1 कुरन्‍थियों 3:16 - बुक्सा

¹⁶ का तुम जौ बात ना जानौ हौ कै तुम परमेसर के मन्‍दर हौ और परमेसर को आत्‍मा तुम्मै रैहबै है?

1 कुरन्‍थियों 3:16 Mawu Ofanana

यहून्‍ना 14:17

यानी सच की आत्‍मा जिसकै दुनिया ना मानै है, कैसेकै बौ बाकै ना तौ देखै है और ना जानै है, पर तुम बाकै जानौ हौ, कैसेकै बौ तुमरे संग रैहबै और तुम्मै होगो।

रोमियो 6:16

का तुम जौ ना जानौ हौ कै जब तुम किसी की आगियाँ माननै के ताँई अपने आपकै दासौं के हाँई सौंप देवौ हौ। तौ तुम उसई के दास हौ। फिर चाँहे तुम पाप के दास बनौ, जो तुमकै मौत की ओर ले जागो। चाँहे परमेसर की आगियाँ माननै बारे दास बनौ, जो तुमकै धारमिकता की ओर ले जागी।

रोमियो 6:3

का तुम लोग जौ ना जानौ हौ कै जो हम सबनै ईसु मसी के नाम सै जल संस्कार लेओ है बौ उसकी मौत को जल संस्कार है।

रोमियो 8:11

और बौ आत्‍मा जिसनै ईसु कै मरे भएऔं मै सै जिन्‍दो करो हो, अगर तुमरे भीतर रैहबै है, तौ बौ परमेसर जिसनै मसी कै मरे भएऔं मै सै जिन्‍दो करो हो, बौ तुमरे मरे भए सरीरौं कै बी अपनी आत्‍मा सै जो तुमरे भीतर रैहबै है, जिन्‍दो करैगो।

रोमियो 8:9

अगर सच्‍ची मै परमेसर को आत्‍मा तुम्मै बसै है, तौ तुम सरीर के ना हौ, पर आत्‍मा के हौ। पर अगर किसी मै मसी को आत्‍मा ना हो, तौ बौ मसी को ना है।

1 कुरन्‍थियों 3:17

अगर जो कोई परमेसर के मन्‍दर कै नास करैगो तौ परमेसर बाकै नास करैगो। कैसेकै परमेसर को मन्‍दर पबित्‍तर है, और बौ तुम हौ।

1 कुरन्‍थियों 3:9

कैसेकै हम परमेसर की सेवा मै साती हैं, पर तुम परमेसर की खेती और परमेसर के घर हौ।

1 कुरन्‍थियों 5:6

तुमरो घमंड कन्‍नो ठीक ना है। का तुम जौ ना जानौ हौ, कै थोड़ो सो बासी चून सिगरे नए माड़े भए चून कै खट्‍टो बना देवै है।

1 कुरन्‍थियों 6:16

का तुम ना जानौ हौ कै जिसको मिलन रंडिऔ सै होवै है, बौ बाके संग एक सरीर हो जावै है। कैसेकै पबित्‍तर सास्तर कैबै है कै, “बे दौनौ एक सरीर हौंगे।”

1 कुरन्‍थियों 6:19

का तुम जौ ना जानौ हौ कै तुमरो सरीर पबित्‍तर आत्‍मा को मन्‍दर है? जो तुम्मै रैहबै है, और तुमकै परमेसर की ओर सै मिलो है, और अब तुम खुद के ना हौ।

1 कुरन्‍थियों 6:9

का तुम जौ ना जानौ हौ कै बुरे काम कन्‍नै बारे परमेसर के राज के बारिस ना हौंगे? धोको ना खाऔ: कुकरम कन्‍नै बारे, मूरती पूजा कन्‍नै बारे, बईयरौं के संग गलत काम कन्‍नै बारे, आदमी आदमी के संग गलत काम कन्‍नै बारे,

1 कुरन्‍थियों 9:13

का तुम ना जानौ हौ? कै मन्‍दर मै काम कन्‍नै बारौं कै रोटी मन्‍दर मैई सै मिलै है। बेदी की सेवा कन्‍नै बारे बेदी के चढ़ाबे मै हिस्सेदार हैं।

1 कुरन्‍थियों 9:24

का तुम लोग जौ ना जानौ हौ कै दौड़ मै तौ सबई भाजै हैं, पर ईनाम सिरप एकई आदमी कै मिलै है? तुम बी ऐंसे भाजौ कै जीत तुमरी हो।

2 कुरन्‍थियों 6:16

मूरतिऔं और परमेसर के मन्‍दर के बीच का साजो? कैसेकै हम तौ खुद जिन्‍दे परमेसर के मन्‍दर हैं। जैसो परमेसर नै कैई है कै, “मैं उनके भीतर रैहबौं हौं और चलौं फिरौं हौं, और मैं उनको परमेसर हौं, और बे मेरे लोग हैं।”

1 तीमुथियुस 3:15

अगर मैंकै आनै मै देर होए तौ तुमकै जौ पतो होनो चँईऐ कै परमेसर के टब्बर के लोगौ को बरताब कैसो होनो चँईऐ। जौ टब्बर जिन्‍दे परमेसर के बिसवासिऔ की मंडली है, और सच्‍चाई की बुनियाद और खम्मा है।

2 तीमुथियुस 1:14

हमरे भीतर रैहनै बारी पबित्‍तर आत्‍मा की बजै सै जो आत्‍मिक खजानो तुमकै देर खाओ है बाकी अच्‍छे सै रखबारी करौ।

इबरानिओ 3:6

पर मसी परमेसर को लौंड़ा होते भए बाके घराने के सामने बिसवासजोग हो। अगर हम हिम्मत रक्‍खै और जो आस मसी मै है बाकै ना छोड़ै तौ तबई हम परमेसर के घराने के हैं।

याकूब 4:4

बैबिचार कन्‍नै बारौ का तुम जौ ना जानौ हौ, कै दुनिया सै दोस्ती कन्‍नी परमेसर सै दुसमनी कन्‍नै के बराबर है? इसताँई जो कोई दुनिया सै दोस्ती कन्‍नो चाँहै है बौ परमेसर को दुसमन बन जावै है।

1 पतरस 2:5

तुम बी खुद जिन्‍दे पत्‍थरौं के हाँई हौ और आत्‍मिक घर बनते जाबौ हौ, जिस्सै कै पुजारिऔं को पबित्‍तर समाज बनकै, ऐंसे आत्‍मिक बलिदान चढ़ाऔ, जो परभु ईसु मसी के दुआरा परमेसर कै परसन्‍द हौं।

1 यहून्‍ना 4:12

परमेसर कै कबी बी किसी नै ना देखो। अगर हम एक दूसरे सै आपस मै पियार रक्‍खैं, तौ परमेसर हम्मै रैहबै है और बाको पियार हमरे भीतर पक्‍को हो गओ है।