Toto Thovuye Utuniye Luk Le Rorori 11:9 - Sudest

⁹ “Iya kaiwae ya dage e ghemi: Hu naŋgo na Loi i giya weŋga; hu tamwe na hu vaidi; hu dɨghɨdɨghɨ na thɨnɨmba i vu weŋga.

Toto Thovuye Utuniye Luk Le Rorori 11:9 Mawu Ofanana

Matiu 21:22

Thoŋgo hu loŋweghathɨ, the bigiya ne hu naŋgo weya Loi ne hu vaidi.”

Matiu 21:31

Thenjighewoko, thela i vakatha ŋgoreiya ramanji le renuwaŋa?” Thɨŋa, “Iya virɨvivama.” Jisas i dage weŋgi iŋa, “Ya dage emunjoru e ghemi, takis gharamban na wanakau thɨ mbana riwanji modae, thiye hu rerenuwaŋa kaero thɨ vurɨmban Loi le ghamba mbaro e ghakamwathɨ. Valɨkaiwanjiya ne thɨ ru ko iyemaeŋge ghemi mane hu ru.

Matiu 6:29

Ko ya dage e ghemi, othembe Kiŋ Solomon, le bigibigi va i ghanagha moli, ghakwamakwama thovuthovuye moli, mava ghanjiyamoyamo ŋgoreiye vara jinɨke thiyake regha.

Toto Thovuye Utuniye Mak Le Rorori 11:24

Iya kaiwae ya dage e ghemi: Mbaŋa ne hu naŋgo weya Loi na hu naŋgowe bigi regha kaiwae, hu loŋweghathɨ emunjoru ne hu vaidi. Thoŋgo hu vakatha ŋgoreiye, Loi ne i wogiya weŋga.

Toto Thovuye Utuniye Mak Le Rorori 13:37

Budakaiya ya utuveŋga tembe ŋgoreiyeva ya utuveŋgiya gharɨgharɨke wolaghɨye: Hu njaŋanjaŋa!”

Toto Thovuye Utuniye Luk Le Rorori 11:10

Kaiwae thela thoŋgo i naŋgowe ne i wo, thela thoŋgo i tamwe ne i vaidi, na thela thoŋgo i dɨghɨdɨghɨ thɨnɨmba ne i mavuwe.”

Toto Thovuye Utuniye Jon Le Rorori 14:13

Na budakaiya ne hu naŋgo e idaŋgu ne ya vakatha mbala lo vakathako e tɨne i vakatha gharɨgharɨ thɨ thuwe Bwebwe iye ravwenyevwenye.

Toto Thovuye Utuniye Jon Le Rorori 15:16

Ghemi mava hu tuthiŋgo, ko ghino eŋge va ya tuthiŋga, ghamikaiwo hu raka vohu rau, na unemiko i meghabana. Amba ne budakaiya hu naŋgo weya Bwebwe e idaŋgu ne Bwebwe i giya weŋga.

Toto Thovuye Utuniye Jon Le Rorori 15:7

Thoŋgo hu yaku e ghino na lo utuke i yaku e ghemi, ambane hu naŋgo weya thebigiya nuwamiya ne hu vaidi.

Toto Thovuye Utuniye Jon Le Rorori 4:10

Jisas i gonjoghawe iŋa, “Thoŋgo u ghareghare Loi le giya e ghen na thela iya i naŋgo mbwana e ghen, mbala mo naŋgowe na i giya mbwa e yawayawaliye e ghen.”

Rom Lenji Leta Pol Le Rorori 2:7

Gharɨgharɨ vavana thɨ rorovurɨgheghe vakatha thovuye kaiwae, kaiwae nuwanjiya Loi i taraweŋgi, i wovavwenyevwenyeŋaŋgi na i giya yawalɨ memeghabananiye weŋgi. Loi iye i giya yawalɨ memeghabananiye.

2 Korinita 6:2

Kaiwae Loi iŋa: “Wo mbaŋa thovuye e tɨne iyava ya woraweya lo renuwaŋa, ya loŋweya len naŋgo na va ya gharevɨrɨŋaŋge. Na ya thalavuŋge e mbaŋako iyako va i vutha iya ya vamoruŋge.” Wo hu vandeŋe! Mbaŋake iyake Loi le gharevɨrɨ ghambaŋa, noroke iye le vamoru ghambaŋa.

Hibru 11:6

Thoŋgo ma e la loŋweghathɨ Loi mane i warari kaiwanda. Kaiwae thela thoŋgo nuwaiya i mena weya Loi, wo i loŋweghathɨ Loi inawe na Loi i giya modae thovuye weŋgiya thavala thɨ tamwe.

Hibru 4:16

Mbema weindaeŋge la gharematuwo ra wa weya Loi vurɨvurɨghegheniye, iye ragharemwaewo. Na thoŋgo e ghandavuyowo, iye ghare ne i njaweinda na weiye le mwaewo bwagabwaga i thalavuinda.

Jemes 1:5

Ko thoŋgo ghemina regha le thimba i kwarawe, valɨkaiwae i naŋgo weya Loi na i giyawe, kaiwae Loi iye ragiyabwagabwaga gharɨgharɨke taulaghɨke weinda. Na mane i giya weiye ghamimonjina.

Jemes 5:15

Thoŋgo lenji naŋgo weiye lenji loŋweghathɨ, Giya ne i vamoru na i vaŋguthuweiru. Na thoŋgo ele tharɨ Loi ne i numoten.

1 Jon 3:22

na ne i vamboromboroŋa weinda budakaiya ne ra naŋgowe kaiwae ra ghambugha le mbaro na ra vakatha thanavuko iya amalaghɨniye i warari kaiwaeko.

Vatomwe 2:24

Ko iyemaeŋge ghemi Tayataira, thavala ma hu goru weya le vavaghareko raitharɨ iyako, na mava hu vakatha iya vavana thɨŋako, ‘Seitan le renuwaŋa thuwethuweleniye,’ ya dage e ghemi ma tene ya giyava ghamivuyowo regha, mbema yaŋa eŋge ŋgoreiyake: