1 कुरन्‍थियों 11:2 - बुक्सा

² मैं तुमरी बड़ाई इसताँई बतकावौं हौं, कैसेकै तुम सिगरी बातौं मै मैंकै याद करौ हौ, और जिन मसी सिक्‍छाऔ कै मैंनै तुमकै सिकाओ हो उनके ऊपर तुम अच्‍छे सै चलौ हौ।

1 कुरन्‍थियों 11:2 Mawu Ofanana

लूका 1:6

बे दौनौई धरमी हे। बे पूरे मन सै परभु की आगियाँऔ और नियमौ को पालन करै हे।

1 कुरन्‍थियों 11:17

मैं तुमरी बड़ाई ना करौ हौं पर अब एक हुकम देते भए तुमसै कैबौ हौं, तुमरे इखट्‍टे होनै सै कोई फाएदा ना है, बलकन नुकसान है।

1 कुरन्‍थियों 11:22

का तुमरे धौंरे खानै पीनै के ताँई घर ना है? और तुम परमेसर के बिसवासिऔ की मंडली कै नीचो दिखाबौ हौ, और जिनके धौंरे खानै के ताँई कुछ बी ना है उनकै तुम सरम महसूस करबाबौ हौ? अब मैं तुमसै का कैंऔ? का मैं तुमरी बड़ाई बतकाऔं? इन बातौं मै मैं तुमरी बड़ाई ना करंगो।

1 कुरन्‍थियों 15:2

अगर तुम बा अच्‍छी खबर कै पूरे बिसवास के संग थामे रैहओगे तौ जो अच्‍छी खबर मैंनै सुनाई ही बाई सै तुमकै मुक्‍ति मिलैगी, ना तौ तुमरो बिसवास कन्‍नो बेकार है।

1 कुरन्‍थियों 4:17

इसताँई मैंनै तीमुथियुस कै जो परभु मै मेरो पियारो और बिसवासजोग लौंड़ा है, तुमरे धौंरे भेजो है। बौ तुमकै बा जिन्‍दगी के बारे मै याद दिब्बागो जो मैंनै मसी ईसु के संग बिताई ही, ठीक बैसेई जैसी मैंनै जघै-जघै मै जाकै बिसवासिऔ की मंडली के लोगौ कै सिकाओ हो।

1 कुरन्‍थियों 7:17

पर परभु नै जिसकै जैसो दओ है और जो जिस रूप मै परमेसर नै बुलाओ है, बाकै बैसेई जीनो चँईऐ। मैं सबई बिसवासिऔ की मंडलिऔ के ताँई इनई नियम को हुकम देवौ हौं।

1 थिसलुनीकियौ 1:6

तुम लोग बड़े दुख मै होनै के बाद बी पबित्‍तर आत्‍मा के खुसी के संग बचन की बातौं कै मानकै हमरे और परभु के हाँई जिन्‍दगी बिताई।

1 थिसलुनीकियौ 3:6

पर अब तीमुथियुस तुमरे बिसवास और पियार की खबर लेकै लौहटो है। बौ हमकै बताबै है कै तुम हमेसा हमकै पियार सै याद करौ हौ और हम सै फिर मिलनै के ताँई जितने तुम बेचैन हौ उत्‍तेई हम बी हैं।

2 थिसलुनीकियौ 2:15

इसताँई ओ पियारे भईयौ और बहनौ, पक्‍के रौह और उन सिक्‍छाऔ कै थामे रौह जो तुमनै हम सै और चिट्‌ठी के दुआरा सिकीं।

2 थिसलुनीकियौ 3:6

ओ भईयौ और बहनौ, मैं तुमकै परभु ईसु मसी के नाम सै हुकम देवौ हौं कै जो बिसवासी लोग आलस करै हैं, और हमरी देई भई सिक्‍छा के हिसाब सै ना चलै हैं, उनसै दूर रौह।