1 कुरन्‍थियों 1:12 - बुक्सा

¹² मेरो कैनै को मतलब जौ है कै तुम लोगौ मै सै कोई कैबै है “मैं पौलुस को हौं” तौ कोई, “मैं अपोलुस को हौं,” और कोई, “मैं पतरस को हौं” तौ कोई कैबै है, “मैं मसी को हौं।”

1 कुरन्‍थियों 1:12 Mawu Ofanana

मत्‍ती 23:8

पर तुम लोगौ सै अपने आपकै गुरूजी मत किब्बइओ, कैसेकै तुमरो सच्‍चो गुरू तौ बस एकई है और तुम सब सिरप भईया और बहन हौ।

यहून्‍ना 1:42

फिर अन्‍दरयास समौन कै ईसु के धौंरे लाओ। ईसु नै बौ देखो और कैई, “तू यहून्‍ना को लौंड़ा समौन है। तू कैफा यानी पतरस कैलागो।”

चेलौ के काम 18:24

अपोलुस नाम को एक यहूदी आदमी हो, जिसको जलम सिकन्‍दरिया मै भओ हो और बौ इफिसुस मै आओ। जौ आदमी गियानी और पबित्‍तर सास्तर कै अच्‍छे सै जानै हो।

चेलौ के काम 19:1

जब अपोलुस कुरिन्‍थुस मै हो तौ पौलुस दूसरे मुलक सै घूम कै इफिसुस मै आओ और बाकै बहाँ कुछ चेला मिले।

1 कुरन्‍थियों 1:11

हे भईयौ और बहनौ, मैंकै खलोए के टब्बर सै पतो लगो है कै तुम लोगौ के बीच मै लड़ाई चल रई हैं।

1 कुरन्‍थियों 15:5

और तबई बौ पतरस कै दिखाई दओ और बाद मै बारैह भेजे भए चेलौ कै दिखाई दओ।

1 कुरन्‍थियों 15:50

हे भईयौ और बहनौ, मैं तुमकै जौ बोल रओ हौं कै, जा धरती को सरीर और खून परमेसर के राज के हकदार ना हो सकै हैं, और नास होनै बारी चीज, ना नास होनै बारी चीज के हकदार ना हो सकै हैं।

1 कुरन्‍थियों 16:12

अब हमरे भईया अपोलुस की बात जौ है कै दूसरे भईयौ के संग तुमरे धौंरे जानै के ताँई मैंनै बासै बिनती करी। पर बाकी जौ इच्‍छा ना ही कै बौ अबी तुमरे धौंरे आय, पर जब बी मौको मिलैगो तौ बौ तुमरे धौंरे जरूर आगो।

1 कुरन्‍थियों 4:6

हे भईयौ और बहनौ, मैंनै अपनी और अपोलुस की बात एक नमूना के रूप मै तुमकै इसताँई सुनाई कै तुम हमरे बारे मै जौ बात सीक सकौ कै, “जो बात लिखी हैं बासै अग्गे ना बढ़िओ।” और तुम हम्मै सै किसी एक के लंग होकै किसी दूसरे की बेजती करकै घमंडी ना बनौ।

1 कुरन्‍थियों 7:29

हे भईयौ और बहनौ, मैं तुमसै जौ कैरओ हौं, कै बखत कम है, इसताँई जो बिहाले हैं, बे ऐंसे रैह मानौ कै उनको बिहई ना भओ है।

1 कुरन्‍थियों 9:5

मैंकै जौ हक है, कै मैं बिसवासी लौंड़िया के संग बिहा करकै बाकै अपने संग ले जांऔ जैसो कै दूसरे भेजे भए चेलौ नै और परभु के भईयौ और पतरस नै करो है।

2 कुरन्‍थियों 10:7

तुमरी नजरौ के सामने जो है तुम उनई बातौं कै देखौ हौ। अगर किसी कै खुद के ऊपर भरोसो होए कै मैं मसी को हौं, तौ बौ जौ बी जान लै कै जैसो बौ मसी को है बैसेई हम बी मसी के हैं।

2 कुरन्‍थियों 9:6

पर जौ याद रखिओ कै जो कम बोबै है, बौ कम काटैगो, और जो जादा बोगो बौ जादा काटैगो।

गलातिऔ 2:9

याकूब, पतरस और यहून्‍ना बिसवासी लोगौ के बीच मै जानेमाने नेता हे। जो किरपा मैंकै परमेसर सै मिली ही जब उन्‍नै बाकै जान लओ तबई मैंकै और बरनबास कै अपनो साती मानो। और बे जा बात मै राजी हो गए कै हम गैर यहूदी लोगौ के धौंरे जांऐ और बे यहूदी लोगौ के धौंरे जांगे।

गलातिऔ 3:17

मेरे कैनै को मतलब जौ है कै परमेसर नै इब्राहिम के संग पैलेई करारनामो करो हो। बाकै पूरो कन्‍नै के ताँई बी बादो करो हो। अब बाके चार सौ तीस साल के बाद मै आए नियम बा करारनामे कै और बादे कै मिटा ना सकै हैं।