1 कुरन्‍थियों 13:5 - बुक्सा

⁵ पियार किसी के संग बुरो बरताब ना करै है, और अपनी भलाई ना चाँहै है, ना जल्दी घुस्सा करै है और नाई बुरी बातौं को हिसाब रक्‍खै है।

1 कुरन्‍थियों 13:5 Mawu Ofanana

मत्‍ती 5:22

पर मैं तुमसै जौ कैरओ हौं, कै जो कोई अपने भईया के ऊपर घुस्सा करैगो बौ कचैरी मै सजा को भागी होगो, और जो कोई अपने भईया कै निकम्मो कैगो, तौ बौ यहूदी महासभा मै सजा को भागी होगो, और जो कोई कैए, ‘अरे मूरख!’ बौ नरक की आग के सजा को भागी होगो।

मत्‍ती 9:4

ईसु नै उनके मन की बात जानकै उनसै कैई कै, “तुम लोग अपने अपने मन मै बुरो बिचार काए कर रए हौ?

मरकुस 3:5

उनके मन की कठोरता देक्‍कै ईसु कै दुख भओ फिर ईसु नै घुस्सा मै भरकै चारौ ओर देखो और उस आदमी सै कैई, “अपनो हात बढ़ा,” उसनै ऐंसोई करो और बाको हात ठीक हो गओ।

लूका 7:39

जौ देक्‍कै, “बौ फरीसी जिसनै ईसु बुलाओ हो, अपने मन मै सोचल लगो, अगर जौ भबिसबानी कन्‍नै बारो होतो तौ जान लेतो, कै जो उसकै छूँ रई है, बौ कौन और कैसी बईयर है? कैसेकै बौ तौ पापन है।”

1 कुरन्‍थियों 10:24

तुम अपने ताँई फिकर काए करौ हौ, पर दूसरौं की भलाई के ताँई बी सोचौ।

1 कुरन्‍थियों 10:33

जैसे मैं सबई बातौं मै सबई कै खुस रक्‍खौ हौं, और अपने फाएदा की ना पर औरौं के फाएदा की सोचौ हौं, जिस्सै कै बे मुक्‍ति पा सकैं।

1 कुरन्‍थियों 11:18

सबसै पैले मैंनै जौ सुनो हो कै जब तुम बिसवासिऔ की मंडली मै इखट्‍टे होबौ हौ, तब्बी तुमरे बीच मै फूट पड़ी रैहबै है, और मैं जा बात के ऊपर थोड़ो भौत बिसवास बी करौ हौं।

1 कुरन्‍थियों 12:25

जिस्सै कै सरीर मै फूट ना पड़ै, पर सरीर को हर एक अंग सबई कै एक जैसो मानकै एक दूसरे की फिकर करै।

1 कुरन्‍थियों 7:36

अगर किसी लौंड़ा की सगाई किसी लौंड़िया के संग होई पड़ी है, और बाकी बिहा की उमर लिकरी जा रई होए, और बा लौंड़ा कै लगै कै मैं बाके संग अच्‍छो बरताब ना कर रओ हौं, तौ बौ बासै बिहा कर लै और ऐंसो कन्‍नो पाप ना है।

2 कुरन्‍थियों 5:19

हमरी बात जौ है कै परमेसर नै लोगौ के पाप को लेखो-जोखो ना लओ पर मसी के दुआरा जा दुनिया के लोगौ को अपने संग मेल करबाओ, और जौ मेल-जोल को बचन हमकै देओ है।

गलातिऔ 5:13

ओ भईयौ और बहनौ, परमेसर नै तुमकै आजाद रैहनै के ताँई बुलाओ है, पर ऐंसो ना होए कै तुमरी आजादी सरीर के बुरे कामौ की ओर होए। पर पियार सै एक दूसरे की सेवा करौ।

फिलिप्‍पीऔ 2:21

कैसेकै सबई ईसु मसी की ना पर अपने फाएदा की बातौं मै लगे हैं।

फिलिप्‍पीऔ 4:8

हे भईयौ, जो बात सच हैं, और जो बात इज्‍जत बारी हैं, और जो सई हैं, और जो बात पबित्‍तर हैं, और जो बात पियारी हैं, और जो बात मन कै पियारी लगै हैं, यानी जो बी भौत अच्‍छी और बड़ाई की बात हैं, उनई मै मन लगाए करौ।

2 थिसलुनीकियौ 3:7

कैसेकै तुम खुदई जानौ हौ कै तुमकै हमरे हाँई जिन्‍दगी कैसे जीनी है, कैसेकै तुमरे बीच मै रैहते भए हम आलसी ना हे।

2 तीमुथियुस 2:10

इसताँई परमेसर के चुने भए लोगौ के ताँई मैं दुख उठामौ हौं, जिस्सै बे बी मसी ईसु दुआरा मुक्‍ति के संग-संग हमेसा की महिमा पांऐ।

2 तीमुथियुस 4:16

जब मेरी पैली दफै कचैरी मै सुनबाई ही तौ कोई बी मेरी सायता के ताँई ना आओ पर सिगरे जनी मैंकै छोड़ गए। मैं जौ उमीद रक्‍खौ हौं कै परमेसर के सामने उनमै सै कोई बी दोसी ना लिकरै।

याकूब 1:19

हे मेरे पियारे भईयौ, जौ बात कै तुम जानलो कै हर एक आदमी सुन्‍नै के ताँई तईयार रैह और बोलनै मै जल्दबाजी ना करै, और नाई जल्दी सै घुस्सा करै।