1 कुरन्‍थियों 14:4 - बुक्सा

⁴ जो दूसरी दूसरी भासा मै बोलै हैं। बे खुद कैई बढ़ाबै हैं, पर जो परमेसर की ओर सै सन्‍देसो देवै हैं बे बिसवासिऔ की मंडली के लोगौ कै बढ़ाबै हैं।

1 कुरन्‍थियों 14:4 Mawu Ofanana

मरकुस 16:17

बिसवास कन्‍नै बारे जे चमत्कार दिखाय करंगे। बे मेरो नाम लेकै दुसट आत्‍माऔ कै लिकारंगे, और नई नई भासा बोलंगे,

रोमियो 14:19

इसताँई उन बातौं मै लगे रैह, जिस्सै सान्‍ति मिलै है, और एक दूसरे कै आत्‍मिक रूप सै बढ़ाऔ।

1 कुरन्‍थियों 12:10

किसी कै बड़े अचम्बे काम कन्‍नै की सकति, और किसी कै परमेसर की ओर सै बोलनै की सकति, और किसी कै अच्‍छी बुरी आत्‍मा कै परखनै की और किसी कै अगल अगल भासा बोलनै की और किसी कै भासाऔ को अरथ बतानै की सकति देर खाई है।

1 कुरन्‍थियों 12:28

परमेसर नै बिसवासिऔ की मंडली मै अगल अगल आदमिऔ कै ठैरार खाओ है, पैलो भेजे भए चेलौ कै, नबिऔ कै, फिर गियान दैनै बारौ कै, फिर सकति के काम कन्‍नै बारौ कै, बेमारौं कै ठीक कन्‍नै को बरदान मिलनै बारौ कै, और दूसरौं की सायता कन्‍नै बारौ कै, और चीजौ को बन्‍दोबस्त कन्‍नै बारौ और दूसरी दूसरी भासा बोलनै बारौ कै।

1 कुरन्‍थियों 13:1

अगर मैं आदमिऔ और सुरगदूतौं की भासा बोलौं और लोगौ के ताँई मेरे दिल मै पियार ना है तौ मैं एक टन टन करती भई पीतर की घन्टी और छन छन की अबाज कन्‍नै बारे छन्छना के हाँई हौं।

1 कुरन्‍थियों 13:2

मैंकै अगर परमेसर की ओर सै बोलनै को बरदान मिलो है, और मैं परमेसर की सिगरी भेद की बातौं और गियान की बातौं कै समजौ हौं, और मैंकै जौ बिसवास है कै पहाड़ कै एक जघै सै दूसरी जघै मै खिस्का सकौं। पर मेरे दिल मै पियार ना है, तौ मैं कुछ बी ना हौं।

1 कुरन्‍थियों 14:12

इसताँई जब तुम बी पबित्‍तर आत्‍मा के बरदान पानै की ताख मै लगे हौ तौ ऐंसी कोसिस करौ कै जो बरदान तुमकै मिल रए हैं, उन बरदानौ सै बिसवासिऔ की मंडली के लोग बी बढ़ैं।

1 कुरन्‍थियों 14:22

इसताँई दूसरी दूसरी भासा बिसवासिऔ के ताँई ना हैं, पर जो लोग बिसवास ना करै हैं, उनके ताँई चिन्‍न है, और परमेसर की ओर सै बोलनो अबिसवासी लोगौ के ताँई चिन्‍न ना है, पर बिसवासी लोगौ के ताँई चिन्‍न है।

1 कुरन्‍थियों 14:26

अरे भईयौ और बहनौ, फिर का कन्‍नो चँईऐ? जब तुम इखट्‍टे होबौ, तौ तुम्मै सै कोई भजन गावै, कोई कुछ सिकानै की बात, कोई परमेसर की ओर सै खास सन्‍देसो बताबै, और कोई किसी दूसरी दूसरी भासा मै बोलै है, तौ कोई बाको मतलब बताबै। जे सिगरी बात बिसवासी लोगौ कै आत्‍मिक रूप सै बढ़नै के ताँई होनी चँईऐ।

1 कुरन्‍थियों 14:3

पर जो परमेसर की ओर सै बोलै हैं, बे आदमिऔ कै बढ़नै के ताँई, हिम्मत बढ़ानै और सान्‍ति के ताँई बोलै हैं।

1 कुरन्‍थियों 14:5

मैं चाँहबौ हौं कै, तुम सबई कै दूसरी दूसरी भासा मै बोलनै को बरदान मिलै। पर इस्सै जादा मैं जौ चाँहौ हौं कै तुम परमेसर की ओर सै बोलौ। कैसेकै परमेसर की ओर सै बोलनो दूसरी दूसरी भासा बोलनै सै बी बढ़कै है। जो दूसरी दूसरी भासा बोलै हैं। बे अगर बिसवासिऔ की मंडली के लोगौ कै उनको मतलब ना बता सकै हैं, तौ बे उनकै ना बढ़ा सकै हैं।