1 कुरन्‍थियों 2:14 - बुक्सा

¹⁴ पर जा दुनिया के लोग परमेसर की आत्‍मा की बातौं कै ना मानै हैं, कैसेकै बे बात उन लोगौ की नजरौ मै मूरखता बारी हैं। बे इनकै ना समज सकै हैं, कैसेकै इन बातौं की परख आत्‍मा करै है।

1 कुरन्‍थियों 2:14 Mawu Ofanana

मत्‍ती 16:23

फिर ईसु पतरस की ओर मुड़ो और बोलो, “ओ सैतान! मेरे रस्ता सै हट जा, तू मेरे रस्ता मै रुकाबट बन रओ है। कैसेकै तू परमेसर के हाँई ना पर आदमिऔ के हाँई सोचै है।”

यहून्‍ना 10:20

और भौत से कैललगे, “जामै दुसट आत्‍मा है और जौ पागल है। तुम बाकी काए सुनौ हौ?”

यहून्‍ना 12:37

ईसु नै उनके सामने भौत से चमत्कार के चिन्‍न दिखाए हे, फिर बी बे बाके ऊपर बिसवास ना कर रए हे,

यहून्‍ना 14:17

यानी सच की आत्‍मा जिसकै दुनिया ना मानै है, कैसेकै बौ बाकै ना तौ देखै है और ना जानै है, पर तुम बाकै जानौ हौ, कैसेकै बौ तुमरे संग रैहबै और तुम्मै होगो।

यहून्‍ना 14:26

पर सायता कन्‍नै बारो यानी पबित्‍तर आत्‍मा जिसकै अब्बा मेरे नाम सै भेजैगो, बौ तुमकै सब बात सिकागो, और सब कुछ जो मैंनै तुमकै कैई, तुमकै याद करागो।

यहून्‍ना 15:26

“जब बौ सायता कन्‍नै बारो आगो जिसकै मैं अब्बा की ओर सै तुमरे धौंरे भेजंगो, यानी सच्‍चाई की आत्‍मा जो अब्बा सै लिकरै है, बौ मेरी गभाई तुमकै देगो।

यहून्‍ना 5:44

तुम कैसे बिसवास कर सकौ हौ जबकि तुम एक दूसरे सै आदर पानो चाँहौ हौ, और बौ आदर जो एक मात्‍तर परमेसर की ओर सै आवै है पानो ना चाँहौ हौ?

यहून्‍ना 8:43

जो मैं कैरओ हौं बाकै तुम काए ना समजौ हौ? इसकी बजै जौई है कै तुम मेरो बचन ना सुनौ हौ।

चेलौ के काम 16:14

बहाँ थूआतीरा सैहर की लुदीया नाम की एक परमेसर की भक्‍तन ही बौ बैंगनी रंग के खास कीमती लत्‍ता बेचै ही और परभु नै बाको दिल खोल दओ और बौ पौलुस की बातौं कै धियान सै सुनल लगी।

चेलौ के काम 17:18

तबई इपीकुरी और स्तोईकी के पंडतौ मै सै कितने बाके संग बैहैस करल लगे। उनमै सै कुछ कैललगे कै, “जौ बकबास कन्‍नै बारो कैहनो का चाँहबै है?” तबई कुछ दूसरे लोगौ नै कैई कै, “ऐंसो लगै है कै जे किसी नए देबता को परचार कन्‍नै बारे हैं।” कैसेकै पौलुस ईसु और फिर सै जी उठनै की अच्‍छी खबर के बारे मै बताबै हो।

चेलौ के काम 17:32

मरे भएऔं और फिर सै जिन्‍दे होनै की बात सुनकै लोग मजाक बनाल लगे, पर दूसरे लोग कैललगे कै, “जा बात के बारे मै हम और बी जादा किसी और दिन तेसै सुन्‍नो चाँहै हैं।”

चेलौ के काम 18:15

पर जौ लड़ाई बातौं, नामौं और तुमरे नियम के बारे मै है तौ तुमई निपटौ। मैं ऐंसी बातौं को नियाय कन्‍नै बारो ना बन्‍नो चाँहौ हौं।”

चेलौ के काम 25:19

पर बे अपने धरम की कुछ बातौं और ईसु नाम के एक आदमी के बारे मै, जो मर गओ हो, पर पौलुस बाकै जिन्‍दो बताबै हो, जाई बात मै बे बैहसबाजी करै हे।

1 कुरन्‍थियों 1:18

कैसेकै जो बरबादी के रस्ता मै चल रए हैं, उनके ताँई मसी की कुरूस की मौत की खबर मूरखता है, पर हम मुक्‍ति पानै बारौ के ताँई जौ परमेसर की सकति है।

1 कुरन्‍थियों 1:21

कैसेकै परमेसर के बुद्‍धि के हिसाब सै जा दुनिया के लोग अपनेई बुद्‍धि सै परमेसर कै ना जानै हैं। तबई परमेसर कै जौ अच्‍छो लगो कै जिन परचार कन्‍नै बारे लोगौ कै जा दुनिया के लोगौ नै मूरख समजो उनई के परचार के दुआरा बिसवास कन्‍नै बारौ के ताँई मुक्‍ति को रस्ता खुलो।

1 कुरन्‍थियों 1:23

पर हम तौ बा मसी को परचार करै हैं, जिसकै कुरूस मै चढ़ाओ गओ हो। जौ यहूदी लोगौ के ताँई रुकाबट है और जो यहूदी ना हैं उनके ताँई मूरखता की बात हैं।

1 कुरन्‍थियों 1:25

कैसेकै परमेसर की मूरखता आदमिऔ के बुद्‍धि सै बी बढ़कै है, और परमेसर की कमजोरी आदमिऔ की तागत सै बी बढ़कै है।

1 कुरन्‍थियों 15:44

जिस सरीर कै दफनाओ गओ, बौ जा धरती को है, पर जो फिर सै जिन्‍दो करो गओ है, बौ आत्‍मिक सरीर है। अगर धरती को सरीर है तौ आत्‍मिक सरीर बी है।

1 कुरन्‍थियों 15:46

पैलो धरती को हो, आत्‍मिक ना हो पर बाद मै आत्‍मिक आओ।

1 कुरन्‍थियों 2:12

पर हमरे भीतर जा दुनिया की आत्‍मा ना पर बौ आत्‍मा है जो परमेसर की ओर सै मिली है। जिस्सै कै हम उन बातौं कै समज सकैं जिनकै परमेसर नै हमकै मुफत मै दओ है।

1 कुरन्‍थियों 3:1

हे भईयौ और बहनौ, मैं तुमसै इस तरै सै बात ना कर सको जैसे आत्‍मिक लोगौ सै करौं हौं, पर तुम्मै जो लोग मसी के बिसवास मै बालकौ के हाँई हैं। मैंनै उनके संग ऐंसी बात करीं जैसी दुनिया के लोगौ के संग करौ हौं।

याकूब 3:15

ऐंसो गियान सुरग सै ना मिलै है, पर जौ तौ दुनिया की ओर सै, सरीर के ओर सै और सैतान के ओर सै मिलै है।

1 यहून्‍ना 2:20

तुम लोगौ कै तौ पबित्‍तर आत्‍मा सै अबीसेक मिलो है और तुम सबई लोग सच्‍चाई जानौ हौ।

1 यहून्‍ना 2:27

तुम लोगौ कै मसी सै जो पबित्‍तर आत्‍मा मिली है, बौ तुम्मै बनी रैहबै है। इसताँई तुमकै किसी दूसरे गुरू की जरूरत ना है। बौ तुमकै सब कुछ सिकाबै है और बाकी सिक्‍छा सच्‍ची है, झूँटी ना है। तुम बा सिक्‍छा के हिसाब सै मसी मै बने रौह।

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।

यहूदा 1:19

जे ऐंसे लोग हैं जो फूट पड़बावै हैं। जे अपने सरीर की इच्‍छाऔं के पिच्‍छे चलै हैं, जिनमै परमेसर की आत्‍मा ना है।