ZAKINIU 10:17 - Sumi Naga CL (Re-edited) Bible (BSI)

¹⁷ Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

BAIBEL (BSI)

¹⁷ AMPEU nongu Lhou ye kutau lhouqo eno akuka kutauqo kumtsu nguno akiqheuke. Paye kije eno akumtou ke eno pa sumsa kepu ke. paye agi juchemoe eno kulugho luchemoke.

ZAKINIU 10:17 Mawu Ofanana

YEKIKITHI AKINIU 19:7

Tishiaye Ampeu sükümsa nongu shou alo. Nongu no xatha keu lo kutokupui lo, kughengu Ampeu ni Lhou ghenguno amikucho kumo momu agikuju momu külügho kulu ye a-a kühae.”

NEHEMIA 1:5

Eno I no pi, “O Ampeu, kungugha Lhou, No ye akighiche eno akughushu Lhou, khunono O zakütsü pecheni keno Nono Ow puloshoqhi eno iqemokeu kikimiye piye cheni.

NEHEMIA 4:14

I no jukuto apüzü ithu no sakiphemi eno hiyampemi ngo timi kümtsü vilo pi, “Panongu msa kevilo. Ampeu khuu no kije eno akümzapu keno, Pa kümsü lulo eno nongu thiküzümi, no tianuli, anipu, eno no kungo kiqo ghenguno aghü shilo.”

NEHEMIA 9:32

“Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

JOB 34:19

yepemi lau mu agiju chemo, momu kumlhomi nguno alau kinimiu kihi chemoe, kughengu panongu kümtsü Pa u lo kümla ke.

LESHELE 99:3

Panoqo pelo O je kije eno akughushu sheqhe pelo! Pa ye akimthe ke!

IPEKULU 23:8

No ye külügho lumoni, kughengu külügho no mtsümishei ithulu chekemi nhethi kighicheve tsü cheni eno khunono achipiu küdau ani keno panoqo chipiu süchighive tsü cheni.

ISAIAH 37:16

“O aqokitikhi MPEU, Israel Lhou, cherubim shou kükalakhü lo iqa chekeu, ayeghi lo kükaqha kümtsü shou Alhou ye O likhie; Nono atsütsü eno ayeghi lhopheke.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

JEREMIYA 20:11

Ikemu Ampeu ye akümsapu ghütomi toi I gholo ani; ikehu I ghime akeqo ye küpxalu nani; panongu ye I shou tolumo nani. Panongu no tomlave kehu akukujopu kije shinani. Panow lhokta kukujo huye khilemu kümsümamo nani.

JEREMIYA 32:18

Nono qhethonhe lau iqemokeu kikimiye piye cheni, ikemu apuaza no pimive kelo pano tianuliqo lau aghime süghi cheni, No ye kije eno akughushu Lhou, O je ye aqokitikhi MPEU ke,

DANIEL 11:36

“Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.

DANIEL 2:45

ti ye atu khikhi timi u no chhuthamo keu naghuto lono ipeghi keu nono ithulu, eno tino ayi, alazayi, aghani, ghükayi eno ameshoyi kubovetsü keno, tihu toike. Hipa thiu kiu shiniye ani keno akiqheu Lhou no akükau pelo ithivepe ani. Asamo huye thebei, eno tipau hekupho ye mtsüqhei ke.”

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

Mark 12:14

Panongu no ighi no pi, “Shikükau, no ye süchomie pi nino ithi ani. Kughengu no ye khuu lau mu agiju chemo momu ala saphu mono aphiphishi kihi cheni, eno kuchou no Alhou laghi pesü shika cheni. Ike zame pesü Caesar tsükeu ye ayezah kiqilo kemo kea? Ningu ye tsü kepu kemo kea?”

Apostolmi 10:34

Ikehu Peter no pithu: “Kuchou no Alhou ye agikuju kühae pi I no vethaluvae,

Rommi 2:11

Kughengu Alhou ye agi juchemoe.

Galatiami 2:6

Ikemu khunono akhotomi ipi kihiche keno (panongu no kiu kiu shi aghimu I ghengu ye kiumu tipaqo kimhe akepu kühae; Alhou ye agiju chemoe) I no pi anike akhotomi ipi chekeqo ye I ghenguno ame kühae.

Ephesiami 6:9

Ampemiqo, nongu ghi aqü-axemi peitha pivilo, eno panoqo kichi kümsa kevilo. Kughengu nongu Mpeu kungugha lo akeu no pano Mpeu ghi kepi ithilo, eno Pa gholo ye agikuju kühae.

ZAKINIU 1:17

Xakütha lo agi jumoni. Kitilami na kijemi namu aphiphi shi küghatha lo. Khunomu nongu shikümsape kevilo, kughengu xakütha ye Alhouw ke. Aküküpna khikhi no nongu ghenguno kushokütsü keno I lau süghini, eno I no ti xathatsü nani.’

ZAKINIU 16:19

Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

ZAKINIU 24:17

“Kupokichemi eno mighimi chipiu luvetsü moni, eno chimemi launo aküna shoqhi aphimini lumoni,

ZAKINIU 27:25

“‘Khukhumu pimimo kemi ji pele nike külügho lukeu ye müsüinivae.’ Eno timi kümtsü no ‘Amen,’ ipini.

ZAKINIU 7:21

Panongu jumsa kevilo, kughengu akijeu eno aküighüpu Lhou Ampeu no nongu gholo ani.

Kolosiami 3:25

Kughengu alhoksa kümlami ye pa lhoksa kümla ghenguno agikuju kühano ajume tsüchile nani.

1 Tim. 6:15

Pa ikighi tsala ye ado achipi lono Alhou no süghi nani, Pa ye akümghau eno Pa likhi no yepetou, kükami shou Akükau eno ampemi shou Ampeu,

JOSHUA 22:22

“Akughushu Lhou Ampeu! Akughushu Lhou Ampeu! Pa no ithi ani eno Israelmi ampi no ithilo. Tsala hino hekibide momu Ampeu shou aküpülü hephove aghi aye, ningu kipimi qhitsü kevi,

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.