YEKIKITHI ATUGHIU 6:49 - Sumi Naga CL (Re-edited) Bible (BSI)

⁴⁹ Ikemu Shishe Akimthe-a lo kümlapu ghenguu ye Aaron eno pa laghami no akümlla kipti eno axokütsüngü kiptia lono akümllagho tsüche, eno Israelmi ghenguno ghapheu lhoxü pesü Alhou lau wuche, hi ye Alhou qeu Moses no azah tsükeu kiqi lono shiche.

BAIBEL (BSI)

⁴⁹ Aron eno pa kughukono akumlla kipti khachelo tsungqui keu piti ghiqhipe mllae. Panonguno Shishe Akimthe-alo ghiqhi mllakeu kumtsu panongu makho shiche eno Alhou no Israilmi xine qhive tsuche. Hi kumtsu Alhou qeu Muse no kichepiyekeu kiqi lono panonguno shicheke.

YEKIKITHI ATUGHIU 6:49 Mawu Ofanana

YEKIKITHI ATUGHIU 6:48

Pano thiküzümi Levi laghami pesü Alhou ki alou Akimthe-a lo akümlapu kümtsü mla penike süküsü shie.

JOB 33:24

pa no timi hu küpüqhiyive no, ‘Aqokutho lo ilo chekeu xaphe luvelo, pa xakipheme I no ithuluvae,

IPEKULU 29:33

Panoqo pesü akimthepu shikelo axine pevekütsü chini keu lo kiu peitha keno tipau panongu no chuni, ikemu kütami ye tipau chumoni kughengu tipaqo ye akimthe ke.

ACHINE 1:5

Tishino pa no Ampeu zülono lhoxü heqhini, eno Aaron nuli achinemi no aji pesü kuposhukulu phiki kulaghi lo akiptia kümtsü vehomxa leqhini.

ACHINE 4:20

Axine ghenguno amshitsü heqhipe mlla kelo toi, hipa kümllagho ghi titoi shini. Hitoi achineu no timiqo ghenguno lokichile shitsü no pano kipimi qhitsüni.

AKIKIHI 15:25

Achineu no Israelmi qoaho kümtsü ghenguno lokichile ghakishi shini eno tithiu no panongu kipimi qhive tsüni, kughengu ti ye pimive keu kehu panongu no pano kipimi ghenguno achuqupu kümllagho ngo axine kümllagho pesü Ampeu lau süghive ake.

AKIKIHI 16:16

Moses no Korah vilo pi, “Thoghi tsala lo, no eno o papemi kümtsü Ampeu zülo hekütsülo, eno Aaron ghi tilehi ighi peni.

ZAKINIU 34:5

Ikehu Ampeu no pikeu kiqi lono Ampeu qeu Moses ye tilau Moab ghakhu lono thive.

JOSHUA 1:1

Ampeu qeu Moses thive kethiu, Ampeu no Moses kukuphuu, Nun nu Joshua vilo pi,