1 कुरन्‍थियों 14:6 - बुक्सा

⁶ इसताँई हे भईयौ और बहनौ, अगर मैं तुमरे धौंरे आकै दूसरी दूसरी भासा मै बोलौं तौ तुमकै मैंसै का फाएदा? पर अगर मैं परमेसर की ओर सै खास सन्‍देसो या गियान या परमेसर की ओर सै बोलनो या कुछ सिकानै की बात लेकै तुमरे धौंरे आऔं तौ तुमरो फाएदा होगो।

1 कुरन्‍थियों 14:6 Mawu Ofanana

मत्‍ती 11:25

उसई टैम ईसु नै कैई, “हे परम पिता, सुरग और धरती के परभु, मैं तेरो धन्‍नबाद करौं हौं, कै तैनै जे बात गियानिऔ और समजदारौं सै छिपा कै, बालकौ के ऊपर परकट करीं हैं।

मत्‍ती 16:17

ईसु नै उसकै जबाब दओ, कै “हे समौन, योना के लौंड़ा, तू धन्‍न है, कैसेकै तेकै किसी आदमी नै ना पर मेरे अब्बा नै जो सुरग मै है, जौ बात तेरे ऊपर परकट करी है।

मत्‍ती 16:26

आदमी कै इस्सै का फाएदा अगर बौ सैरी दुनिया कै पाले, पर अपनी जिन्‍दगी खो दे? अपनी जिन्‍दगी के बदले आदमी देई का सकै है?

चेलौ के काम 2:42

जो नए बिसवासी लोग हे बे भेजे भए चेलौ सै सिक्‍छा पानै और संगत कन्‍नै, एक संग मिलकै रोटी कै खानै और पूरे मन सै पिराथना करल लगे।

रोमियो 15:14

हे मेरे पियारे भईयौ, मैंकै पूरो बिसवास है कै तुम नेकी सै और परमेसर के गियान सै भरे भए हौ। तुम एक दूसरे कै सिक्‍छा दे सकौ हौ।

रोमियो 16:17

ओ भईयौ और बहनौ, मैं तुम लोगौ सै बिनती करौ हौं कै जो सिक्‍छा तुमकै मिली है उस सिक्‍छा के बिरोद मै जो फूट डारै हैं, और ठोकर खबानै को काम करै है उन लोगौ सै दूर रौह।

रोमियो 6:17

पर परमेसर को धन्‍नबाद हो, कै तुम जो पाप के दास हे, तौबी तुम मन सै उस सिक्‍छा मै चलल लगे, जो तुमकै देई गई हैं।

1 कुरन्‍थियों 10:33

जैसे मैं सबई बातौं मै सबई कै खुस रक्‍खौ हौं, और अपने फाएदा की ना पर औरौं के फाएदा की सोचौ हौं, जिस्सै कै बे मुक्‍ति पा सकैं।

1 कुरन्‍थियों 14:1

पियार की रस्ता मै चलते रौह और पबित्‍तर आत्‍मा के बरदानौ कै पानै की ताख मै रौह। पर खास बात तौ जौ है कै तुम परमेसर की ओर सै बोलौ।

1 कुरन्‍थियों 14:7

ऐंसेई बांसरी और बींड़ा हैं जिनमै जान ना है, इनसै बस अबाजई लिकरै है। अगर इनकी अबाज मै फरक ना है, तौ जौ पतो कैसे लगैगो कै जौ बांसरी है या बींड़ा?

2 कुरन्‍थियों 11:6

मानौ हौं कै मैं बोलनै मै अनाड़ी हौं पर मेरो गियान कम ना है। हर तरै सै सिगरी बातौं मै हमनै जौ साप-साप बता दओ है।

2 कुरन्‍थियों 12:1

अपने ऊपर घमंड कन्‍नो मेरे ताँई अच्‍छी बात ना है पर फिर बी मैं परभु के दए भए दरसन और जो परभु नै परकट करो बाके ऊपर घमंड करौ हौं।

2 कुरन्‍थियों 12:7

मैंकै सच्‍चे बचन की बजै सै घमंड ना होए इसताँई मेरे सरीर मै एक ऐंसो दरद है जैसे किसी नै काँटो चुभैदओ होए। जौ सैतान को दूत है और बौ मेरे हरदम चुभैतो रैहबै है कै, मैं घमंड ना कर सकौं।

इफिसिऔ 1:17

मैं जौ पिराथना करौ हौं कै हमरे परभु ईसु मसी को परमेसर जो महिमा सै भरो भओ अब्बा है, बौ तुमकै बुद्‍धि और परमेसर कै परकट कन्‍नै बारी आत्‍मा दे, जिस्सै कै तुम बाकै अच्‍छे सै जान सकौ।

इफिसिऔ 3:4

और बाकै पढ़कै तुम लोग जान सकौ हौ कै, मैं मसी की भेद की बात कै कहाँ तक समजौ हौं।

फिलिप्‍पीऔ 3:15

हम्मै सै जितने लोग सिद्‍द हैं, उन सबई की जौई सोच होनी चँईऐ और अगर किसी बात मै किसी की अगलई सोच होगी तौ परमेसर तुमकै इसके बारे मै परकट करैगो।

2 तीमुथियुस 2:14

उनकै इन बातौं की याद दिब्बातो रैहईए और परमेसर के सामने चितौनी देईए कै छोटी छोटी बातौं मै बैहैस बाजी कन्‍नै सै कोई फाएदा ना है, पर जो इनकै सुनै है, बे बी नास हो जावै हैं।

2 तीमुथियुस 3:10

तीमुथियुस तू जानै है कै, मैंनै का सिकाओ और मैं कैसे जी रओ हौं और मेरे जीनै को मकसद का है। तैनै मेरो बिसवास, पियार, सबर और सबर रखनै की तागत देखर खाई है।

2 तीमुथियुस 3:16

सिगरो पबित्‍तर सास्तर परमेसर की सायता सै लिखो गओ है। जौ बचन लोगौ कै सच्‍चाई के बारे मै सिकानै के ताँई, समजानै के ताँई, सुदारनै के ताँई, और धारमिकता की बातौं कै सिकानै के ताँई फाएदे बारो है।

2 तीमुथियुस 4:2

तू अच्‍छी खबर को परचार कर, चाँहे बखत होए या ना होए पर तू तईयार रैह और जो कोई गलती करै तौ उनकै चितौनी देईए और सबर के संग उनकै हिम्मत देईए और सिकईए।

तीतुस 3:8

जौ बात सच है, और मैं चाँहौ हौं कै, तू इन बातौं के बारे मै हिम्मत सै बोलै, इसताँई कै जिनौनै परमेसर मै बिसवास करो है, बे भले भले कामौ मै लगे रैहनै को धियान रक्‍खैं। जे बात भली और आदमिऔ के काम की हैं।

इबरानिओ 13:9

तुम तरै-तरै की सिक्‍छा के बैहकाबे मै ना अईओ। तुमरे दिल के ताँई जौ अच्‍छो है कै बौ परमेसर की किरपा के दुआरा मजबूत करो जाय। पर खानै पीनै के नियम के ताँई ना, कैसेकै जो खानै पीनै के नियम कै मानै है उनकै कुछ फाएदा ना मिलै है।

2 पतरस 1:5

इसताँई तुम पूरे दिल सै मैहनत करकै अपने बिसवास मै अच्‍छे गुन, और अच्‍छे गुन मै गियान,

2 पतरस 3:18

पर हमरे परभु और मुक्‍ति दैनै बारे ईसु मसी के किरपा और गियान मै बढ़ते जाऔ; और बाकी बड़ाई अब्बी हो और युगौं-युगौं तक होती रैह। ऐंसोई होए।

2 यहून्‍ना 1:9

जो कोई मसी की सिक्‍छा मै बनो ना रैहबै है पर बौ अग्गे बढ़तो जावै है, तौ बाके धौंरे परमेसर ना है। जो कोई मसी की सिक्‍छा मै बनो रैहबै है, बाके धौंरे परम पिता और लौंड़ा दौनौई हैं।