Toto Thovuye Utuniye Mak Le Rorori 16:1 - Sudest

¹ Jiu lenji Sabat iko na e ghereiye Meri tɨnan Magadala, Meri Jemes tɨnae na Salome va thɨ vamoda bunama butiye laghɨye na i thovuye. Nuwanjiya thɨ wa na vethɨ varuvo Jisas riwaemawe.

Toto Thovuye Utuniye Mak Le Rorori 16:1 Mawu Ofanana

Toto Thovuye Utuniye Mak Le Rorori 14:3

Jisas ina Betani Saimon ele ŋgolo. Amalake iyake va i ghataŋa lepelo. Mbaŋa Jisas i ghanɨŋga weiyaŋgi wevo eunda i menawe, i thɨna bodɨla alabasita vwarara bunama inawe. Bunamake iyake idae nad na modae laghɨye moli. I mwanabeba bodɨlako numwe kaero i liŋgiya bunamako Jisas e umbaliye.

Toto Thovuye Utuniye Mak Le Rorori 14:8

Kaiwae me vakatha budakaiya me valɨkaiwae, kaero me varuvuŋgo amba muyai ne mbaŋa i mena beku kaiwae.

Toto Thovuye Utuniye Mak Le Rorori 15:40

Elaela vavana va inanji gheko. Vambe thɨ ndeghathɨ bwagabwaga na thɨ njimbukikiya Jisas. Inanji e tɨnenji Meri tɨnan Magadala, le ghaida Meri Jemes vamba iyovole eŋge na Joses tɨnanji na Salome.

Toto Thovuye Utuniye Mak Le Rorori 15:42

Vama yeghɨyeghɨye na kaiwae mbaŋa ghamba vivatha Sabat kaiwae,

Toto Thovuye Utuniye Mak Le Rorori 15:47

Meri tɨnan Magadala na Meri Joses tɨnae thɨ njimbukiki na thɨ thuwe wagiyawe aŋga methɨ woraweya Jisas riwae.

Toto Thovuye Utuniye Mak Le Rorori 16:2

Vambe mbaŋambaŋa e Sande, varae vama i yovoro amba thɨ wa e ghabubuko.

Toto Thovuye Utuniye Mak Le Rorori 16:8

Thɨ rakaraŋgi na thɨ voiteta ghabubuko weinji lenji mararu na lenji gharelaghɨlaghɨ laghɨye. Ma vethɨ ndeutu mun weŋgiya gharɨgharɨ kaiwae thiya mararu.

Toto Thovuye Utuniye Luk Le Rorori 23:54

Iyako va Pɨraide na vama mbaŋa ubotu eŋge kaero Sabat.

Toto Thovuye Utuniye Luk Le Rorori 23:56

Amba thɨ njogha e ghemba na vethɨ vivathaŋgiya merisin bunama butinji thovuye Jisas riwaeko kaiwae. Sabat e tɨne thɨ towowe ŋgoreiya lenji mbaro le woraŋgiya.

Toto Thovuye Utuniye Luk Le Rorori 24:1

Sande vambe mbaŋambaŋa moli, wanakauma thɨ wa e ghabubuko, thɨ bigiya bunamama menda thɨ vivatharawema.

Toto Thovuye Utuniye Jon Le Rorori 19:25

Va thɨ ndeghathɨ Jisas e ghakros ghadidiye, tɨnae Meri na ghaghae, Meri Klopas levo na Meri tɨnan Magadala.

Toto Thovuye Utuniye Jon Le Rorori 19:31

Amba Jiu lenji randeviva thɨ naŋgo weya Pailat thɨŋa, “U vatomwe weŋgi na thɨ bebeya amaamalako thɨ kwatekwate e krosɨko gheghenji na thɨ biginjaniya riwanjiko.” Iyako Pɨraide, mbaŋa ghamba vivatha Jiu ghanjimbaŋa laghɨye Sabat kaiwae, na ma nuwanjiya riwaŋgiko thɨ yaku e krosɨko e ghanjimbaŋa kururuko. Iyako ghanjimbaŋa laghɨye regha.