ZAKINIU 12:25 - Sumi Naga CL (Re-edited) Bible (BSI)

²⁵ Nongu ye ti chumoni, kughengu nongu no Ampeu zülo kiu no achipi keno ti shiaye, nongu eno no tianuli ghenguno akivipu shinani.

BAIBEL (BSI)

²⁵ Nonguno ahza hipau gholu aye AMPEU no amlo qi nani, nongu eno nongu polo kughukomi ghenguno kumtsu akivipu shinanike.

ZAKINIU 12:25 Mawu Ofanana

KUKAMI ATUGHIU 11:38

Tsala I qeu David toi I no azah tsükeu chilu no I laghi lo cheche aye, eno I zülo kiu no achipi keno tishi aye, I no O gholo anani eno David kümghatsü ketoi I no O lagha shikumto no Israel pesü o tsünani.

LESHELE 112:2

Pa tikughukomi ye ayeghi lo akughushu shi nani; amikuchomi tianuli ye kükümgha shi nani.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

YETSAPIU 2:26

Kughengu khuu no Pa pulou shi keno Alhou no alokütsü, akighithi, eno alokiqi pesü tsü cheni, ikemu Pa no axinemi pelo hekütsü eno kikepe qhino Alhou lopushi chekemi tsüvepe cheni. Hi ghi adou eno amülhü küghaju püha chekeu ke.

YETSAPIU 8:12

Kixikilami no ghuthu 100 kutolo alhoksa mlano xüaghi namu, I no ithi anike khuu no Alhou msani keno, pau pavi nani, kughengu pa no Alhou msaighü acheni.

ISAIAH 3:10

Amikuchomi vilo pano sala akivi anie pilo, kughengu pano ye pano kümla xochu nani.

EZEKEL 33:25

Tighenguno panoqo vilo pilo, Ampeu Alhou no ishi piani: Nongu no aji pusüsü keu shi chu, nongu nhethi no ajulhoqo ju, eno aji peleke; tishiaye nongu ye ayeghi amheghi shilu nani keshea?

ZAKINIU 12:24

Nongu ye ti chumoni; azü pele keshi ayeghi lo ti kighiji qhiveni.

ZAKINIU 12:28

I no azah nongu tsükeu thokha pekupu nike pükapütsa lo, tishianguno nongu eno no tianuli ghenguno alholo akivipu shinani, kughengu kiu no akivi eno achipi keno tishi aye akivipu ke.

ZAKINIU 13:18

nongu no Ampeu nongu Lhou zakütsü khikhi ishi tsala lo I no nongu tsü ani keno, tipaqo pelu no Ampeu zülo kiu no achipi keno ti shilu aye tishitsü nani.

ZAKINIU 21:9

Hitoi Ampeu zülo kiu no achipi keno ti shikeu lono pimiha ji peleve keu xine nongu dolono shipühaveni.

ZAKINIU 4:40

Tighenguno ishi tsala lo I no nongu tsü akeu khuaye eno zakütsü kümtsü pelulo, tishianguno nongu eno no polo kughukomi kümtsü akivi shilu peni, eno Ampeu nongu Lhou no alhokuthu ghenguno nongu tsü akeu yeghi lo axüshulu penie.”

ZAKINIU 5:16

“‘Ampeu nongu Lhou no azah tsüke toi o pu ngo o za gihu lo, tishianguno no ye axüshu nani, eno Ampeu o Lhou no o tsü akeu yeghi lo no ye thokha kümtsü akivipu shilu nani.

ZAKINIU 5:33

Ampeu nongu Lhou no azah tsükeu kümtsü shilo, tishianguno nongu ye xülu nani, eno nongu no pükhalu niye akeu yeghi lo nongu ye akivi shino eno axüshu nani.

ZAKINIU 6:18

Ampeu zülo kiu no achipi eno alo keno ti shilo, tishianguno nongu kivipu shinani, eno Ampeu no nongu puasüqo tsünike tushoqhi keu aghüma yeghi lo ilo no pükhalu nani.