1 Jon 1:10 - Sudest

¹⁰ Thoŋgo ra utu na raŋa, “Ghino ma ya vakatha mun tharɨ,” kaero ra wovakwanɨkwanɨŋa Loi, na ma ra wovatha le utu na i yaku weinda.

1 Jon 1:10 Mawu Ofanana

1 Jon 1:8

Thoŋgo ghandamberegha ra utuŋainda na raŋa ma e la tharɨ, tembe ghandambereghava ra yaroinda, na utu emunjoru ma ina weinda.

1 Jon 5:10

Thela thoŋgo i loŋweghathɨgha Loi Nariye, kaero i ghareghare Loi le utuutuko iyako i emunjoru moli. Ko thela ma i loŋweghathɨgha Loi le utuutuko, iye kaero i wovakwanɨkwanɨŋa Loi kaiwae Loi le uturaŋgiya Nariye kaiwae ma i loŋweghathɨ.

1 Jon 2:4

Thoŋgo lolo regha iŋa, “Ya ghareghareya Loi,” ko iyemaeŋge ma i ghambugha le mbaro, iye rakwan na utu emunjoru moli ma inawe.

2 Jon 1:2

Wo gharethovuŋga kaiwae wo ghareghare utu emunjoru kaero ne i meghabana weinda mbaŋake wolaghɨye.

1 Jon 2:14

Gamagai, ya roriya utuutuke iyake e ghemi, kaiwae Ramami e buruburu kaero hu ghareghare wagiyawe. Amaamala, ya roriya utuutuke iyake e ghemi, kaiwae Krais, vama inawe ŋgorava i rikowe, kaero hu ghareghare amalaghɨniye. Thegha, ya roriya utuutuke iyake e ghemi, kaiwae hu vurɨgheghe. Loi le utu i yaku e ghemi na loloke raitharɨ Seitan kaero hu kivwala.

Kolose 3:16

Mbaŋake wolaghɨye mbe hu rerenuwaŋa Krais utuutuniye. Weiye lemi thimbana wolaghɨye hu vavaghare na hu vavurɨghegheŋga regha na regha. Na mbaŋa hu wothuŋaŋgiya sam, kururu ghawothu na wothu vavanava ŋgoreiya Nyao Boboma le woraŋgiya e ghemi e gharemina hu vata ago weya Loi.

1 Jon 4:4

Ko iyemaeŋge lo ŋgaŋga, ghemi Loi le gharɨgharɨ, Loi ghalɨŋae gharautu kwanɨkwanɨŋgi kaero hu vurɨgheghe kivwalaŋgi, kaiwae Nyaona iya inana e ghemi i vurɨgheghe moli i kivwala nyaona ina weŋgiya gharɨgharɨ e yambaneke.

Toto Thovuye Utuniye Jon Le Rorori 3:33

Ko thela thoŋgo i wovatha le utuko, i wovaemuemunjoruŋa na iŋa Loi mbema emunjoru moli.