1 कुरन्‍थियों 14:3 - बुक्सा

³ पर जो परमेसर की ओर सै बोलै हैं, बे आदमिऔ कै बढ़नै के ताँई, हिम्मत बढ़ानै और सान्‍ति के ताँई बोलै हैं।

1 कुरन्‍थियों 14:3 Mawu Ofanana

लूका 3:18

बौ और बी भौत सी दूसरी बातौं सै समजाते भए उनकै अच्‍छी खबर सुनातो रैहओ।

चेलौ के काम 13:15

मूसा के नियम और नबिऔ की किताब पढ़नै के बाद पिराथना घर के सिआने लोगौ नै उनसै जौ कैई कै, “हे भईयौ, तुमरे धौंरे कुछ सिकानै के ताँई कोई बचन है तौ तुम सुनाऔ।”

चेलौ के काम 14:22

और चेलौ कै मजबूत करते रैहए कै बिसवास मै बने रौह और उनसै जौ कैई कै, “हमकै भारी दुख झेलते भए परमेसर के राज मै जानो पड़ैगो।”

चेलौ के काम 15:32

यहूदा और सीलास नै जो खुद बी नबी हे, उनकै भौस्सी बात सिकाकै बिसवासी भईयौ को हौसला बढ़ाओ और उनकै भरोसे मै पक्‍को करो।

चेलौ के काम 4:36

कुपरूस जघै मै एक आदमी हो जिसको नाम यूसप हो और बौ एक लेबी गोत को हो। और भेजे भए चेला बाकै बरनबास नाम सै बुलाबै हे, जिसको मतलब है, “हिम्मत बढ़ानै बारो लौंड़ा।”

चेलौ के काम 9:31

इस तरै सै सिगरे यहूदिया, गलील और सामरिया के बिसवासिऔ की मंडली के लोगौ कै चैन मिलो और बे परभु को डर मानते भए और पबित्‍तर आत्‍मा की सायता सै उनकी तरक्‍की, और संखिया बढ़ती गई।

रोमियो 12:8

अगर कोई सला दैनै बारो है तौ बौ सला देतो रैह। और जो दान दैनै बारो है बौ खुले दिल सै दान देतो रैह। और लोगौं की अगवाई कन्‍नै बारो तन मन सै, लोगौं की अगवाई करतो रैह, और जो दया कन्‍नै बारो है, बौ खुसी खुसी दया करतो रैह।

रोमियो 14:19

इसताँई उन बातौं मै लगे रैह, जिस्सै सान्‍ति मिलै है, और एक दूसरे कै आत्‍मिक रूप सै बढ़ाऔ।

रोमियो 15:2

हम्मै सै हर एक कै दूसरौं की भलाई और बढ़ौतरी के ताँई उनसै ऐंसो बरताब कन्‍नो चँईऐ कै बे हम सै खुस रैंह।

1 कुरन्‍थियों 10:23

तुमकै कैओ गओ है कै, सबई चीज हमरे ताँई सई हैं। पर सबई फाएदा बारी ना हैं। सबई चीज हमरे ताँई सई तौ हैं, पर सबई चीजौ सै तरक्‍की ना होवै है।

1 कुरन्‍थियों 14:12

इसताँई जब तुम बी पबित्‍तर आत्‍मा के बरदान पानै की ताख मै लगे हौ तौ ऐंसी कोसिस करौ कै जो बरदान तुमकै मिल रए हैं, उन बरदानौ सै बिसवासिऔ की मंडली के लोग बी बढ़ैं।

1 कुरन्‍थियों 14:17

तू तौ परमेसर कै अच्‍छे सै धन्‍नबाद देवै है, पर उस्सै दूसरौं कै बढ़नै को मौको ना मिलै है।

1 कुरन्‍थियों 14:26

अरे भईयौ और बहनौ, फिर का कन्‍नो चँईऐ? जब तुम इखट्‍टे होबौ, तौ तुम्मै सै कोई भजन गावै, कोई कुछ सिकानै की बात, कोई परमेसर की ओर सै खास सन्‍देसो बताबै, और कोई किसी दूसरी दूसरी भासा मै बोलै है, तौ कोई बाको मतलब बताबै। जे सिगरी बात बिसवासी लोगौ कै आत्‍मिक रूप सै बढ़नै के ताँई होनी चँईऐ।

1 कुरन्‍थियों 14:31

कैसेकै तुम सबई परमेसर की ओर सै बारी बारी सै बोलौ, जिस्सै कै सबई सीकैं और सबई को हौसला बढ़ै।

1 कुरन्‍थियों 8:1

अब हम मूरतिऔं के सामने बलि करी भई खानै की चीजौ के बारे मै बात करंगे। हम जानै हैं कै हमकै इन बातौं को गियान है, पर गियान आदमी कै घमंडी बना देवै है, पर पियार सै आदमी की तरक्‍की होवै है।

2 कुरन्‍थियों 1:4

बौ हमरी हर एक मुसीबत मै हमकै तसल्‍ली देवै है, जिस्सै कै हम बी दूसरे लोगौ की हर एक मुसीबत मै बैसेई तसल्‍ली दैं जिस तरै परमेसर नै हमकै दई है।

2 कुरन्‍थियों 2:7

इसताँई इस्सै अच्‍छो तौ जौ है कै, बाकी गलती कै माफ करौ; और सबई कुछ भूल कै बाको हौसला बढ़ाऔ, कहीं ऐंसो ना हो जाय कै बौ दुख मै डूब जाय।

इफिसिऔ 4:29

तुमरे मौह सै कोई बी गलत बात ना लिकरै, पर जरूरत के हिसाब सै बौई लिकरै जो उनके अग्गे बढ़ानै के ताँई अच्‍छो है जिस्सै कै उन सुन्‍नै बारौ के ऊपर उस्सै भलो होए।

इफिसिऔ 6:22

मैंनै बाकै तुमरे धौंरे इसताँई भेजो कै तुमकै हमरे बारे मै पतो चलै और बौ तुमरी हिम्मत कै बढ़ा सकै।

कुलुसिऔं 4:8

बाकै मैंनै तुमरे धौंरे इसताँई भेजो है कै तुमकै हमरी हालत को पतो लग जाय और बौ तुमरे दिलौ कै सान्‍ति देए।

1 थिसलुनीकियौ 2:11

तुम जानौ हौ कै जैसो अब्बा अपने बालकौ के संग बरताब करै है, बैसोई हमनै बी तुमरे संग करो।

1 थिसलुनीकियौ 2:3

हम जो कुछ बी लोगौ कै सिकाबै हैं बौ बैहकानै के ताँई ना, और ना गलत इरादे सै, और नाई किसी कै धोको दैनै के ताँई सिकाबै हैं।

1 थिसलुनीकियौ 3:2

और तीमुथियुस जो मसी की अच्‍छी खबर कै फैलानै मै हमरो संगी भईया और परमेसर की सेवा कन्‍नै बारो है, बाकै हमनै तुमरे धौंरे इसताँई भेजो कै बौ तुमकै बिसवास मै मजबूत करकै तुमरी हिम्मत बढ़ाऐ,

1 थिसलुनीकियौ 4:1

इसताँई भईयौ और बहनौ, हम तुमसै परभु ईसु के नाम सै जौ बिनती करै है कै परमेसर कै खुस कन्‍नै के ताँई कैसी जिन्‍दगी जीनी चँईऐ, बाके बारे मै हमनै तुमकै सिकार खाओ है। तुम बैसेई जिऔ और जादा बढ़कै करौ।

1 थिसलुनीकियौ 4:18

इसताँई इन बातौं कै बतकाते भए एक दूसरे को हौसला बढ़ाऐ करौ।

2 थिसलुनीकियौ 3:12

ऐंसे लोगौ कै हम परभु ईसु मसी मै हुकम देकै समजाबै हैं कै, बे चुपचाप अपनो काम करैं और अपनी कमाई की रोटी खाँय।

1 तीमुथियुस 1:4

उनसै कैऔ कै खानदान की बातौं और बेकार की मन सै बनाई भई कस्ताऔ मै धियान ना देओ, और अपनो बखत बेकार की बातौं मै ना खराब करौ, जो लड़ाई कै बढ़ाबो देवै हैं। इन बातौं सै परमेसर के बा बचन को गियान ना मिलै है, जो बिसवास मै टिको है।

1 तीमुथियुस 4:13

और जब तक मैं ना आऔं तब तक लोगौ कै परमेसर के बचन कै पढ़कै सुनईए और समजईए और सिकईए।

1 तीमुथियुस 6:2

और जिनके मालिक बिसवासी हैं तौ बे अपने मालिक की बेजती ना करैं, कैसेकै बे तुमरे भईया हाँई हैं, पर तुम उनकी और जादा अच्‍छी सेवा करिओ, कैसेकै जिसकै तुमरे काम कन्‍नै की बजै सै फाएदा पौंच रओ है। बे बिसवासी और तुमसै पियार कन्‍नै बारे हैं। इन बातौं कै सिकाए करौ और परचार करते रौह।

2 तीमुथियुस 4:2

तू अच्‍छी खबर को परचार कर, चाँहे बखत होए या ना होए पर तू तईयार रैह और जो कोई गलती करै तौ उनकै चितौनी देईए और सबर के संग उनकै हिम्मत देईए और सिकईए।

तीतुस 1:9

और उस बिसवासजोग बचन मै, जो धरम के उपदेस के अनुसार है, खड़ो रैह, कै खरी सिक्‍छा सै उपदेस और हिम्मत दे सकै और बिरोदिऔं को मौह बी बन्‍द कर सकै।

तीतुस 2:15

इन बातौं कै पूरे अधकार के संग कैह और समजातो, सिकातो और डाटतो रैह। जिस्सै कोई तेरी अनसुनी ना कर सकै।

तीतुस 2:6

ऐंसेई जमान आदमिऔ कै बी समजाऐ कर, कै बे संयमी बनै।

तीतुस 2:9

नौकरौ कै समजा कै अपने अपने मालिकौं के आधीन रैंह, और सब बातौं मै उनकै खुस रक्‍खैं, और पलट कै जबाब ना दैं,

इबरानिओ 10:25

और एक दूसरे सै मिलनो ना छोड़िओ जैसो कै भौस्से लोग करै हैं और जैसो तुम जानौ हौ कै मसी के आनै को दिन धौंरेई है। तौ तुम एक दूसरे को हौसला बढ़ाते रैहऔ।

इबरानिओ 13:22

पियारे भईयौ और बहनौ, मैं तुमसै बिनती करौ हौं कै इन सिकानै बारी बातौं कै तुम बरदास करौ कैसेकै मैंनै तुमकै जौ चिट्‌ठी थोड़ेई सब्दौ मै लिखी है।

इबरानिओ 3:13

जब तक “आज” को मौको तुमरे धौंरे है हर दिन तुम एक दूसरे कै समजाते रौह, जिस्सै कै तुम्मै सै कोई बी पाप के बैहकाबे मै आकै अपने दिल कै कठोर ना कर ले।

1 पतरस 5:12

मैंनै जौ छोटी सी चिट्‌ठी सिलवानुस के हात सै लिखबाई है, जिसकै मैं बिसवासजोग भईया मानौ हौं। मैं तुमकै समजाबौ हौं और अपनी जौ गभाई देवौ हौं कै, परमेसर की सच्‍ची किरपा जौई है और जाई मै बने रौह।

यहूदा 1:20

पर हे पियारे लोगौं, तुम अपने पबित्‍तर बिसवास मै बढ़ते रौह और पबित्‍तर आत्‍मा की सायता सै पिराथना करते रौह।