1 कुरन्‍थियों 10:11 - बुक्सा

¹¹ जे सबई बात इसताँई भई हीं कै हमरे ताँई उदाहरन रैंह। जे हमकै होसिआर कन्‍नै के ताँई लिखी गंई, जो आखरी बखत मै जी रए हैं।

1 कुरन्‍थियों 10:11 Mawu Ofanana

मत्‍ती 13:39

जिस बैरी नै जंगली बीज बोए बौ सैतान है, कटनी दुनिया को अन्‍त है, और काटनै बारे सुरगदूत हैं।

मत्‍ती 13:40

जिस तरै जंगली बीज बटोरकै आग मै जरा देवैं हैं, बैसेई दुनिया के अन्‍त मै होगो।

रोमियो 13:11

तुम लोग जानौ हौ कै नींद सै जगनै को टैम आ चुको है। जिस टैम हमनै बिसवास करो हो, उस टैम के हिसाब सै बी जादा अब हमरी मुक्‍ति धौंरे है।

रोमियो 13:12

रात लगभग बीतई चुकी है, दिन लिकर नैई बारो है, इसताँई हम उन कामौ कै छोड़ दैं जो इन्धेरे के हैं। आऔ हम उज्‍जेरे के औजारौं कै ले लैं।

रोमियो 15:4

पबित्‍तर सास्तर मै जो कुछ पैले लिखो गओ हो, बौ हमकै सिकानै के ताँई लिखो गओ हो कै जो सबर और बढ़ाबो हमकै पबित्‍तर सास्तर मै लिखी भई बातौं सै मिलै है हमकै उस्सै उमीद मिलै है।

रोमियो 4:23

जैसो पबित्‍तर सास्तर मै लिखो है कै, “बिसवास सैई बौ धरमी ठैरो,” जौ बचन सिरप इब्राहिम केई ताँई ना है।

1 कुरन्‍थियों 10:6

जौ बात हमरे ताँई सीक की है कै, हमकै बी बुरी चीजौ को लालच ना कन्‍नो चँईऐ, जैसे उन्‍नै लालच करो हो।

1 कुरन्‍थियों 7:29

हे भईयौ और बहनौ, मैं तुमसै जौ कैरओ हौं, कै बखत कम है, इसताँई जो बिहाले हैं, बे ऐंसे रैह मानौ कै उनको बिहई ना भओ है।

1 कुरन्‍थियों 9:10

हाँ, जौ हमरे ताँई लिखो गओ है। कैसेकै फसल को हिस्सा पानै की उमीद सै जोतनै बारो जोतै, और दबानै बारो दबाऐं।

गलातिऔ 4:24

जा बात को एक मतलब है कै जो जे दो बईयरैं हैं बे दो करारनामे हैं। एक तौ सिने नाम को पहाड़ जिस्सै गुलामई पैदा होवै हैं और बौ हाजिरा है।

फिलिप्‍पीऔ 4:5

तुमरे सबर बारे सौभाब कै सब लोग जान सकैं, कैसेकै परभु आनै बारो है।

इबरानिओ 10:25

और एक दूसरे सै मिलनो ना छोड़िओ जैसो कै भौस्से लोग करै हैं और जैसो तुम जानौ हौ कै मसी के आनै को दिन धौंरेई है। तौ तुम एक दूसरे को हौसला बढ़ाते रैहऔ।

इबरानिओ 10:37

कैसेकै “थोड़ोई बखत रैह गओ है जो आनै बारो है बौ आगो और बौ अबेर ना करैगो।

1 यहून्‍ना 2:18

हे बालकौ, जौ आखरी घड़ी है, और जैसो कै तुमनै सुनो है कै मसी बिरोदी आ रओ है। और अब बी भौस्से मसी बिरोदी आ चुके हैं, इस्सै हम जानै हैं कै आखरी घड़ी आ गई है।