ZAKINIU 7:24 - Sumi Naga CL (Re-edited) Bible (BSI)

²⁴ Pa no panow kükami pesü nongu tsüve nani eno nongu no atsütsü qholono pano je pühave tsü nani. Khunomu nongu sasü kumjo lumo nani.

BAIBEL (BSI)

²⁴ Pano panoqo shou kukamiqo pesu no kuka qholo suvetsu nani. Khunomu nongu lakhamla kepu shive nani; nonguno kumtsu kutsave nanike.

ZAKINIU 7:24 Mawu Ofanana

LESHELE 9:5

Nono shiyeqo lomipi; Nono küsaküghami pühave tsüe; Nono alhokupuju eno alholo panoqo je nuxave tsüe.

IPEKULU 17:14

Tithiu Ampeu no Moses vilo pi, “Kümsümamo kepu shi hipau kaku lo yepe qhilo, ti ye atsütsü qholo Amalekmi kümsümave penike I no qhoi pühave tsü nanie pi Joshua kini lo hipau pisü tsülo.”

AHOLE 10:7

Amikuchomi no kümsükulu akeu ye kükümgha ke, ikemu kixikilami je ye pai hauve cheni.

ISAIAH 54:17

Kiu ghünanu mu o ghüzamla nani; eno atsa kükügha lo o nguku kemi kümtsü shou nono ghechilelu nani. Hi ye Ampeu qemi mheghi ke, eno I launo ighi keu xaphekulupu küka ke, ipi Ampeu no piani.

JEREMIYA 10:11

Ikehu nono panongu vilo ishi pini: “Atsütsü eno ayeghi lhomo keu lhouqo ye atsütsü qholo eno ayeghi lono pühave nani.”

ZEFANIA 1:4

“I no Judah ngo Jerusalem lo küami shou I u chhopuku nani; hipa-a lono I no Baal kümlla eno asü-atu chinemi kütsave nani,

Rommi 8:37

Moe, Khuu no ningu kimiye cheni keno Pa vecheo ningu ye hi kümtsü lo aghütomi nguno alau tokulupu ani.

1 Kor. 15:57

Ikemu Alhou khuu no ni Mpeu Jisü Khristo vecheo tokulu ningu tsü keno Pa shikimthi.

ZAKINIU 11:25

Khunomu nongu shoqamla nani. Ampeu nongu Lhou no tushoqhi ketoi, nongu no khile wu keno, kümtsü lo timi pelo nongu msape nani.

ZAKINIU 25:19

Tighenguno, kughou Ampeu Alhou no nongu mheghi shitsü akeu yeghi lo nongu no ngoluve eno no sükümxa lo akemi launo akulho qhiluni keno, nongu ye ayeghi lono Amalekmi shipühaveni; hi kümsüma kevilo.

ZAKINIU 29:20

Ampeu ye titoi kemi kipimi qhitsümo nani, Pa mlo kighide ngo anhekushu no pa shou ikughi nani, kaku hipau lo müsüini keu kümtsü pa shou pukutsü nani, eno atsütsü qholono pa je ikhivetsü nani.

ZAKINIU 9:14

I lakha kevilo, Ni ye panongu kütsave no atsütsü qholono panongu je pühave tsüniae. Tithiu no I no o pesü panongu nguno shiye kuloghi eno akumtou shitsüni.’

ZAKINIU 9:3

Tighenguno ishi tsala lo hi ithilo, khuu amiküqü toi nongu züu cheni keno, Pa ye Ampeu nongu Lhou ke. Pa no nongu zülono panongu kütsave no qhasüve nani. Pa no nongu vilo piqhive ketoi, nongu no panoqo hapheve no paikhavi püghave nani.

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

JOSHUA 10:23

Panongu no tishive eno Jerusalem, Hebron, Jarmuth, Lachish ngo Eglon kükamiqo khalau saipeghi no

JOSHUA 10:40

Ikehu Joshua no tipaqha kümtsü leluve; ato lo aphughiqo eno qhaike yeghi, naghuto pukhu qha eno akhila ngo tipaqha lo kükami kümtsü leluve. Pa no timi lakhimu qhimono, atuthu she akeqo thaqhü pithive; ti ye Ampeu Alhou no azah tsükeu kiqi lono ke.

JOSHUA 10:42

Joshua no ghuthu khavino kükami hipaqo eno pano yeghi kümtsü leluve, kughengu Ampeu Israel Lhou no Israel züqhushi aghüshi tsüke.

JOSHUA 10:8

Ampeu no Joshua vilo pi, “Panongu msa kevilo, I no panoqo pesü o u lo süve tsüae. Panongu lakhimu o zülo puthugho lumo nani.”

JOSHUA 11:17

Seir küdau kujosü iqho akeu, Halak naghuto lono Hermon nguno apeu Lebanon khila lo Baal-gad kutolo. Pa no tipaqo lo kükami kümtsü küghaluve no ghiqhi pithi khave.

JOSHUA 12:24

Tirzah kükau, lakhi; kükami kümtsü küqha kelo shighi lakhi.

JOSHUA 21:44

Ampeu no pano puasü lau piqhi püake toi panongu pelo akulho qhilupe. Pano ghümi lakhi nomu pano zülo puthugho mlae, kughengu Ampeu no aghümi kümtsü Israelmi u lo süve tsüke.

JOSHUA 23:3

Nongu Lhou Ampeu no nongu ghenguno shiye hi kümtsü lau kiu shi keno nongu no ithuluvae, kughengu Ampeu nongu Lhou no nongu züqhushi aghüshi tsüke.

JOSHUA 23:9

Kughengu nongu nhethe lono Ampeu no kije eno akumto shiyeqo haphevae. Eno ishi kutolo khunomu nongu zülo puthugho lumphie.

JOSHUA 6:2

Ampeu no Joshua vilo pi, “Julo, I no Jericho ngo tile akükau eno aghütomi pesü o u lo süvae.