1 कुरन्‍थियों 12:9 - बुक्सा

⁹ और किसी कै बाई आत्‍मा सै बिसवास मिलो है, और किसी कै बाई आत्‍मा सै बेमारौं कै अच्‍छो कन्‍नै को बरदान मिलो है।

1 कुरन्‍थियों 12:9 Mawu Ofanana

मत्‍ती 10:8

बेमारौं कै ठीक करौ, मरे भए कै जिन्‍दगी दो, कोढ़िऔं कै सुद्‍द करौ, दुसट आत्‍माऔ कै लिकारौ, तुमकै मुफत मै मिलो है मुफत मै दे दो।

मत्‍ती 21:21

ईसु नै उनकै जबाब दओ, “मैं तुमसै सच कैरओ हौं, अगर तुम बिसवास रक्‍खौ, और सक ना करौ, तौ तुम ना सिरप जौ करौगे, जो मैं अंजीर के पेड़ के संग कर चुको हौं, पर अगर इस पहाड़ सै बी कैऔगे, कै उखड़ जा, और समन्‍दर मै जा पड़, तौ बौ हो जागो।

मरकुस 16:18

और बे अपने हातौ सै साँप पकड़ लंगे और बे अगर बिस बी पी जांऐ तौ उनको कुछ नुकसान ना होगो, बे बेमारौं के ऊपर अपनो हात रखंगे और बे ठीक हो जांगे।”

मरकुस 6:13

और उनौनै भौत सी दुसट आत्‍मा लिकारीं, और भौत से बेमारौं के ऊपर तेल मिसलो और परमेसर नै बे ठीक करे।

लूका 10:9

बहाँ के बेमारौं कै ठीक करौ, और उनसै कैऔ, कै ‘परमेसर को राज तुमरे धौंरे आ पौंचो है।’

लूका 9:2

और बे परमेसर के राज की अच्‍छी खबर सुनानै और बेमारौं कै ठीक कन्‍नै के ताँई भेजे।

चेलौ के काम 10:38

परमेसर नै ईसु नासरी कै पबित्‍तर आत्‍मा और सकति सै भरो हो और बौ सबई लंग फिर कै भलाई के काम करतो और जो लोग सैतान के बस मै हे उनकै बौ अच्‍छो करै हो, कैसेकै परमेसर बाके संग हो।

चेलौ के काम 5:15

बे अपने पक्‍के बिसवास की बजै सै बेमार लोगौ कै खटिया और सितरे समीत रस्ता के किनार रख देवै हे, कै जब पतरस बहाँ सै लिकरकै जाऐ तौ कम सै कम बाकी छाँई उनमै पड़ जाऐ।

1 कुरन्‍थियों 12:28

परमेसर नै बिसवासिऔ की मंडली मै अगल अगल आदमिऔ कै ठैरार खाओ है, पैलो भेजे भए चेलौ कै, नबिऔ कै, फिर गियान दैनै बारौ कै, फिर सकति के काम कन्‍नै बारौ कै, बेमारौं कै ठीक कन्‍नै को बरदान मिलनै बारौ कै, और दूसरौं की सायता कन्‍नै बारौ कै, और चीजौ को बन्‍दोबस्त कन्‍नै बारौ और दूसरी दूसरी भासा बोलनै बारौ कै।

1 कुरन्‍थियों 12:30

का इन सबई मै बेमारौं कै ठीक कन्‍नै को बरदान है? का जे सबई दूसरी दूसरी भासा बोलै हैं? का जे सबई भासा को मतलब बतानै बारे हैं?

1 कुरन्‍थियों 13:2

मैंकै अगर परमेसर की ओर सै बोलनै को बरदान मिलो है, और मैं परमेसर की सिगरी भेद की बातौं और गियान की बातौं कै समजौ हौं, और मैंकै जौ बिसवास है कै पहाड़ कै एक जघै सै दूसरी जघै मै खिस्का सकौं। पर मेरे दिल मै पियार ना है, तौ मैं कुछ बी ना हौं।

2 कुरन्‍थियों 4:13

कैसेकै पबित्‍तर सास्तर मै लिखौ है, “मैंनै बिसवास करो इसताँई मैं बोलो,” और हम्मै बी बिसवास की बौई आत्‍मा है, इसताँई हम बोलै हैं और हम बिसवास बी करै हैं।

इफिसिऔ 2:8

कैसेकै परमेसर की किरपा के दुआरा बिसवास की बजै सैई तुमकै मुक्‍ति मिली है जौ तुमकै खुद की बजै सै ना मिलो है बलकन जौ तौ परमेसर को बरदान है।

इबरानिओ 11:33

बिसवास के बजै सैई उन लोगौ नै देसौ कै हराओ और धरम के काम करे और परमेसर के बादेऔ कै पाओ, बब्बर सेरौ को मौह बन्‍द करो।