YEKIKITHI ATUGHIU 15:15 - Sumi Naga CL (Re-edited) Bible (BSI)

¹⁵ Eno Ampeu tsa kiqi lono Moses no azah tsüke toi Levimi no awophe peche keshi abighi lono tipau kuhope.

BAIBEL (BSI)

¹⁵ Levimino tipau aku bidi lono abighi lono kuhope, tiye Muse vechewo AMPEU no ahza tsukeu kiqi lonoke.

YEKIKITHI ATUGHIU 15:15 Mawu Ofanana

SAMUEL AKINIU 6:12

“Alhouw puloshoqhi bohu ghenguno Ampeu no Obed-edom kibolomi eno pa no aghikeu kümtsü kümghave tsüae” ipi akükau David vilo pive. Ikehu David no Obed-edom kilo wuno alokivi shi Alhouw puloshoqhi bohu pesü David phughi lo ighive.

SAMUEL AKINIU 6:13

Kughou Ampeuw puloshoqhi bohu peche keqo no küpka tsügho chewuve keno, pa no amshitsü lakhi eno atha pubeyi keu lhoxü lakhi ghiqhipe aghashi.

KUKAMI ATUGHIU 8:8

Akipesüqo ye kushuo kehu Akimthe-a zülono pishipuwo akemtsü ithulu, ikemu Akimthe-a nguno khalacheu ye ithulumoe, eno tipau ye ishi kutolo tile achephi.

YEKIKITHI ATUGHIU 13:10

Tileno Ampeu xukighide kije Uzzah shou ikughive, pa no Puloshoqhi Bohu buve kehu Ampeu no tipa-a lono pa heqhive, eno pa ye Alhou zülono thive.

YEKIKITHI AKINIU 5:9

Akipesüqo ye kushuo kehu Shishe Akimthe-a khalau no pishipuwo ashe ithulu, ikemu Akimthe-a nguno khalau ye ithumlae; tipau ye ishi kutolo tile achephi.

IPEKULU 40:20

Pa no ashepe tu ikhipe puloshoqhi bohu lo süve, eno akipesüqo pesü puloshoqhi bohu lo xisüve no akünha pesü tipau nhave.

AKIKIHI 4:15

Kughou Aaron ngo pa nuliqo no Akimthe-a eno tipau lo tinhemgha kümtsü küzü khaveni keno, tithiu no Kohath laghami no tipaqo xapu nike ighini, ikemu panongu ye akimthepu thimeqo bumoni, tikumo aye thive nosake. Kohath laghami no Aphiki lo nhemgha xapuni keu ye hipaqo ke.

AKIKIHI 7:9

Ikemu Kohath laghami ye tsümove, kughengu panongu ye abighi lono akimthepu thimeqo xapu penike pichebe püake.

ZAKINIU 10:8

Tipa ghuloki lono Ampeu no Levi laghami pelo Paw Puloshoqhi bohu pe penike, Pa huthu, eno Pa je sheqhe penike kishe kütüta shie. Ti ye ishi kutolo tishi chephie.