ZAKINIU 6:12 - Sumi Naga CL (Re-edited) Bible (BSI)

¹² nongu ye Ampeu khuu Egypt lo aqüaxe lono nongu saipeghi keno, Pa kümsümave nosake tsükhüi lo.

BAIBEL (BSI)

¹² AMPEU khuno Ijip khilehi nonguye aqemi shi ache keno, tipau lono nongu xaphelu keno pa phevemo kepushi mutsumishei shilulo.

ZAKINIU 6:12 Mawu Ofanana

KUKAMI AKINIU 17:36

ikemu nongu ye Ampeu khuu no aküka akumto kije lono, eno Pa u sükhope nongu sasü Egypt lono ipeghi keno, Pa sümsani. Nongu ye Pa zülo pishiqhoni, eno aghashipe Pa tsüni.

KUKAMI AKINIU 17:38

eno I no nongu sasü puloshoqhi shikeu kümsüma kevilo. Nongu ye kütau lhouqo sümsa kevilo,

JOB 8:13

Alhou kümsümave kemi laghi ghi tipaphie, Alhou kümthami lajupu ye hauve nani.

LESHELE 103:2

Ampeu sheqhelo, O I ngulho, eno Paw kükümghaqo kümsüma kevilo.

LESHELE 44:17

Ningu ye O kümsüma mphi, eno Ow puloshoqhi lo kichile shive mphi keghi, hi kümtsü ni shou ikughivae.

LESHELE 59:11

Panoqo pithi kevilo, tikumo aye Iw timi no kümsümave nani; O küka pesü panoqo haküghütsüve no kuluqhive lo, O Ampeu ni züto!

LESHELE 78:7

Tileno panongu no panow pükhükibe Alhou lau qhilu nani Alhou kümla kümsüma monani, eno Pa zakütsüqo papelu nani;

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

AHOLE 30:9

tikumo aye ni ye kutomo auve no O milive ghi, “Ampeu ye Khuu kea?” ipilu nosa, momu ni ye kumlhomi shive no püka püzü I Lhou je shikuchhubelu nosae.

ISAIAH 17:10

Kughengu nono o xakulupu Lhou pheve eno o kighijepu Tuqu kümsüchile lumove; tighenguno, nono asübo kivi eno inami tsaibo loka shosü aghina,

ISAIAH 51:13

eno pa ye pa lhokeu Ampeu kümsümave ake, atsütsü sükhope qhikeu eno ayeghi boqha qhakeu ye Pa ke, kushiye nongu ye aküxü kupuju msa acheni, nongu ghimeqhi kemi no axuide keu eno kütsale nike kuto akeu msa cheni kea? Nongu ghimeqhi chekemi xukighide khilehi ani kea?

JEREMIYA 34:13

“Israel Lhou, Ampeu no ishi piani: Ni ampi no Egypt kughuki lono no puasüqo saipeghi kelono panongu sasü puloshoqhi shino pi,

HOSIYA 2:13

Baal ghulhu tsalaqo lo li no akümllagho pitipe tsü, anguthi ngo achiku no ananu shino alojipumi papewu, eno I kümsümave kehu I no li ghime nani, ipi Ampeu no asheshu.

AKIKIHI 15:39

Ti no nongu pelo Ampeu zakütsü kümtsü kümsüchile luno pelupe nani, tishikeu lono nongu ye I launo tsüghüsü wuve no kütüqhami shiuve monani.

ZAKINIU 32:18

Panongu ye pano tuchophe keu Tuqu lau amlo tsümoe, eno pano punu keu Lhou kümsümave.

ZAKINIU 4:23

Ikehu kutokupui lo, tikumo aye nongu ye Ampeu nongu Lhou no nongu sasü puloshoqhi shikeu pheve no Ampeu nongu Lhou no shi kevilo pikeu julho mlano mllauve nosae.

ZAKINIU 4:9

“Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

ZAKINIU 8:10

Nongu no chuno apo sünheilu nani eno tileno Ampeu nongu Lhou no aghüma yeghi nongu tsüke ghenguno Pa shikimthi nani.

Kolosiami 2:8

Khristo kükütsü ghola kumono timi süqe kighithi, abokümsa pishikiqhi, timi no pekishe chekeu khuaye momu tsütsü yeghi ghawu no nongu tshüluve pemoni ke jukuto lo.

XAKUTHAMI 2:12

Panongu no Ampeu pano puasü Lhou, khuu no Egypt lono panongu saipeghi keno, Pa pheve. Panongu ye alhou kütauqo phuwuve, eno timi kütami khunoqo pano sümxape ache keno, tipaqo lhou mllauve. Tishikeu lono panongu no Ampeu mlo shikighide tsüe.