1 कुरन्‍थियों 10:32 - बुक्सा

³² तुम लोग ना तौ यहूदिऔं के ताँई, ना गैर यहूदी लोगौ के ताँई और ना परमेसर के बिसवासिऔ की मंडली के ताँई ठोकर की बजै बनौ।

1 कुरन्‍थियों 10:32 Mawu Ofanana

चेलौ के काम 20:28

इसताँई तुम अपनी और अपने लोगौ की देखभाल करौ, जिसके ताँई तुमकै पबित्‍तर आत्‍मा नै चुनो है, कैसेकै तुम बिसवासिऔ की मंडली के लोगौ के ताँई ऐंसे हौ जैसे गड़रिया भेड़ौ के झुन्ड के ताँई है। जिसकै परमेसर नै अपने लौंड़ा को खून देकै मोल लओ है।

चेलौ के काम 24:16

इसताँई मैं बी परमेसर और आदमी के सामने अपनी भीतर की आत्‍मा कै सुद्‍द रखनै की कोसिस करौ हौं।

रोमियो 14:13

हम आपस मै दोस लगानो बंद करैं और ठान लैं कै अपने भईया के रस्ता मै टांग ना अड़ांगे और नाई उसके पाप की बजै बनंगे।

1 कुरन्‍थियों 1:2

परमेसर के उन बिसवासिऔ की मंडली के लोगौ के ताँई जो कुरन्‍थी सैहर मै हैं। इन लोगौ कै ईसु मसी के संग साजे होनै के ताँई परमेसर नै अगल करर खाओ हो, और इनई कै पबित्‍तर जिन्‍दगी जीनै के ताँई बुलाओ, और उन सबई बिसवासी लोगौ के ताँई बी जो हर जघै मै हमरे और मेरे परभु ईसु मसी के नाम की बड़ाई करै हैं।

1 कुरन्‍थियों 10:33

जैसे मैं सबई बातौं मै सबई कै खुस रक्‍खौ हौं, और अपने फाएदा की ना पर औरौं के फाएदा की सोचौ हौं, जिस्सै कै बे मुक्‍ति पा सकैं।

1 कुरन्‍थियों 11:22

का तुमरे धौंरे खानै पीनै के ताँई घर ना है? और तुम परमेसर के बिसवासिऔ की मंडली कै नीचो दिखाबौ हौ, और जिनके धौंरे खानै के ताँई कुछ बी ना है उनकै तुम सरम महसूस करबाबौ हौ? अब मैं तुमसै का कैंऔ? का मैं तुमरी बड़ाई बतकाऔं? इन बातौं मै मैं तुमरी बड़ाई ना करंगो।

1 कुरन्‍थियों 12:28

परमेसर नै बिसवासिऔ की मंडली मै अगल अगल आदमिऔ कै ठैरार खाओ है, पैलो भेजे भए चेलौ कै, नबिऔ कै, फिर गियान दैनै बारौ कै, फिर सकति के काम कन्‍नै बारौ कै, बेमारौं कै ठीक कन्‍नै को बरदान मिलनै बारौ कै, और दूसरौं की सायता कन्‍नै बारौ कै, और चीजौ को बन्‍दोबस्त कन्‍नै बारौ और दूसरी दूसरी भासा बोलनै बारौ कै।

1 कुरन्‍थियों 15:9

कैसेकै मैं भेजे भए चेलौ मै सबई सै छोटो हौं, पर भेजो भओ चेला बन्‍नै के लायक ना हौं, कैसेकै मैंनै परमेसर के बिसवासिऔ की मंडली के लोगौ कै सताओ हो।

1 कुरन्‍थियों 7:17

पर परभु नै जिसकै जैसो दओ है और जो जिस रूप मै परमेसर नै बुलाओ है, बाकै बैसेई जीनो चँईऐ। मैं सबई बिसवासिऔ की मंडलिऔ के ताँई इनई नियम को हुकम देवौ हौं।

1 कुरन्‍थियों 8:13

इसताँई अगर मेरो खानो मेरे भईया के ताँई पाप की बजै बनै है, तौ मैं फिर कबी मांस ना खांगो, कहीं ऐंसो ना होए कै मैं अपने भईया के ताँई पाप की बजै बन जाऔ।

2 कुरन्‍थियों 1:1

परमेसर की मरजी सै मसी ईसु को भेजो भओ चेला मैं पौलुस और तीमुथियुस दौनौ की ओर सै परमेसर के उस बिसवासिऔ की मंडली के ताँई जो कुरन्‍थी मै हैं और अखाया के सिगरे इलाके के बिसवासी लोगौ कै जौ चिट्‌ठी लिख रओ हौं।

2 कुरन्‍थियों 6:3

हम हर एक बात मै धियान देवै हैं जिस्सै कै हमरे ऊपर उंगरिआ उठानै को मौको ना मिलै, और ना हमरी सेवा के काम मै कोई कलंक लगै।

गलातिऔ 1:13

तुमनै जौ बात बी सुनी होगी कै जब मैं यहूदी रीती रिबाज के हिसाब सै जिन्‍दगी जीवै हो तौ मेरो चाल-चलन कैसो हो। मैंनै परमेसर के बिसवासिऔ की मंडली के लोगौ कै भौत सताओ और उनकै नास कन्‍नै की कोसिस करी।

फिलिप्‍पीऔ 1:10

ताकि तुम अच्‍छी सै अच्‍छी बातौं कै परख सकौ जिस्सै कै मसी के आनै के दिन तक पबित्‍तर और सच्‍चे बने रौह।

फिलिप्‍पीऔ 3:6

मेरे भीतर इत्‍तो जादा हौसला हो कै मैं बिसवासिऔ की मंडली के लोगौ कै सताबै हो, और धारमिकता के बारे मै सबई नियम, और रीती रिबाजौ कै ऐंसे मानै हो कै मेरे ऊपर कोई दोस ना लगा सकै हो।

1 थिसलुनीकियौ 2:14

इसताँई ओ मेरे भईयौ और बहनौ, तुमरे संग बी बैसोई होओ जैसो यहूदिया देस के बिसवासिऔ की मंडलिऔ के लोगौ के संग होओ, जो मसी ईसु मै हे। कैसेकै तुमनै बी अपने लोगौ सै दुख पाओ, जैसो उनौनै यहूदी लोगौ सै पाओ हो।

1 तीमुथियुस 3:15

अगर मैंकै आनै मै देर होए तौ तुमकै जौ पतो होनो चँईऐ कै परमेसर के टब्बर के लोगौ को बरताब कैसो होनो चँईऐ। जौ टब्बर जिन्‍दे परमेसर के बिसवासिऔ की मंडली है, और सच्‍चाई की बुनियाद और खम्मा है।

1 तीमुथियुस 3:5

जो अपने टब्बर की अच्‍छे सै देखभाल ना कर सकै है, तौ बौ परमेसर के बिसवासिऔ की मंडली की देखभाल कैसे कर सकैगो?