ZAKINIU 31:8 - Sumi Naga CL (Re-edited) Bible (BSI)

⁸ Ampeu no o züu chenani. Pa ye o gholo chenani eno o phevemo momu qhivemo nani. Msa momu amlo hauve kevilo.”

BAIBEL (BSI)

⁸ AMPEU ampino osaphe nani eno ogholo anani. Paye ophevemo momu oqhivemo nani tighenguno amlo hauve kevilo momu musa kevilo.”

ZAKINIU 31:8 Mawu Ofanana

BOTHUBO 28:15

Julo, I no o gholo ani eno nono khile khile wunamu I no o süsho nani, eno ayeghi hipau lo o sachile ighi nani. Kughengu I no o lau ashoqhi kiu shi keno tipau shive moke kutolo Ni ye o qhivemo nani.”

KUKAMI ATUGHIU 11:38

Tsala I qeu David toi I no azah tsükeu chilu no I laghi lo cheche aye, eno I zülo kiu no achipi keno tishi aye, I no O gholo anani eno David kümghatsü ketoi I no O lagha shikumto no Israel pesü o tsünani.

KUKAMI ATUGHIU 6:13

I no Israel nuli gholo xüküqhani eno khilemu Iw timi Israelmi phevemo nani.”

KUKAMI ATUGHIU 8:57

Ampeu Alhou no ni puasüqo gholo acheke toi ni gholo apeni. Pa pelo khilemu ni pheve momu kümsümave pemoniu.

YEKIKITHI ATUGHIU 22:13

Tsala Ampeu no Moses vecheo Israelmi tsükeu khuaye eno pimheyeqo nono tsaqütsalei pelu aye, no ye ikoishelu nani. Akumto shino amlo kuloghi shilo. Msa kevi; alomtshüve kevilo.

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.

LESHELE 94:14

Kughengu Ampeu ye Paw timi phevemo nani Pa ye Pa mheghi qhivemo nani;

IPEKULU 32:1

Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

IPEKULU 33:14

Ampeu no pi, “I no o gholo wunani, eno akulhokiqhi o tsü nani.”

JEREMIYA 32:40

I no panongu sasü lhokta puloshoqhi shinani, Ni ye panongu kivipu kümla shini keu lono tsüghüve monani. Panongu mlo lo I sümsani keu I no sütsü nani, ikehu panongu ye I launo tsüghüve monani.

AKIKIHI 13:9

Benjamin lono Raphu nu Palti;

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

ZAKINIU 20:1

“Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

ZAKINIU 31:23

Eno Ampeu no Nun nu Joshua süküsü shino pa vilo pi, “Akumto shilo eno amlo mtolo, kughengu nono Israelmi sasü I no tushoqhi keu yeghi lo ilo nani, eno I no o gholo anani.”

ZAKINIU 31:3

Ikemu Ampeu nongu Lhou ampi no nongu züuno iku nani, eno shiye tilau akeqo kütsave tsü nani, tishikeu lono nongu no pano yeghi lo ngolu nani. Ampeu no piveke toi Joshua no nongu saphe nani.

ZAKINIU 31:6

Akumto shilo eno amlo loghilo, panongu msa momu juighü kevilo, kughengu Ampeu nongu Lhou no nongu sasü chenani. Pa ye nongu phevemo momu qhivemo nani.”

ZAKINIU 4:31

Kughengu Ampeu nongu Lhou ye kimiyekini Lhou ke. Pa ye nongu qhivemo nani, kütsavemo momu no puasü sasü puloshoqhi shikeu kümsümave monani.

ZAKINIU 9:3

Tighenguno ishi tsala lo hi ithilo, khuu amiküqü toi nongu züu cheni keno, Pa ye Ampeu nongu Lhou ke. Pa no nongu zülono panongu kütsave no qhasüve nani. Pa no nongu vilo piqhive ketoi, nongu no panoqo hapheve no paikhavi püghave nani.

IBRIMI 13:5

Pisa kimne lono o küxü putosü lulo, eno nono kiu ani keno o ghakiqi shilo, kughengu Alhou no pi, “Ni ye khilemu o qhivemo, momu o phevemo nani.”

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

SAMUEL ATUGHIU 12:22

Kughengu Ampeu ye Pa je kije ghenguno Paw timiqo phevemo nani, Pa no nongu pesü Paw timi shivekeu ye Ampeu lopue.