YEKIKITHI ATUGHIU 22:5 - Sumi Naga CL (Re-edited) Bible (BSI)

⁵ Kughengu pa no ishi kümsü, “I nu Solomon ye alhothe aphi eno puju-peju mphi, eno Ampeu ghenguno aki shiniye akeu ye akuaqha kümtsü lo ajuaje küghakichepu shi ighono juqhekulho shimasa ani. Tighenguno I no kutope qhive tsüni.” Ikehu David no pa xü lono tinhemgha jeli kütsasa ikhiphepe qhivetsü.

BAIBEL (BSI)

⁵ David no ishi kumsu, “Achineki khikhi inu Solomon no shikepu shi anikela tiye ighono akiqheu eno ayeghiqhalo aje kipi shi pemayesa. Ikemu paye alhothe eno puju shiju keu kuha aphi, tighenguno ino hipau ghenguno kutokughoipe qhitsu mayesavae.” Ike David ye pano thinike zuuno akikishi nhemgha kutomo kutokughoi pesu qhipua tsue.

YEKIKITHI ATUGHIU 22:5 Mawu Ofanana

KUKAMI ATUGHIU 3:7

Itehi O Ampeu I Lhou, I no itimi shi anamu Nono I pu David-a lo o qeu pelo akükau shipe. Ni ye ayekipe vehumu mthae.

KUKAMI ATUGHIU 9:8

Aki hipau ye ixapinyive nani, eno hi veche iqhoiqi kemi kümtsü no akümza qhiyi pi nani, ‘Kushiye Ampeu ye hipa yeghi eno aki hipau shou hi shivetsü kea?’

YEKIKITHI ATUGHIU 29:1

Tithiu akükau David no kuho akemi kümtsü vilo pi, “I nu Solomon khuu Alhou no kisheluve akeno, pa ye alhothe eno puju-peju keu küha aphi püzü akümlapu no ighono kije shi ani, kughengu aki hi ye timiw kumono Ampeu Alhouw ke.

YEKIKITHI AKINIU 13:7

eno ame küküha kixikilami no pa gholo süküqha no Solomon nu Rehoboam hebide eno Rehoboam ye alhothe eno puju shijumo kehu tipaqo puqhe mlave.

YEKIKITHI AKINIU 2:4

Julo, ni ye Ampeu I Lhou je ghenguno aki shiqhe nike kuto ani, eno tileno axokütsüngü piti, tsalakipe akümlla sho qhitsü, eno Israelmi ghenguno alholo ina kijili, Sabbath lo, aqhi kithe lo, eno Ampeu ni Lhou tiqhetini lo, akipti kümllagho tsünike aki tipau ikhiphe tsüniye ani.

YEKIKITHI AKINIU 2:5

I no achineki shiqhe niye akeu ye kije ke, kughengu ni Lhou ye alhou kümtsü nguno akijeu ke.

YEKIKITHI AKINIU 2:8

Lebanon lono cedar, asahubo, eno algum süpa ghi I tsüpuwu lo, kughengu I no ithi anike o qemi ye Lebanon lo asü küxüthi ani. Eno I qemi pelo o qemi gholo mla peni,

YEKIKITHI AKINIU 7:21

Aki hipau khikhi ajekipipu shi ache keno, hi veche iqhoiqi chekemi kümtsü no akichiqhi akümza ghi pi nani, ‘Kushiye Ampeu ye hipa yeghi shou eno aki hipau shou hi shive tsü kea?’

EZRA 3:12

Ikemu achinemi ngo Levimi eno ali tomi, kichimi kutomo khunoqo aki atüghüu ithulu püa keno, panongu no aki hipau boqha qhave keu ithulu kelo, kütami kutomo no alovi igha akeghi panongu ye asütsa kuloghi lono qae,

AHOLE 4:3

Kughou I no itimi shi I pu ngo I za gholo I likhi ache keno,

YETSAPIU 9:10

Kiu kiu kümla lomu o kumto süno mlalo, kughengu nono wuche keu kithimi yeghi loye akümla, akükümsü, akighithi, alokütsü, kiumu kühae.

ISAIAH 64:11

Niw akimthe eno jukighilepu chineki, khilehi ni puasü no O sheqhe chekeno ami no pitilevae, eno nino kimiye chekeu-a kümtsü ixapinyi ani.

EZEKEL 7:20

Panongu ye panow jukivi chiku-chila pesü qheza eno tipau pesü panow aphikümqhüpu julhoqo eno niqhinilai keu juthoqo mlae. Tighenguno I no hipaqo pesü panoqo ghenguno mithekumo thime shive tsüni.

HAGAYI 2:3

‘Nongu gholo püzüu chineki jukighilepu hipau ithulu püakemi khuu aphi kea? Itehi ye hipau kishi ithulu ani kea? Nongu nhethe lo hi ye kiumu kumphi kekumo?

HAGAYI 2:9

Achineki hipau ye püzüu nguno akiqheu jukighilepu shi nani, aqokitikhi Mpeu no pi. Eno hipa-a lono I no aloino keu tsü nani, ipi aqokitikhi Mpeu no asheshu.’”

Luke 21:5

Timi khami no achineki jupe kishi akughupu tu eno akümllagho pesü akighiche shi mlapüa keno kügha ae,

John 13:1

Hechekulu Ghulhu zülo Jisü no hipa yeghi qhive no Apu lau wuveni keu tüqhüdo tove keu ithive kelo, pa no ayeghi lo paw shive keqo kimiye chekehu ashekha kutolo panoqo kimiye.

John 3:30

Pa no chuqumghai ikuve masa eno I no chuni iqive masae.”

John 9:4

Atsala küa lono ningu ye I puwu keu kümla shimasae; khunomu akümla shimlave kepu putho tsala wocheni.