ZAKINIU 1:8 - Sumi Naga CL (Re-edited) Bible (BSI)

⁸ Julo, I no ayeghi hipaqo nongu tsüvae, Ampeu no nongu puasü Abraham, Isaac, eno Jacob ngo pano laghami tsünike piqhi püakeu yeghi lulo.’

BAIBEL (BSI)

⁸ Aghakhu hipaqo kumtsu ni, AMPEU no nongu puasu Abraham, Isak ngo Jakob eno panongu polo kughukomi tsuni keu shi tushoqhivae. Wulo eno tipaulo ngolulo.’ ”

ZAKINIU 1:8 Mawu Ofanana

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 15:16

Eno panongu ye tiqheli abidiu lono hile ideighi nani, kughengu Amorimi xine ye kupu mphike.”

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

NEHEMIA 9:15

Panongu müzü ghenguno kungugha lono asho tsü, atüghü ghenguno atuqu lono azü tsüe. Nono panongu tsünike tushoqhi keu yeghi lo ilo no qhasü luvelo pike.

IPEKULU 23:31

Akuhu Züghi lono Philistiami Züghi kutolo eno asayeqha lono Euphrates kutolo, I no nongu ghuthu shitsü nani, kughengu I no aghakhu lo küxümi pesü o u lo süvetsü nani, eno nongu no panoqo hapheve nani.

IPEKULU 33:1

Ampeu no Moses vilo pi, “No eno timi khunoqo nono Egypt yeghi lono saipeghi keno, hileno chevelo, eno I no Abraham, Isaac, ngo Jacob vilo, ‘O tikughukomi lau I no tsüni,’ ipi püakeu yeghi lo iqhove lo.

JEREMIYA 32:22

Nono pano puasüqo tsünike tushoqhi keu, akichhizü eno akhingozü qowu akeu yeghi panongu tsüe.

EZEKEL 47:14

I no kiu o puasüqo tsünike tushoqhi keno ti ye nongu dolo aqhemi shi kije nani. Ayeghi hipau ye nongu ghenguno amheghi shi nani.

AKIKIHI 14:23

I no pano puasü tsünie pi tushoqhi keu yeghi ithulumo nani. I jukünatha kemi khumu ti ithulumo nani.

AKIKIHI 32:11

‘Jualo, kiptimi ampe muku nguno kunguu khije Egypt lono ipeghi keno milakhi mu I no Abraham, Isaac, eno Jacob lau piqhi püakeu yeghi lo ilo pemoae, kughengu panongu no amlo kuchopu pesü I papemoe,

ZAKINIU 1:11

Ampeu no puasü Lhou no Pa no piqhike toi ghuthu qhethonhe kutolo alau nongu kighishetsü eno kümghatsü peniu!

ZAKINIU 1:35

‘Hi alhoksa tiqhelimi lakhimu I no nongu puasü tsünie pi tushoqhi keu yeghi kivi ithumla nani,

ZAKINIU 10:11

Tishino Ampeu no I vilo pi, ‘Ithu no I no nongu puasüqo tsünike tushoqhi keu yeghi pükhalu nike saphesü wulo.’

ZAKINIU 11:24

Nongu pukhu no khile nesüni keno nonguw shive nani. Nongu lughi ye asayeqha lono Lebanon kutolo qhawo nani, eno Euphrates ghoki lono kulola züghi kuto shi nani.

ZAKINIU 11:9

eno Ampeu no nongu puasüqo eno pano polo kughukomi tsünike tushoqhi keu akichhizü ngo akhingozü no qowu akeu yeghi lo axüshulu nani.

ZAKINIU 2:29

I no Jordan kathasü Ampeu ni Lhou no tsü akeu yeghi lo ilo moke kutolo Esau lagha no Seir lo, eno Moabmi no Ar lo pulotsü ketoi shitsülo.’

ZAKINIU 26:15

Kungugha lo O kimthe-a lono jupiqi no Ow timi Israelmi, eno Nono ni puasüqo lau piqhike toi ni tsükeu hi akichhizü ngo akhingozü qowu akeu yeghi kümgha tsülo.’

ZAKINIU 26:3

Tipa ghuloki lo achineu shi akeu lau pewu no pa vilo pini, ‘Ishi no I no Ampeu o Lhou lau shuphe anike ni ye Ampeu no ni puasüqo tsünike tushoqhi keu yeghi lo iloghi luvae.’

ZAKINIU 28:11

Ampeu no nongu puasüqo tsünike tushoqhi keu yeghi lo kinikülü kupukuno shi nongu tsü nani, no tianuli kughuko tsü, pichepighi lhoxü lo eno tüxatini kümgha tsü nani.

ZAKINIU 29:12

Nongu ye Ampeu nongu Lhou sasü puloshoqhi shinike ishi hile puthugho ani,

ZAKINIU 30:20

Ampeu nongu Lhou kimiyelu, Pa tsa chilu no Pa süijelu nani. Kughengu Pa no nongu küxü ke, eno no puasü Abraham, Isaac, eno Jacob lau tushoqhi keu yeghi lo axükushu nongu tsü nani.

ZAKINIU 31:7

Tishino Moses no Israelmi kümtsü zülono Joshua vilo pi, “Akumto shilo eno amlo mtolo, kughengu nono timi hipaqo sakipheu shino Ampeu no pano puasüqo lau tushoqhi keu yeghi lo ilo nani.

ZAKINIU 34:4

Ampeu no Moses vilo pi, “I no Abraham, Isaac, eno Jacob vilo, ‘I no o polo kughukomi tsüni,’ ipi tushoqhi keu yeghi hi cheni. I no o pelo o nhethi no ti ithuluve peae, ikemu no ye tilau wumoae.”

ZAKINIU 4:1

“Itehi I no nongu shika akeu khuaye ngo pimheye papelo, tishikeu lono Ampeu no puasü Lhou no nongu tsü akeu yeghi lo ilolu nani.

ZAKINIU 6:10

“Ampeu nongu Lhou no nongu puasü Abraham, Isaac, eno Jacob tsünike tushoqhi keu yeghi lo nongu sailoghi no nongu no shiqhemo keu phughi kije eno akivi nongu tsükelo,

ZAKINIU 7:12

“Nongu no pimheye hipaqo tsaqüi ini no pelu aye, Ampeu nongu Lhou no nongu lau Paw puloshoqhi ngo iqemokeu kikimiye no puasüqo lau tushoqhi püakeu peche nani.

ZAKINIU 7:13

Pa no nongu kimiye, kümghatsü, eno kughuko tsü nani. Pa no nongu puasüqo lau tushoqhi keu yeghi lo nongu polo kughukomi kümghatsü nani, eno no luza lo axathi, athi, atsaizü, eno thazü kümghatsü nani, now amishi eno ambe loji lo atiqo kughuko tsü nani.

ZAKINIU 7:8

Ikemu Ampeu no nongu kimiye eno no puasüqo lau tushoqhi keu shikupu niye akumto kije lono eno Egypt kükau Pharaoh qüaxe lono nongu xachile luke.

ZAKINIU 8:1

“Ishi tsala lo I no azakütsü nongu tsükeu kümtsü tsaqüi papelo, tishianguno nongu ye xülu, ikowolu, eno Ampeu no nongu puasüqo lau tushoqhi keu yeghi lo ilo ngolu nani.

ZAKINIU 9:5

Nongu mikucho momu amlo kimthe ghenguno nongu ye ayeghi hipau lo pükhalu niye anike kumoe, ikemu shiye hipaqo kixikila ghenguno Ampeu nongu Lhou no panongu hapheve anie, tishikeu lono Pa no nongu puasü Abraham, Isaac, eno Jacob lau ashoqhi shipüa keu iqhikumto niye ke.

IBRIMI 6:13

Kughengu kughou Alhou no Abraham lau piqhi keno, Pa ye Pa nguno akijeu küha keke khuu lau piqhimo kehu Pa ampi je kuno tushoqhi,

IBRIMI 6:14

eno pi, “Kuchou no I no o kümghatsü no o lagha kughuko tsüni.”

JOSHUA 1:6

Akumto shilo eno amlo kuloghi shilo, kughengu I no panoqo puasü tsünike piqhi püakeu, nono sakipheu shino panongu pelo ayeghi tipau hu amheghi shi ighilu penani.

XAKUTHAMI 2:1

Tipa ghuloki lo Ampeuw kungumi no Gilgal lono Bokhim lo iqho no pi, “I no Egypt lono nongu saipeghi no nongu puasüqo vilo piqhi püakeu yeghi lo sailo, eno pi, ‘I no nongu sasü puloshoqhi shi püakeu khilemu hephomo nani,