Toto Thovuye Utuniye Jon Le Rorori 18:8 - Sudest

⁸ Jisas i gonjogha weŋgi iŋa, “Kaero ma dage weŋga maŋa mbema iya ghinokeni. Thoŋgo hu tamweŋgo, hu viyathuŋgiya thiyake thɨ rakawa.”

Toto Thovuye Utuniye Jon Le Rorori 18:8 Mawu Ofanana

Matiu 26:56

Bigibigike wolaghɨye thiyake thɨ yomara na thɨ vaemunjoruŋa budakaiya Loi ghalɨŋae gharautu va thɨ rori Buk Boboma e tɨne.” E mbaŋako iyako gharaghambu thɨ voiteteŋa.

Toto Thovuye Utuniye Jon Le Rorori 10:28

Ya giya yawalinji memeghabananiye na mane thɨ mare. Mane lolo regha i unɨghɨ kavɨ regha e ghino.

Toto Thovuye Utuniye Jon Le Rorori 13:1

Vama mbaŋa regha eŋge kaero Thaga Valaŋani ghambaŋa Jisas vama i ghareghare kaero ghambaŋa i iteta yambaneke na i njoghawe Ramae. Vambe ghare weŋgi vara gharaghambu inanji e yambaneke, na vambe i gharethovuŋgi vara ghaghada ve mare.

Toto Thovuye Utuniye Jon Le Rorori 13:36

Saimon Pita i vaito iŋa, “Amalana, aŋga u wa?” Jisas i gonjoghawe iŋa, “Mbaŋake ma valɨkaiwan ne u mbeleŋgo na u mena e valɨvaŋgako iya ne ya wakowe, ko iyemaeŋge mbaŋa muyai tene u mbeleŋgo.”

Toto Thovuye Utuniye Jon Le Rorori 16:32

Mbaŋa maiya i menamenake na kaero ina gheke. E mbaŋako iyako taulaghɨna ghemi ne hu rakavo, tomethi e ghambaghambami na ne hu iteteŋgo womberegha moli. Ko iyemaeŋge ma womberegha kaiwae Bwebwe mbe iya weiŋguke.”

Toto Thovuye Utuniye Jon Le Rorori 18:7

Mbowo i vaitoŋgiva iŋa, “Nuwamiya thela?” Thɨŋa, “Jisas rara Nasaret.”

Toto Thovuye Utuniye Jon Le Rorori 18:9

Iyake i yomara na i vaemunjoruŋa amalaghɨniye ghalɨŋae, va iŋa, “Ma ya ndethɨvai mun regha iyava u giyake e ghino.”

1 Korinita 10:13

Tanathethako iya hu vavaidiko mbema ŋgoreiya gharɨgharɨ thɨ vavaidi mbaŋake wolaghɨye. Valɨkaiwae moli hu vareminja Loi, kaiwae iye ma mbaŋa regha i vatomwe na ghamitanathetha i kivwalaŋga. Kaiwae mbaŋa ne hu vaidiya tanathetha, Loi ne i thalavuŋga na i vatomweya vo kamwathɨniye regha, na mbala hu ghataŋaghathɨ ghamitanathethanawe.

2 Korinita 12:9

Ko iyemaeŋge i dage e ghino iŋa, “Lo mwaewo i vamboromboro bigibigike wolaghɨye mbe i vurɨvurɨgheghe eŋge vara weŋgiya thavala thɨ njavovo.” Le utuutuko iyako kaiwae ya warari laghɨye ya wovorevoreŋaŋgo lo njavovo kaiwanji, na mbala gharɨgharɨ ne thɨ thuwe Krais le vurɨgheghe i yaku e ghino.

Epesas 5:25

Ghemi ragheghe ghɨmoghɨmoru mbe hu gharethovu weŋgiya lemi ovo ŋgoreiya Krais va i gharethovu weya ekelesiya na i vatomweya yawaliye kaiwae.

1 Pita 5:7

Ghamivuyowoŋgina wolaghɨye hu bigirawe, kaiwae mbe ghare vara weŋga.