YEKIKITHI ATUGHIU 28:8 - Sumi Naga CL (Re-edited) Bible (BSI)

⁸ Tighenguno itehi Israelmi, Alhouw timi Ampeu zülo kumqope akeqo, Ampeu nongu Lhou zakütsü kümtsü papelu kepushi phulo, tishianguno nongu no alhokupuju ghenguno ayeghi kivi hipau pükhape athiu no tianuliqo lau amheghi shi qhitsülu nani.

BAIBEL (BSI)

⁸ “Tighenguno itehi iwu timiqo ningu Lhou zulono eno Israilmi, Alhou timi kumtsu kumqo ake lono, Ino nongu hakite ani, nonguye AMPEU ningu Lhou no kiu zah nongu tsukeno tikumtsu pelulo, tishi anguno nonguye ayeghi kivi alhokuthu pukhape alu nani eno tishi keu lono nongu tianulino alhokuthu pekishe ache nanie.”

YEKIKITHI ATUGHIU 28:8 Mawu Ofanana

YEKIKITHI ATUGHIU 28:7

Tsala pa no ishi toi akumtoshi I zakütsü eno I yezahqo peche aye, I no alholo pa kükaqha iqhikumto tsü anani.’

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

EZRA 9:12

Tighenguno nongu ngaqo pesü pano puqo tsü kevi, momu pano ngaqo pesü nopuqo tsü kevilo, eno khilemu pano lokughuno momu küakini phu kevilo, tishianguno nongu ye mtotoi luno ayeghi lo akivi chulu nani eno pülhapuju no tianuli ghenguno amheghi lakhi shi qhitsülu nani.’

LESHELE 119:27

I pelo O yezahqo vethalu pelo, eno I no Ow akümzapu kümlaqo kümsüputho nike.

LESHELE 119:4

Nono O yezah pesü ni tsüe eno amlo tsüqhiyi tipau gholu peni keu za tsüke.

LESHELE 119:44

I no pülhapuju eno alholo O yezah ishokibe papeni,

IPEKULU 23:13

“I no nongu vilo pikeu kümtsü lo amlo tsülo, eno kütau lhouqo jeku moni, momu nongu kichi lono pikeu chilupe kevilo.

AHOLE 13:22

Timi kivimi ye pa tianuli tianuli kutolo amheghi qhitsü cheni, ikemu axinemi küakini ye amikuchomi sala qhivetsü cheni.

AHOLE 3:1

I nu, I kükütsü kümsüma kevilo, ikemu o mlo lo I zakütsüqo qhilo,

ISAIAH 34:16

Ampeuw kaku phu no phijulo: Lhoxü hipaqo lakhimu pühavemo; momu atüna kühave monani. Kughengu Ampeu no azah tsüno Pa Ghungu no tipaqo hekütsü ke.

Apostolmi 10:33

Ikehu I no mtazü o kupuwu kelo nono ighi tsüke alovae. Tighenguno itehi Ampeu no o vilo kiu pilo pi azah tsü keno thokha chiluni ke ningu kümtsü Alhou zülo anie.”

Apostolmi 17:11

Jewmi hipaqou ye Thessalonica lo akeqo nguno tsaqüi kemi; panongu no khekulhoshi atsa ikhilu, eno hi ye tishi kemo keno ithi niye tsalakipetsü Kuchoyesü phukide jue.

ZAKINIU 27:1

Moses ngo Israel sakiphemi no timiqo azah tsü, “Ishi tsala lo I no azah nongu tsü akeu kümtsü papelo.

ZAKINIU 29:10

“Ishi nongu kümtsü Ampeu nongu Lhou zülo puthugho ani: alagha lo akütsü, sakiphemi, hiyampemi, Israel lo kiptimiqo,

ZAKINIU 29:15

ikemu ishi tsala lo khunoqo hile Ampeu ni Lhou zülo puthugho ani, eno khunoqo hile ningu gholo küha keno, kümtsü sasü ashoqhi shi ani.

ZAKINIU 4:1

“Itehi I no nongu shika akeu khuaye ngo pimheye papelo, tishikeu lono Ampeu no puasü Lhou no nongu tsü akeu yeghi lo ilolu nani.

ZAKINIU 4:26

I no ishi tsala lono kungugha ngo ayeghi pelo nongu shou thopi shi penike kusü anike, nongu no Jordan katha iku pükhalu niye akeu yeghi lo nongu ye pai püghave nani. Nongu ye tile kushuo xümo nani, ikemu kütsakungo khave nani.

ZAKINIU 4:6

Tipaqo pelu lo kughengu ashiayeqo zülo tino nongu lokütsüpu eno vethakulupu shinani, panongu no tipaqo chilu no pi nani, ‘Kuchou no shiye kije hipau ye alokütsü eno vethakulu timiqoe.’

ZAKINIU 5:32

Tighenguno Ampeu no Lhou no azah tsükeu papeni ke jukuto lo. Nongu ye tipau lono ajeu mu piyiu mu wuve kevilo.

ZAKINIU 5:33

Ampeu nongu Lhou no azah tsükeu kümtsü shilo, tishianguno nongu ye xülu nani, eno nongu no pükhalu niye akeu yeghi lo nongu ye akivi shino eno axüshu nani.

JOSHUA 24:20

Tsala nongu no Ampeu qhive no inami lhou qeuve aye, Pa no nongu lau akivi kümla shive akemu ideighi no nongu ghüza nani eno püghave nani.”