Vatomwe 18:17 - Sudest

¹⁷ Mbaŋa ubotu moli ghanlithɨghɨ va i vutha, na len vwenyevwenyeko bigibiginiye wolaghɨye thiya ghawevao.’ “Waŋga gharauluuluko wolaghɨye, weinjiyaŋgiya waŋgako gharathatha na gharakakaiwo, na thiye lenji mani le ghamba mena thɨ kaiwo e njighɨ, mbe thɨ ndeghathɨ bwagabwaga moli.

Vatomwe 18:17 Mawu Ofanana

Jona 1:6

Waŋgako ghakapɨtan i nja na ve vaidi na i dagewe iŋa, “Ko iya ŋgoroŋga mbe len ghenaeŋge e waŋgako tɨne? U thuweiru na wo u naŋgo weya len loi. Mbwata ne ghare inja weinda na ma valɨkaiwae raya mare.”

Vakatha 27:11

Ko iyemaeŋge ragagaithɨ lenji randeviva mava i goru weya Pol le utuko, vambe i goruwe vara waŋgako ghakapɨtan na waŋgako tanuwagae lenji utu.

Vatomwe 17:12

“Sokisokina yaworo iya mo thuwena thɨ methɨ kiŋ theyaworo, na amba ma ghanjimbaŋa thɨ mbaro, ko iyemaeŋge ne thɨ wo vurɨgheghe na thɨ tabo kiŋ na thɨ mbaro weinji thetheghan mbwanjam ma mbaŋa ubotu moli.

Vatomwe 17:16

Na sokisokiko iya mo thuweŋgi hoyaworoko, ne weinji thetheghan mbwanjamɨma thɨ thɨghɨyawana wevo rayathiyathimama. Ne thɨ vakowana na thɨ bigivao le bigibigi na thɨ roitete bukabuka. Ne thɨ ghana riwae na thɨ ŋambuyathu e ndɨghe.

Vatomwe 18:19

Amba thɨ yathuvoreŋa vugha e umbalinji, na thɨ randa laghɨye thɨŋa, ‘O tharɨ! O tharɨ! Babilon, ghemba idae laghɨye, waŋgako tatanuwagae wolaghɨye thɨ vaidiya lenji bigibigi lemoyo moli e len vwenyevwenyena tɨne. Mbaŋa ubotu moli e tɨne, len bigibigina wolaghɨye thiya ghawevao!