायक बनाओ है। किसी लिखे भए नियम को सेवक ना, पर पबित्‍तर आत्‍मा को। कैसेकै लिखो भओ नियम मौत देवै है पर पबित्‍तर आत्‍मा जिन्‍दगी देवै है।

2 कुरन्‍थियों 4:1

कैसेकै परमेसर की दया सै जौ सेवा हमकै मिली है, जिसके ताँई हम हिम्मत ना हारै हैं।

2 कुरन्‍थियों 4:5

हम खुद अपनो परचार ना करै हैं पर ईसु मसी को जो परभु है बाको परचार करै हैं। मैं अपने बारे मै जौ कैबै हौं कै हम ईसु की बजै सै तुमरे सेवक हैं।

2 कुरन्‍थियों 4:7

पर हम मट्‍टी के बा बरतन के हाँई हैं जिसमै जौ खजानो रक्‍खो भओ है। जिस्सै जौ साप-साप हो जाऐ कै बौ सकति जो कबी खतम ना होवै है, हमरी ओर सै ना पर बौ परमेसर की ओर सै है।

2 कुरन्‍थियों 5:18

जे सिगरी बात परमेसर की ओर सै हैं, जिसनै मसी के दुआरा अपने संग मेल करबाओ, और हमकै दूसरे लोगौ के संग परमेसर सै मेल कन्‍नै के ताँई सेवा दई है।

2 कुरन्‍थियों 6:1

हम परमेसर के संग मिलकै काम कन्‍नै बारे साती हैं। इसताँई हम तुमसै बिनती करै हैं कै तुम परमेसर के किरपा कै बेकार ना जान दो।

2 कुरन्‍थियों 6:4

पर परमेसर के सेवक होनै के नाते सै हम खुद कै अच्‍छो बनाबै हैं, हम हिम्मत के संग, बड़े दुख, परेसानी और मुसीबत के बीच,

इफिसिऔ 3:7

परमेसर नै अपनी सकति के काम के दुआरा मैंकै जौ किरपा को बरदान दओ कै मैं बा अच्‍छी खबर कै परचार कन्‍नै बारो सेवक बनो।

कुलुसिऔं 1:23

जौ जबई हो सकै है जब तुम बिसवास मै पक्‍के और मजबूत रौह और जो अच्‍छी खबर तुमनै सुनी है बाकी आस ना छोड़ौ, जिसको परचार सिगरी दुनिया मै करो गओ और जिसको मैं पौलुस सेवक बी हौं।

कुलुसिऔं 1:25

परमेसर तुमरे फाएदा के ताँई जो बी हुकम मैंकै देवै है, बाके बजै सै मैं बिसवासी लोगौ के बीच एक सेवक बनो हौं, जिस्सै कै मैं परमेसर के बचन को पूरो पूरो परचार करौं,

1 तीमुथियुस 1:12

मैं अपने परभु ईसु मसी को धन्‍नबाद देवौ हौं, जिसनै मैंकै सकति देई और बिसवासजोग समजकै अपनी सेवा के काम के ताँई चुनो है।

1 पतरस 4:10

परमेसर की ओर सै जिसकै जो खास बरदान मिलो है, बाकै एक अच्‍छे भन्डारी के हाँई, एक दूसरे की सेवा के काम के ताँई लगाऐ।