1 कुरन्‍थियों 13:2 - बुक्सा

² मैंकै अगर परमेसर की ओर सै बोलनै को बरदान मिलो है, और मैं परमेसर की सिगरी भेद की बातौं और गियान की बातौं कै समजौ हौं, और मैंकै जौ बिसवास है कै पहाड़ कै एक जघै सै दूसरी जघै मै खिस्का सकौं। पर मेरे दिल मै पियार ना है, तौ मैं कुछ बी ना हौं।

1 कुरन्‍थियों 13:2 Mawu Ofanana

मत्‍ती 13:11

ईसु नै जबाब दओ, “कै तुमकै सुरग के राज के भेदौं की समज देई गई है, पर उनकै ना।

मत्‍ती 17:20

ईसु नै उनसै कैई, “तुम्मै बिसवास की कमी है। मैं तुमसै सच कैरओ हौं, अगर तुमरो बिसवास राई के दाने के बराबर बी है, तौ तुम इस पहाड़ सै जौ कैऔ, हिंया सै हट कै बहाँ जा, तौ बौ हट जागो, और तुमरे ताँई कुछ बी मुसकल ना होगो।”

मत्‍ती 21:19

बौ रस्ता के किनार अंजीर को पेड़ देक्‍कै उसके धौंरे गओ, पर उसकै उसमै पत्‍तौ के सिबा कुछ ना मिलो। तब बानै पेड़ सै कैई, “तैमै फिर कबी फल ना लगैं!” और उसई बखत अंजीर को बौ पेड़ सूक गओ।

मत्‍ती 21:21

ईसु नै उनकै जबाब दओ, “मैं तुमसै सच कैरओ हौं, अगर तुम बिसवास रक्‍खौ, और सक ना करौ, तौ तुम ना सिरप जौ करौगे, जो मैं अंजीर के पेड़ के संग कर चुको हौं, पर अगर इस पहाड़ सै बी कैऔगे, कै उखड़ जा, और समन्‍दर मै जा पड़, तौ बौ हो जागो।

चेलौ के काम 13:1

अन्‍ताकिया के बिसवासिऔ की मंडली मै कुछ नबी और कुछ सिकानै बारे हे, जैसे बरनबास, और समौन जिसकै नीगर बी कैबै हे, लूकियुस कुरैनी, और मनाहेन जो राजा हेरोदेस के संग-संग बड़ो भओ हो, और साऊल।

रोमियो 11:25

हे भईयौ, कहीं ऐंसो ना हो जाऐ, कै तुम अपने आपकै होसिआर समजल लगौ, इसताँई मैं ना चाँहौ हौं कै तुम इस राज सै अनजान रैहऔ, कै जब तक गैर यहूदी लोग पूरी तरै सै परमेसर के टब्बर के हिस्सा ना बन जावै हैं तब तक ईसराइली लोग ऐंसेई कठोर रैहंगे।

रोमियो 15:14

हे मेरे पियारे भईयौ, मैंकै पूरो बिसवास है कै तुम नेकी सै और परमेसर के गियान सै भरे भए हौ। तुम एक दूसरे कै सिक्‍छा दे सकौ हौ।

रोमियो 16:25

जो तुमकै खड़ो कर सकै है उस परमेसर की महिमा हो बौ मेरी अच्‍छी खबर के दुआरा और ईसु मसी के परचार के दुआरा कई सदिऔं सै लुके भए सच्‍चे राज कै परकट कन्‍नै के दुआरा तुमकै खड़ो करैगो।

1 कुरन्‍थियों 11:4

जो आदमी मूड़ ढक्‍कै पिराथना करै है, या परमेसर की ओर सै बोलै है, बौ मसी की बेजती करै है, जिसको हमरे ऊपर हक है।

1 कुरन्‍थियों 12:28

परमेसर नै बिसवासिऔ की मंडली मै अगल अगल आदमिऔ कै ठैरार खाओ है, पैलो भेजे भए चेलौ कै, नबिऔ कै, फिर गियान दैनै बारौ कै, फिर सकति के काम कन्‍नै बारौ कै, बेमारौं कै ठीक कन्‍नै को बरदान मिलनै बारौ कै, और दूसरौं की सायता कन्‍नै बारौ कै, और चीजौ को बन्‍दोबस्त कन्‍नै बारौ और दूसरी दूसरी भासा बोलनै बारौ कै।

1 कुरन्‍थियों 13:1

अगर मैं आदमिऔ और सुरगदूतौं की भासा बोलौं और लोगौ के ताँई मेरे दिल मै पियार ना है तौ मैं एक टन टन करती भई पीतर की घन्टी और छन छन की अबाज कन्‍नै बारे छन्छना के हाँई हौं।

1 कुरन्‍थियों 13:3

और मैं अपनी सिगरी धन-दौलत गरीबौ मै बाँट दौं और अपने सरीर कै बी जरानै के ताँई दे दौं। पर लोगौ सै पियार ना रक्‍खौ तौ मैंकै का फाएदा?

1 कुरन्‍थियों 13:8

पियार हमेसा अमर रैहगो। पर परमेसर के ओर सै बोलनै की तागत ना रैहंगी, और दूसरी दूसरी भासा बोलनै को बरदान बी खतम हो जागो, और गियान बी मिट जागो।

1 कुरन्‍थियों 14:29

परमेसर की ओर सै मिली भई बातौं कै दो या तीन जनी बोलैं और बाकी के लोग उनकै सुनै और परखैं।

1 कुरन्‍थियों 14:39

इसताँई हे मेरे भईयौ और बहनौ परमेसर की ओर सै बोलनै की ताख मै रौह और दूसरी दूसरी भासा बोलनै बारौ कै बी मनैह मत करौ।

1 कुरन्‍थियों 14:4

जो दूसरी दूसरी भासा मै बोलै हैं। बे खुद कैई बढ़ाबै हैं, पर जो परमेसर की ओर सै सन्‍देसो देवै हैं बे बिसवासिऔ की मंडली के लोगौ कै बढ़ाबै हैं।

1 कुरन्‍थियों 15:51

सुनौ, मैं तुमकै एक छिपी भई बात कैरओ हौं कै, हम सबई मरंगे ना पर सबई बदल जांगे।

1 कुरन्‍थियों 16:22

जो कोई परभु कै पियार ना करै है, बाकै सराप मिलैगो। हे परभु आ।

1 कुरन्‍थियों 4:1

लोगौ कै हमरे बारे मै ऐंसो सोचनो चँईऐ कै हम मसी के सेवक हैं, और परमेसर नै हमकै भेद की बातौं के बारे मै बोलनै को काम सौंपो है।

1 कुरन्‍थियों 7:19

खतना और बगैर खतना कुछ बी ना है, पर परमेसर की आगियाँऔ कै माननोई सबई कुछ है।

1 कुरन्‍थियों 8:4

जब मूरतिऔं के सामने बलि करी भई चीजौ के खानै के बारे मै हम जानै हैं कै, “जा दुनिया मै मूरत कुछ बी चीज ना है, और हम जानै हैं कै एक कै छोड़कै और कोई दूसरो परमेसर ना है।”

2 कुरन्‍थियों 12:11

मैंकै बेबकूफ के हाँई बोलनै के ताँई तुमनै मजबूर करो। तुमकै तौ मेरी बड़ाई कन्‍नी चँईऐ ही। बैसे तौ मैं कुछ बी ना हौं, पर जिनकै तुम बड़े-बड़े भेजे भए चेला समजौ हौ उनसै मैं किसी बी बात मै कम ना हौं।

गलातिऔ 5:16

पर मैं तुमसै जौ कैबै हौं कै, अगर तुम परमेसर की आत्‍मा के हिसाब सै चलौगे तौ तुम अपने सरीर की बुरी इच्‍छा कै पूरी ना करौगे।

गलातिऔ 5:22

पर परमेसर को आत्‍मा को फल पियार, खुसी, सान्‍ति, सबर, दया, भलाई, बिसवासजोग,

गलातिऔ 6:3

कैसेकै अगर कोई आदमी खुद कै बड़ो समजै है और बौ बड़ो ना है, तौ बौ खुद कै धोको देरओ है।

इफिसिऔ 3:4

और बाकै पढ़कै तुम लोग जान सकौ हौ कै, मैं मसी की भेद की बात कै कहाँ तक समजौ हौं।

इफिसिऔ 6:19

तुम मेरे ताँई बी पिराथना करौ कै जब मैं अपने मौह सै बोलौं तौ तबई मैं हिम्मत के संग अच्‍छी खबर की भेद की बातौं कै बता सकौं।

कुलुसिऔं 1:26

मतलब बौ राज की बात सुनौ, जो कई युगौं सै और कई पीढ़िऔं सै गुप्‍त रैहई, पर अब बौ पबित्‍तर लोगौ के ताँई परकट भओ है।

1 तीमुथियुस 3:16

और जा बात मै कोई सक ना है कै जो अच्‍छी खबर हमकै मिली ही, बौ सबसै बड़ी है। मसी आदमी के सरीर के रूप मै जलम लेकै परकट भओ, और परमेसर के आत्‍मा नै बाकै धरमी ठैराओ, सुरगदूतौं नै बाकै देखो, दूसरे देस के लोगौ मै बाको परचार भओ। दुनिया के लोगौ नै बाके ऊपर बिसवास करो, और महिमा के संग बाकै ऊपर उठा लओ गओ।

1 यहून्‍ना 4:8

और जो पियार ना करै है, बौ परमेसर कै ना जानै है, कैसेकै परमेसरई पियार है।