1 कुरन्‍थियों 12:8 - बुक्सा

⁸ कैसेकै परमेसर के आत्‍मा के दुआरा किसी कै बुद्‍धि की बात दंई हैं, और किसी कै बाई आत्‍मा के दुआरा गियान की बात दंई हैं।

1 कुरन्‍थियों 12:8 Mawu Ofanana

मत्‍ती 13:11

ईसु नै जबाब दओ, “कै तुमकै सुरग के राज के भेदौं की समज देई गई है, पर उनकै ना।

चेलौ के काम 6:3

इसताँई भईयौ आपस मै सै समजदार और पबित्‍तर आत्‍मा सै भरे भए सात आदमिऔ कै चुन लो कै हम बौ काम उनके हातौ मै सौंप सकैं।

रोमियो 15:14

हे मेरे पियारे भईयौ, मैंकै पूरो बिसवास है कै तुम नेकी सै और परमेसर के गियान सै भरे भए हौ। तुम एक दूसरे कै सिक्‍छा दे सकौ हौ।

1 कुरन्‍थियों 1:30

परमेसर की बजै सै तुम लोग ईसु मसी के अंग बन गए हौ, और परमेसर की ओर सै ईसु मसी हमरे ताँई बुद्‍धि ठैरो। मसी की बजै सै हम परमेसर मै सई ठैराए गए और बाके पबित्‍तर लोग बन गए और हमकै पाप सै छुटकारो मिलो।

1 कुरन्‍थियों 1:5

तुम मसी के संग साजेदार होनै की बजै सै सबई चीजौ मै सेट हौ; परमेसर के बचन मै और उन सिगरी आत्‍मिक बातौं मै जिनकै तुम जानौ हौ, सेट बन गए हौ।

1 कुरन्‍थियों 13:2

मैंकै अगर परमेसर की ओर सै बोलनै को बरदान मिलो है, और मैं परमेसर की सिगरी भेद की बातौं और गियान की बातौं कै समजौ हौं, और मैंकै जौ बिसवास है कै पहाड़ कै एक जघै सै दूसरी जघै मै खिस्का सकौं। पर मेरे दिल मै पियार ना है, तौ मैं कुछ बी ना हौं।

1 कुरन्‍थियों 13:8

पियार हमेसा अमर रैहगो। पर परमेसर के ओर सै बोलनै की तागत ना रैहंगी, और दूसरी दूसरी भासा बोलनै को बरदान बी खतम हो जागो, और गियान बी मिट जागो।

1 कुरन्‍थियों 14:26

अरे भईयौ और बहनौ, फिर का कन्‍नो चँईऐ? जब तुम इखट्‍टे होबौ, तौ तुम्मै सै कोई भजन गावै, कोई कुछ सिकानै की बात, कोई परमेसर की ओर सै खास सन्‍देसो बताबै, और कोई किसी दूसरी दूसरी भासा मै बोलै है, तौ कोई बाको मतलब बताबै। जे सिगरी बात बिसवासी लोगौ कै आत्‍मिक रूप सै बढ़नै के ताँई होनी चँईऐ।

1 कुरन्‍थियों 14:6

इसताँई हे भईयौ और बहनौ, अगर मैं तुमरे धौंरे आकै दूसरी दूसरी भासा मै बोलौं तौ तुमकै मैंसै का फाएदा? पर अगर मैं परमेसर की ओर सै खास सन्‍देसो या गियान या परमेसर की ओर सै बोलनो या कुछ सिकानै की बात लेकै तुमरे धौंरे आऔं तौ तुमरो फाएदा होगो।

1 कुरन्‍थियों 2:11

जो बात आदमी के मन मै है, बाकै कोई दूसरो ना पर बाई की आत्‍मा समज सकै है। इसई तरीका सै परमेसर की सिगरी बातौं कै बी परमेसर की आत्‍मा समज सकै है।

1 कुरन्‍थियों 2:16

कैसेकै परभु को मन किसनै जानो है, कै बाकै सिकाए? पर जैसे मसी सोचै है बैसेई हम बी सोच सकै हैं।

2 कुरन्‍थियों 1:12

हमकै घमंड है, कै हम जौ बात कै साप मन सै बोल सकै हैं, हमनै जा दुनिया के संग और खास करकै जैसो परमेसर नै चाँहो बैसोई हमनै तुम लोगौ के संग ईमानदारी और सच्‍चाई के संग बरताब करो है। जे बात परमेसर की किरपा सै मिलै हैं ना कै दुनिया की मन की समज सै।

2 कुरन्‍थियों 11:6

मानौ हौं कै मैं बोलनै मै अनाड़ी हौं पर मेरो गियान कम ना है। हर तरै सै सिगरी बातौं मै हमनै जौ साप-साप बता दओ है।

2 कुरन्‍थियों 2:14

पर मैं परमेसर को धन्‍नबाद करौ हौं कै, जो हमकै हरदम मसी मै जीत के जल्‍लूस मै घुमाबै है, और अपने मसी के गियान की अच्‍छी खसबोई कै हमरे दुआरा हर जघै फैलावै है।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

2 कुरन्‍थियों 6:6

हमरी पबित्‍तर जिन्‍दगी, गियान और सबर की तागत सै, दया, पबित्‍तर आत्‍मा और सच्‍चो पियार,

2 कुरन्‍थियों 8:7

पर तुम सिगरी बातौं मै अच्‍छे हौ, जैसे कै बिसवास मै, बचन मै, गियान मै, और हर तरै की हिम्मत मै, और जो पियार तुम हम सै करौ हौ बामै बढ़ते जाबौ हौ, बैसेई तुम बी जा दान की सेवा के काम मै बी बढ़ते जाऔ।