1 कुरन्‍थियों 16:6 - बुक्सा

⁶ हो सकै है तौ मैं तुमरे हिंया कुछ देर ताँई रुकंगो और सायद तुमरे धौंरे जाड़े काटौं, जाके बाद जहाँ बी जानो होगो बहाँ जानै के ताँई तुम मेरी सायता करौगे।

1 कुरन्‍थियों 16:6 Mawu Ofanana

चेलौ के काम 15:3

जब बिसवासिऔ की मंडली के लोगौ नै उनकै बिदा करो तौ बे फिनीकिया और सामरिया सै होते भए गैर यहूदी लोगौ कै पापौं सै मन फिरानै की अच्‍छी खबर सुनाते भए गए। जा खबर कै सुनकै सिगरे बिसवासी लोग भौत खुस भए।

चेलौ के काम 17:15

जो लोग पौलुस कै छोड़नै गए हे उन्‍नै बाकै एथेन्स सैहर मै पौंचा दओ हो, और बे लोग सीलास और तीमुथियुस के ताँई जौ खबर लाए कै तुम मेरे धौंरे जल्दी अईओ।

चेलौ के काम 20:38

कैसेकै बानै उनकै ऐंसो कैई ही कै, “तुम मेरो मौह अब कबी बी ना देख पाऔगे,” इसई बात की बजै सै उनकै भौत दुख हो। तबई उन्‍नै बाकै पानी के जिहाज मै बिठा कै बिदा करो।

चेलौ के काम 21:5

जब हमरो बहाँ सै जानै को बखत आओ, तौ बे अपने टब्बर के संग हमकै बिदा कन्‍नै के ताँई सैहर के बाहार तक आए, और तबई हमनै समन्‍दर के किनारे घूंटे टेक कै पिराथना करी।

चेलौ के काम 27:12

कैसेकै बौ जघै जाड़े काटनै के ताँई सई ना ही, इसताँई भौस्से लोगौ की जौ सला ही कै फीनिक्‍स मै पौंच कै जाड़ो काटैं। जौ करेत के जिहाज रुकनै को ऐंसो अड्‍डा है जिसकी रस्ता दक्‍खन, पच्छिम और उत्तर, पच्छिम की ओर खुलै है।

चेलौ के काम 28:11

तीन महीना के बाद हम सिकन्‍दरिया के एक जिहाज सै चल पड़े, जो बा टापू मै पूरे जाड़े तक रैहओ और बा जिहाज को निसान जुड़बा देब हो।

रोमियो 15:24

इसताँई जब मैं इसपानिया देस मै जांगो तौ तुमरे धौंरे सै होतो भओ जांगो कैसेकै मैंकै उमीद है कै इसपानिया जाते भए तुमसै मिलंगो। और तुमरे संग कुछ दिन रुकनै की खुसी के संग मैंकै उमीद है कै बहाँ की यातरा के ताँई मैंकै बिदा करौगे।

1 कुरन्‍थियों 16:11

इसताँई कोई बी बाकै छोटो ना समजै, पर बाकै खुसी सै बिदा करिओ, जिस्सै कै बौ और भईयौ के संग मेरे धौंरे पौंच जाय, कैसेकै मैं बाको पैंड़ो देख रओ हौं।

2 कुरन्‍थियों 1:16

मैं जौ सोचौ हौं कै मैं तुमरे धौंरे सै होते भए मकिदुनिया जांऔ और बहाँ सै बापस लौहटते बखत तुमरे धौंरे फिर आऔं; जिस्सै कै तुम मैंकै यहूदिया की ओर जानै के ताँई बिदा करौ।

तीतुस 3:12

जब मैं तेरे धौंरे अरतिमास या तुखिकुस कै भेजौं तौ मेरे धौंरे निकुपुलिस सैहर मै आनै की कोसिस करिए, कैसेकै मैंनै बहीं जाड़ो काटनै को फैसला करो है।