1 कुरन्‍थियों 1:1 - बुक्सा

¹ परमेसर की मरजी के हिसाब सै ईसु मसी मै भेजो भओ चेला होनै के ताँई बुलाए भए पौलुस और हमरे भईया सोस्‍थिनेस की ओर सै जौ चिट्‌ठी,

1 कुरन्‍थियों 1:1 Mawu Ofanana

लूका 6:13

फिर जब दिन भओ, तौ बानै अपने चेलौ कै धौंरे बुलाकै, उनमै सै बारैह खास चेलौ कै चुन लओ, और उनको नाम “भेजे भए चेला” रखो।

यहून्‍ना 15:16

तुमनै मैं ना चुनो, पर मैंनै तुम चुने और तुमकै ठैराओ बी है, कै तुम फल लाऔ और तुमरो फल बनो रैह, कै तुम मेरे नाम सै जो कुछ अब्बा सै माँगौ बौ तुमकै देगो।

यहून्‍ना 20:21

और ईसु नै फिर उनसै कैई, “तुमकै सान्‍ति मिलै, जैसे अब्बा नै मैं भेजो हौं, बैसेई मैं बी तुमकै भेज रओ हौं।”

चेलौ के काम 1:15

बा दिन के बाद एक दिन जब कम सै कम एक सौ बीस बिसवासी लोग इखट्‍टे हे, तबई पतरस नै बीच मै खड़े होकै उनसै कैई ही कै,

चेलौ के काम 18:17

तबई सिगरे लोग पिराथना घर के मुखिया सोस्‍थिनेस कै पकड़कै कचैरी के सामने पीटल लगे। पर राजपाल गललिओ नै जा बात की परवा ना करी।

चेलौ के काम 22:21

“परभु नै मैंसै कैई कै, ‘तू जा, कैसेकै मैं तेकै गैर यहूदी लोगौ के धौंरे दूर-दूर तक भेजंगो।’ ”

रोमियो 1:1

जौ चिट्‌ठी ईसु मसी के दास पौलुस की ओर सै है, जो परमेसर दुआरा भेजो भओ चेला बन्‍नै के ताँई बुलाओ है, और उसकी अच्‍छी खबर दैनै के ताँई छाँटो गओ है।

रोमियो 1:10

और रोज अपनी पिराथनाऔ मै बिनती करौ हौं कै किसी तरै सै अब तुमरे धौंरे आनै की मेरी चाहत परमेसर की मरजी सै पूरी हो।

रोमियो 1:5

और मरे भए मै सै जी उठनै सै पबित्‍तर आत्‍मा दुआरा सकति के संग परमेसर को बेटा ठैराओ गओ, और बौ हमरो परभु ईसु मसी है।

1 कुरन्‍थियों 15:9

कैसेकै मैं भेजे भए चेलौ मै सबई सै छोटो हौं, पर भेजो भओ चेला बन्‍नै के लायक ना हौं, कैसेकै मैंनै परमेसर के बिसवासिऔ की मंडली के लोगौ कै सताओ हो।

1 कुरन्‍थियों 3:9

कैसेकै हम परमेसर की सेवा मै साती हैं, पर तुम परमेसर की खेती और परमेसर के घर हौ।

2 कुरन्‍थियों 1:1

परमेसर की मरजी सै मसी ईसु को भेजो भओ चेला मैं पौलुस और तीमुथियुस दौनौ की ओर सै परमेसर के उस बिसवासिऔ की मंडली के ताँई जो कुरन्‍थी मै हैं और अखाया के सिगरे इलाके के बिसवासी लोगौ कै जौ चिट्‌ठी लिख रओ हौं।

2 कुरन्‍थियों 11:5

तुम जिनकै बड़ो भेजो भओ चेला समजौ हौ, उनसै मैं खुद कै कम ना समजौ हौं।

2 कुरन्‍थियों 12:12

एक सई भेजे भए चेला की सिगरी खूबी कै, मैंनै सबर के संग, चिन्‍न, बड़े-बड़े काम और सकति बारे काम कै तुमरे बीच मै दिखाओ है।

2 कुरन्‍थियों 8:5

हमकै जैसी आस उनसै ही, उस्सै बी बढ़कै उनौनै करो। उनौनै पैले खुद कै परभु कै दओ फिर परमेसर की इच्‍छा के हिसाब सै हमकै दओ।

गलातिऔ 1:1

गलातिया के बिसवासिऔ की मंडलिऔ कै मैं पौलुस की ओर सै और मेरे संगी बिसवासी भईयौ और बहनौ की ओर सै जौ चिट्‌ठी लिख रओ हौं। मैं ना तौ किसी आदमी की ओर सै और ना लोगौ की ओर सै भेजो भओ हौं, पर ईसु मसी और पिता परमेसर के दुआरा भेजो भओ चेला हौं। और पिता परमेसर नै मसी ईसु कै मरे भएऔं मै सै जिन्‍दो करो।

इफिसिऔ 1:1

पबित्‍तर लोगौ और मसी ईसु मै सच्‍चे बिसवासिऔ के नाम जो इफिसुस सैहर मै रैहबैं हैं, मैं पौलुस जो परमेसर की मरजी सै मसी ईसु को भेजो भओ चेला हौं, जौ चिट्‌ठी लिख रओ हौं।

इफिसिऔ 4:11

बानै कुछ लोगौ कै भेजो भओ चेला बनाओ, और कुछ लोगौ कै नबी, और कुछ लोगौ कै अच्‍छी खबर कै सुनानै बारे, और कुछ लोगौ कै परमेसर के बिसवासिऔ की मंडली कै देखभाल कन्‍नै बारे, और कुछ लोगौ कै सिकानै बारे को बरदान दओ।

कुलुसिऔं 1:1

जौ चिट्‌ठी पौलुस की ओर सै जो परमेसर की मरजी सै ईसु मसी को भेजो भओ चेला है, और हमरे भईया तीमुथियुस की ओर सै,

1 तीमुथियुस 1:1

जौ चिट्‌ठी पौलुस की ओर सै तीमुथियुस के ताँई है, जो बिसवास मै मेरो सच्‍चो बालक है। मैंकै ईसु मसी को भेजो भओ चेला बन्‍नै को हुकम, हमकै मुक्‍ति दैनै बारे परमेसर की ओर सै और परभु ईसु मसी की ओर सै मिलो है, जिसके ऊपर हम आस रक्‍खै हैं। हमरे परम पिता परमेसर और परभु ईसु मसी की ओर सै तुमकै आसीस, दया और सान्‍ति मिलै।

1 तीमुथियुस 2:7

जाई बजै सै मैंकै परचार कन्‍नै के ताँई भेजो भओ चेला बनाओ है। मैं सच कैरओ हौं, झूँट ना बोल रओ हौं। मैंकै गैर यहूदी लोगौ के बिसवास और सच्‍चाई कै सिकानै के ताँई गुरूजी बनाओ गओ।

2 तीमुथियुस 1:1

जौ चिट्‌ठी पौलुस की ओर सै है जो परमेसर की मरजी सै परभु ईसु मसी को भेजो भओ चेला हो और जिसकै ईसु मसी मै जिन्‍दगी पानै बारे बादे के परचार कन्‍नै के ताँई भेजो हो।