ZAKINIU 32:35 - Sumi Naga CL (Re-edited) Bible (BSI)

³⁵ Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’

BAIBEL (BSI)

³⁵ AMPEU no amkhulu nani eno pano ghime nani; ikiqiveni keu do ighi nani; panoqo puhaveni keu tsala kupunuvae.

ZAKINIU 32:35 Mawu Ofanana

BOTHUBO 4:23

Lamech no pa nipu pama vilo pi: “Adah ngo Zillah, I tsa inilo; Lamech nipu nokujo, I no kiu pi keno inilo: timi lakhi no I ghüza ke, apumi lakhi no I heve kehu I no pithivae.

SAMUEL AKINIU 22:48

I Lhou no I mkhü lutsü, I qholo ashiaye akeqo Pa no ghasü tsü,

KUKAMI AKINIU 9:7

No ye Ahab o mpeu kibolomi heqhive masae, tishikeu lono Jezebel no pithive keqo I qemi tungkupmi ngo Ampeu qemi kümtsü ghenguno I no amkhü lunie.

LESHELE 94:1

O Ampeu, amkhükulu Lhou; O amkhükulu Lhou, yepüvü tsü lo!

IPEKULU 32:34

Ikemu itehi wulo, I no khipa-a o kiche püani keno tilau timiqo sawulo; julo, Iw kungumi no o züu shi wunani. Tishinamu, I no panoqo xuju ighike tsalani, I no panongu xine ghenguno panoqo ghime nani.”

AHOLE 4:19

Kixikilami laghi ye aküzü kutho toi, pano ye kiu küpxalu ani keno ithi chemoe.

ISAIAH 13:22

Atine ngo tüngtügha no aqoghe eno akighiki lono igha nani; Babylon tüqhüdo ye kupunuvae li tsala ye süpushumo nani.

ISAIAH 5:19

khunono “Nino Ampeu kümla chhejuni ke Pa pelo mtazü mlaju pelo; nino ithini ke Israelmiw Akimtheu kimji süghiju lo!” ipi cheni keno ahasapue.

ISAIAH 60:22

Nongu gholo kihi kelo aghuloshi aghikeu no alimi shive nani, eno kümtsü gholo aghulou no shiye kumto shive nani; Ni ye Ampeu ke; eno ado achipi lono I no ti shikupu nani.

ISAIAH 8:15

Kutomo no küpxa luni cheni. Panongu ye veqhi iqi kütsave nani; panongu ye meluve no kügha pewuve nani.”

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

JEREMIYA 20:11

Ikemu Ampeu ye akümsapu ghütomi toi I gholo ani; ikehu I ghime akeqo ye küpxalu nani; panongu ye I shou tolumo nani. Panongu no tomlave kehu akukujopu kije shinani. Panow lhokta kukujo huye khilemu kümsümamo nani.

JEREMIYA 23:12

Ikehu pano laghi ye aküzü lo nekiphe kepu laghi toi nani, tilau no panongu ye ikiqive nani, pano ghimeke mpe lo I no pano shou amhekiqi süghi nani, ipi Ampeu no sheshu.

JEREMIYA 51:56

kughengu ghikiqhiu ye Babylon shou ikughivae; li ghüshimiqo ye leluvae, pano süzüqo hechhe pinyivae, kughengu Ampeu ye lochile chekeu Lhoue, Pa ye mtsüqheino lochile nani.

JEREMIYA 6:21

Ikehu Ampeu no ishi piani: ‘Julo, timiqo pelo küpxalu penike I no apukhu küpsüpu qhitsüni; apu-anu kümtsa, akisüghümi eno akümsami kümtsü pühave nani.’”

JEREMIYA 8:12

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani, ipi Ampeu no pi.

EZEKEL 7:5

“Ampeu no ishi piani: Kütsakungo keu shelo kütsakungo keu! Julo, ti ye ighivae.

HOSIYA 13:12

Ephraim xine ye tsüghavae; pa xine ye hekütsüpe qhivae.

ACHINE 19:18

No ye amkhülu moni momu now timi mithi moni, ikemu o likhi o toi o kisüghüu kimiyelo: Ni ye Ampeu ke.

NAHUM 1:2

Ampeu ye anhekushu eno amkhükulu Lhou; amkhükulu eno axukighideu; Ampeu no Pa ghümi shou amkhü lu eno panoqo sala aloghu püa cheni.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

HABAKUK 2:3

Kughengu ti ye kimshilu kepu do khe ani; ti kishekhani keu ye pai ighive nani, ti ye mikimo nani. Tsala tino asheshive namu khelo; ti ye süpushuve mono mtsüqheino ighi nani.

Rommi 12:19

Kimiye chekemiqo, khilemu nonguu no amkhü luve kevilo, ikemu ti ye Alhou loghu lau picheve tsülo, kughengu hitoi yepüani, “Amkhükulu ye Iw ke, I no tsüchile nani ipi Ampeu no pi.”

Rommi 13:4

kughengu pa ye o kivipu shitsüni ye Alhou ghinimi lakhi ke. Ikemu nono akumou shive aye msa kepu ani, kughengu pa ye adou loye azütakikihi pemo nani. Pa ye Alhou ghinimi kehu alhoksa kümlami shou Alhou loghu süghi cheni.

ZAKINIU 32:43

“O kungugha, Paw timi gholo alovilo; alhou kümtsü no Pa zülo pishiqho lo, kughengu Pa nuliqo jih peleve keu Pa no amkhü lutsü eno Pa ghümi shou amkhülue. Pa no Pa mithi kemi lochile no Paw timi yeghi shikimthe tsü.”

IBRIMI 10:30

Kughengu khuu no, “I no amkhülu nani; I no lochile nani,” eno itaghi, “Ampeu no Paw timi shou küghatha nani,” ipi keno, ningu no Pa ithi ani.

1 Peter 2:8

eno “Apukhu küpsüpu tuqu, ghüzave kepu tuqu lakhi ke.” Panongu no Atsa hebide ke ghenguno küpxalu cheni, kughengu pano ghenguno ti ye aza polo kighini shive aghike.

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

SAMUEL ATUGHIU 26:10

Ampeu xü anike Ampeu no Saul pithive nani, momu pa kithi tsala ighi nani, momu pa ye aghüshiqa lo ilo no thive nani.