Toto Thovuye Utuniye Jon Le Rorori 4:19 - Sudest

¹⁹ Elama iŋa, “Amalana, kaero ya thuweŋge, Loi ghalɨŋae gharautu ghen.

Toto Thovuye Utuniye Jon Le Rorori 4:19 Mawu Ofanana

Matiu 21:11

Wabwima thɨ gonjogha weŋgi, thɨŋa, “Loi ghalɨŋae gharautu, Jisas, i mena Nasaret, Galili ghembaniye regha.”

Toto Thovuye Utuniye Luk Le Rorori 24:19

I vaitoŋgi, iŋa, “Ko the bigibigi?” Thɨ gonjoghawe thɨŋa, “Bigibigike iya menda thɨ yomara weya Jisas rara Nasaret. Amalake iyake iye va Loi ghalɨŋae gharautu. Iye va i vurɨgheghe ele vakatha na ele utu Loi na gharɨgharɨko wolaghɨye e maranji.

Toto Thovuye Utuniye Luk Le Rorori 7:16

Taulaghɨko weinji lenji mararu laghɨye na thɨ taraweŋa Loi thɨŋa, “Loi ghalɨŋae gharautu laghɨye regha kaero menda i yomara e tɨnendake. Loi kaero i mena i thalavuŋgiya le gharɨgharɨ.”

Toto Thovuye Utuniye Luk Le Rorori 7:39

Mbaŋa Parisiko, iya me naŋgomawe na i ru ele ŋgoloko, i thuwe iyako, i dage weya mbe ghamberegha iŋa, “Thoŋgo amalake iyake iye Loi ghalɨŋae gharautu, mbala i ghareghare the wevo iya i vɨvɨghathɨkowe na the wevo elaghɨniye, kaiwae elaghɨniye rayathiyathima.”

Toto Thovuye Utuniye Jon Le Rorori 4:18

Ko emunjoru iyake: va u vaŋguŋgiya ghɨmoghɨmoru theghelimana, ghɨmoru na iya weina e mbaŋake iyake ma len ghɨmoru. Emunjoru iya moŋana.”

Toto Thovuye Utuniye Jon Le Rorori 4:29

“Wo hu rakamena na vohu thuwe amala regha, me utugiyavao weŋgo bigibigima wolaghɨye va ya vakathaŋgi na i rereya. Mbwata mbema Mesaiya amalaghɨniye?”

Toto Thovuye Utuniye Jon Le Rorori 6:14

Mbaŋa thɨ thuwe le vakathako ghamba rotaele iyako thɨŋa, “Mbema emunjoru, amalaghɨniye Loi ghalɨŋaema gharautu, iya bukuma i woraŋgiya, ne i njama e yambaneke.”

Toto Thovuye Utuniye Jon Le Rorori 7:40

Gharɨgharɨ vavana e wabwiko tɨne, mbaŋa thɨ loŋwe Jisas i utuŋa ŋgoreiyako thɨŋa, “Mbema emunjoru amalake iyake Loi ghalɨŋaema gharautu.”

Toto Thovuye Utuniye Jon Le Rorori 9:17

Iya kaiwae Parisi mbowo thɨ vaitova amalama thɨŋa, “Ŋgoroŋga ghen len renuwaŋa iya loloko me vakatha maramaranɨna thɨ thovuye kaiwae?” I gonjogha weŋgi iŋa, “Iye Loi ghalɨŋae gharautu regha.”